Бидејќи ова не можеме да го објасниме никако поинаку, го прогласуваме за класична демонстрација на телекинеза. Џабе давате отпор, тоа е!

Не е тој Ајнштајн па да ви ја објасни својата теорија со едноставна формула. Ама затоа има ластичиња и има мустаќи па е интересно да се прати јал ластичето ќе му пукне и ќе го запука по тоа мустаќот. А дали неговата идеја за фрижидер кој ќе работи на ластичиња е генијална, појма немаме. Само знаеме дека ластичето не му пукна.

Сериозноста со која главниот лик пристапува кон своето космичко идиотско хоби е премногу дури и за земја од која потекнува целата екипа на Монти Пајтон.

По некои разликата е во музиката што ја користат и текстовите што ги вадат, по други разликата е во тоа што новите рапери не треба да постојат.

И тие имаат свој Терминатор. И тој знае да се закачи на автобус, па да биде прегазен од тамче па мртов ладен да стане и да продолжи да си брка работа.

Дремење на Јутјуб е следниот логичен чекор во еволуцијата на губење време откако по телевизијата, и сериите дојдоа на статус "нема ништо интересно за гледање". Ваквиот развој на настаните  го приметивме кога се фативме себе си дека сме се претплатиле на над 30 Јутјуб канали. Денес ви го претставуваме Ози мен ривјус, како што името кажува дечково е Австралиец, како што името не кажува дечково е феноменален во коментирање / рецензирање.

Посветено на сите луѓе кои живеат во селата на поранешна Југославија.

6-минутно видеоупатство за најпопуларната женска занимација пред да се појави селфито. Младите да научат, постарите да се потсетат и да размрдаат малку газиња. „Е- ма-ес-ас-а...“ ја памтите (ви текнува дека тоа е - бааги лошо - спелување на зборот Мисисипи?)

Лесно се води истрага кога имаш осомничени со грижа на совест. Со џукели на две нозе истово би одело многу потешко.

Поентата е дека филмските награди се начин на кој им се одава признание поважните уметнички достигнувања во кинематографијата. Во реалност, поентата е кој ќе даде повеќе пари. Толку од филмот.

Треба да се помириш дека никогаш нема да бидеш толку самоуверен во себе како дебела тинејџерка што на инат на сите хејтери снима видео туториал за тоа како се мацаат орео колачиња во млеко, притоа проаѓајќи ги сите глупи стереотипи што би ви текнале за неа.

Наивни, пренаивни деца што уште веруваат дека родителите им мислат само добро. И така се до моментот кога ќе им дадат да пробаат темно чоколадо, вистински темно чоколадо со над 70% какао.

Сиже на финалето во кошарка меѓу САД и Србија од Олимпијадата во Рио. Поради ексклузивните права, не можат да емитуваат ниту секунда од снимката, ама сепак успеваат автентично да го пренесат натпреварот.

Говорот е упатен до Доналд Трамп и во него најдругарски го советува како од целата работа може да излезе како легенда, а сè што треба да направи е да се откаже од претседателската трка. Проштален, затоа што оди на одмор до 20 септември и се надева дека до тогаш Трамп ќе го има послушано.

Пред погрешно да се сфатиме, авторот на монтажите нагласува дека: целта на спотовите не е нечие вреѓање или омаловажување.

Затоа што треба Бугарите да ни покажат дека не мора секој филм да е социјално-економска-историска драма. Затоа што чуда може да се случат кога човек фантазира. Затоа што (и најважно) во филмчево е фраерски да си дебел и луѓето живеат за да јадат бидејќи најважно е да си дебел. Заради буцката и тој сувиот што толку многу сака а не може да се здебели... Почнуваме: Во свет каде што нема гравитација, а слабите луѓе одлетуваат во небото.

Металика на 18 ноември го објавува својот прв албум по 8 години, Hardwired ... to Self Destruct. Ќе биде двоен диск и ќе има 12 песни. Прва песна на албумот е Hardwired, и ја пуштија за да држи до премиерата. Љуто, кратко и брзо.

Би ставиле во наслов и Ајфон наместо Андроид, ама корисници на Андроид далеку повеќе се палат околу телефоните. (Освен тие што решиле дека се исплати да продадат бубрег за да имаат Ајфон, и мислат дека имаат светиња во џеб.)

Сторија за канадска шверцерка, која пренесува изворска канадска вода во САД и ја продава за 60 долари од литар. Комплетна пародија изработена од This is That, што совршено го покрива (инаку извонредниот) шаблон на Вајс.

РТ го потсетува Бајден, а и Србите, што мислеше и што збореше овој за Србите во 90-те. Нешто во рамките, треба да ги: бомбардираме / окупираме / ставиме во концентрациони логори.

Фасцинантно е колку малку треба за човек да стане КОМПЛЕТНО беспомошен. Видеото е шкарт ама финтата треба да се запамти, ако некој ви се петели, да го направите кокошка.

Гордон Ремзи ја брка по дома ќерка му, ја стигнува и конечно ја прашува: Како е да се биде ќерка на најдобриот готвач на светот?

Олабавете се, порачува ИКЕА во луцидната реклама во која покажува како би изгледал еден средновековен ручек ако во тоа време би постоела денешната лакомост по лајкови и одобрувања.