Пред некој ден го имавме во Канада како пее дует со еден уличен музичар. Сега е во Манчестер, истиот сетап, само не е дует, туку соло ја изведува "Kiss From A Rose".

Логика која држи без разлика дали си 300.000 народ или 2 милиони: не сме големи, ама можеме да подаваме топки, можеме да се браниме како тим, и можеме да даваме голови. Другото го знаете. П.С. Една од причините зошто до сега ништо не направиле во фудбал, немале асални игралишта.

За својата стандардна Тојота направил нестандардни тркала кои овозможуваат да се движи како сака, сосе мунвок. Е не, ќе мота волан.

Не негово филозофирање, туку демонтирање на човекот и како му успеа од заебант да се претвори во легендарен комичар.

Кинезите по дифолт имаат проблем да покажат квалитет кај што било од нивно производство. Сега треба да покажат и уверат луѓе дека мостот од стакло што го направиле над еден кањон е издржив и квалитетен. Како се тестира стакло? Со токмак.

Некој впрегнал сериозна наука, технологија и софтверски ум за да може некој друг сето тоа да го користи - за да си стави магарешки уши.

Како волци! Гладни и орни, спремни за нов ден, за нов лов, за нова потрага по возбуда... Имаме видео.

Ако од којзнае која причина не ви годи мазниот и рамномерен звук на велосипедските гуми, трк по кокос за да го пимпнете својот двоножен пастув.

1) Политичката освестеност е вештачка. Тоа е само уште еден начин да бидеш дел од групата. Некој ќе рече "политика" и групата ќе каже "Дааа, политика". Друг ќе каже "Grand Funk Railorad" а неговата група ќе повтори "Дааа, Grand Funk Railorad!". 2) Секоја жена е за себе, мразам да се гледаат како една група. Не можеш така да судиш за нив. Но, во повеќето примери сфаќам дека тие се глупи луѓе, само што носат сукњи.

Обраќањето првично е до американската публика, ама доживувањето е чисто британско: "Обединето Кралство, место чие име по овонеделните настани почнува да звучи малку саркастично."

Луи Ц.К. против Џеј Лено, во "не мора да се сакаме, ама барем може достоинствено да се ругаме" расположение.

Интуитивно водени од мудроста дека "ничија свеќа не горела до зори," уличните Нострадамуси од Топ Листа Надреалиста пред 20 и кусур години се заебаваа со идејата како ќе заврши заедничката европска софра.

Екипа на Бибиси ги минува последниве неколку денови во Барнли, каде две-третини од гласовите отидоа во корист на брегзит, за да види што ги мотивира тамошните гласачи и како размислуваат околу референдумот.

Зошто Натали Портман е онолку слаба? Затоа што главно јаде попара. Зошто главно јаде попара? Зашто е слаба со забите. Зошто е слаба со забите? Затоа што погрешно ги четка. Не баш така, ама, ѕирнете.

Конечно да наидеме метод за одвикнување од цигари на кој би му дале шанса. Неколкупати. Да, да, ТИЕ печурки.

Моќниот Лукашенко си кажа. И луѓето го послушаа!

Поплавата во провинција во Кина во голем дел е предизвикана од Ел Нињо, Ел Нињо пак во голем дел е предизвикан од Кина.

Без разлика колку и да се труди дечково да го сврти видеово на наука, многу повеќе се работи за најосновен мерак да кршиш замрзнати предмети пред камера со забавена снимка. И излгеда баш така добро како што си замислувате.

Прилично е грд, и не е нешто многу автомобил колку што е скелет на кој компјутерски ќе може да се надодаде маската од кој било автомобил, ама предвидувањата се дека ова е иднината на рекламите за автомобили.

Ова што ќе го чуете е исландскиот коментатор од вчерашниот пренос од натпреварот меѓу Исланд и Австрија. За тие што не се запознаени, Исланд во 94-та минута дадоа гол со кој одат во осмина-финале, без голот, имаше шанси само дома да одат.

Одличен пример како со маркетиншка луцидност се доловува посакуваната таргет група на производот, а притоа да се избегне баналноста и вулгарноста која, ете и ние, ја избегнавме во насловот.

Не е немање клима, валкани чаршави или општо лошо сместување, не им се расипал автобусот или дека "шоферот не пушташе клима пошто му дуваче во грб", не е ниту лоша храна или "на 8-ми ден ни снема пиво во ол-инклузивот," туку е банкомат на плоштад, сред Виена, и како може да се разбудите без скршена пара на кредитната картичка.

Исто како професионалните маалски муабети за тоа која храна како ти влијае на трицепсите, бицепсите и стомачните, само на научна основа и наместо мускули избран е мозокот.