По 12 години поминати како прв човек на Дајмлер, се пензионираше Дитер Зече, или фамозниот Доктор З. како што беше познат во тие кругови (замина со пензија од 4,250 евра на ден, ама сега тоа неважно). Му честитаа од конкурентскиот БМВ, со видео порака чиј мотив е „Пензионирање е кога ќе го оставиш минатото зад себе и ќе ја прегрнеш иднината.“ Чекајте да видите на што мислат.

Ќе отиде човек во Шведска малку да прошета да одмори од карпиве и балваниве балкански, и цел пат низ нос ќе му излезе. Една работа да не им е на место, а и глуп ова народот шведски: пола држава им е со шуми, они увезуваат дрва од странство; измислија динамит, 200 години не биле во војна; министри наместо во лимузина, со метро се возат. Налет живот таков.

Направиле симулатор кој многу јасно ја покажува разликата како во еден град сипаниците се шират кога има 80% вакцинираност на деца на школска возраст а како кога вакцинираноста изнесува 95 проценти. Симулациите се направени за американските градови но поентата е иста.

Ауууу, каква епизода е па ова! Треба да се освои носечката композиција на Игра на тронови. Во коалицијата се ко-креаторот на серијата Ден Вајс, Том Морело (Aудиослејв/RATM), Скот Јан (Антракс), Нуњо Бетенкорт (Екстрим), Бред Пеисли (кантри музичар) и авторот на саундтракот Рамин Џавади. Од оружје имаат гитари. Дали ја освоија? Вака Дани со она змејот не го беше спржила градот!

Не е некоја си супермоќ што ќе го спаси светот, ама за малку вежбање може некогаш ќе ви заврши некоја работа или проблем што се решава со вртење паричка.

Сме пишувале за тоа дека документарните тв канали се претворија во шкарт програма кога го прифатија форматот на реални шоуа (види: Де-еволуцијата на Дискавери или Како Shark Week стана исто ѓубре како и Дискавери). Само да потсетиме на веројатно најубедливиот видео доказ за тоа фејкерство. Кога оној бестрашен Bear Grylls покажува како се поминува преку опасен мост од лава. Почекајте, почекајте. 

Роберт Ф Смит, милијардер и ЦЕО на Виста Еквити, деновиве доби почесен докторат од Морхаус колеџот на кој и тој своевремено има завршено. Смит не остана должен. Пазете ја реакцијата на студентите кога ќе им соопшти дека решил да ги плати сите нивни студентски кредити и долгови. А се работи, ни помалку ни повеќе, за 40 милиони долари.

Видео сцена од еден несреќен сообраќаен удес. На една страна е побеснат Оптимус прајм, на друга, неколку луѓе од кои еден, посебно се издвојува. Не можат тие толку да го спасат колку што тој може да биде прегазен. Ако е преживеан, во моментов мора да е кај некоја бајачка. 

Ако некогаш сте помислиле дека сте побрзи од мечка, да ве пишманиме додека не сте решиле да се пробате - не сте. Ниту побрзо пливате, ниту побрзо се качувате по дрвја. Ништо не сте „по“ од мечка.

Во април Ролинг стоунс ја прекинаа турнејата затоа што му се слошило на Мик Џегер и мораше да му прават итна операција на срце. Сега сме средина на мај, Мик Џегер само што го објави ова видео. 75-годишниот Мик Џегер по операција на срце.

Нам ни изгледа како да се вика „кафе со облаче“, инаку е ексклузивно кинеска верзија на кафе (за сега) во која филџанот топло кафе се служи со топка шеќерен памук над неа. Кафето го топи „памукот“, сето тоа паѓа внатре, па е доволно благо за сите што го пијат „горко со пола лажичка шеќер“ (и веројатно подобро е на изглед отколку на вкус).

Луис СиКеј (пред да почне инквизицијата) за скеч кажува: Јас кога сум во кола имам поинаков систем на вредности, тогаш сум најужасниот човек што можам да бидам. Овие двајца немаат скеч за кажување.

Тетовирањето има две важни правила: Прво, немој на себе да ја тетовираш девојка ти / дечко ти. Второ, ако не го послуша првото правило гледај да знаеш некој што добро црта самураи. Дечково на пример паднал на првото, ама има грб за второто.

Година 1998, Џорџ Р.Р. Мартин познат само по дома и ретко на кој друг, за време на некоја конвенција дава интервју за некоја нова книга што ја пишува со наслов „Судир на кралеви“, инаку втора книга од неговиот серијал „Песна за мразот и огнот“. Со нула подготвеност за зборење пред камера, и идентично искуство, Мартин меѓу другото планира дека за 5-6 години сите книги од серијалот ќе му бидат завршени. 21 година подоцна, уште не се.

Не е испарување, не е некоја масовна завера за труење на масовни популации, туку краткиот одговор, како во многу вакви случаи, за жал е - рак. Во тамошниот водовод со години мислат дека немаат никаков проблем со квалитетот на водата, се додека еден нивен корисник (фабрика за безалкохолни пијалоци) не им се јави за да ги извади од памет.

Проектот за кој известивме во 2016-та во статијата „Рамбо собира пари за соларен брод“ е финиширан и пловилото на Рамбо конечно накваси дупе. 20-минутна „репортажа“ од таа светковина, со блех- музика, со гусли, со све.

Целиот концепт се базира на правење компост (а.к.а. ѓубриво за земја) и е спакувано доволно хипстерски за да излгеда како да е нешто револуционерно ново. Вака на прва изгледа како голема пластична кутија со дупки ставена во земја, во која го фрлаш целиот растителен отпад што ти останува по дома. И на видео личи како да врши работа.

Ако си коцкар лесно е, ставаш тоа заровите на ретровизор или на ѕивани, и на сите им е јасно дека си коцкар. Кога си Русин, работата е инстантно покомплицирана, па бара шмишајбни, чекани, работилница, ама за тоа и резултатот е многу поуверлив.

Пораката на видеото е - не паркирај таму каде што не е пишано дека ти треба да паркираш. Пораката на целата кариера на Зак Анер, што по пат неколку пати ја споменува во видеото е - „Being stuck is just a perspective.“

Меѓу милијардите часови видео материјал собрани на Јутјуб е и еден дечко (не се гледа на камера, ама во оваа професија секогаш е дечко, никако да дојде на ред некој да се побуни за еднаква родова застапеност во оваа индустрија) животно посветен на одзатнување шахти низ Америка. И како му оди? Со шахтите одлично, со Јутјуб исто не е лошо па видеата му собираат по стотици илајди прегледи.

Италијанки послужени со полуподготвена / замрзната паста. Најдоброто што можеа да го кажат за целото искуство: Можеби на Американци ќе им се допаѓа.

Малнар собира респектибилен панел интелектуалци и воведен збор му дава на Јаран, за тој да го објасни потеклото на Први Мај и да ни открие кој тоа бил најголем работник на сите времиња. Јебеш му матер ако Ноќна мора не се најбесценетата оаза на нормалност во овие шугави времиња.

Она кога во дебатна емисија ќе фатат да се инаетат кој да го каже последниот збор на некоја тема? Е, тоа.

Се разбира, чест е на секој свештеник да ја каже радосната вест за исусовото воскресение ама кај овој, за да ја склопиш веста, треба по еден слог од секој истрчан круг да му фаќаш.