Иако се дружи со носители на телешко месо кои ќе завршат на трпеза, еден австралиски вол ќе си го продолжи животот благодарејќи на својата големина. Се вика Никерс, има седум години, висок е 194 сантиметри а тежок 1.400 килограми. Просто, не може да биде транспортиран до кланица а и таму не може да помине на стандардната лента на смртта. Цврц!

Најинтересно е што не се дере од шокираност, туку тоа е само една фаза од нејзиното справување со ситуацијата. Втората е да заплаче а третата да го слика цајканското комбе. На крај веројатно ќе ги објави сликите на Фејсбук и ќе раскаже каква траума преживеала од полицијата.

Шефот на британската дипломатија сними едно кратко видевце за време на посетата на Португалија, за да го истакне долготрајното пријателство меѓу двете земји, ти реков, ми рече. Но, постои една снимка од тоа што сè има изнатресено додека ги снимил тие пар реченици. Од тоа дека не знае што баш се случило за време на Втората светска војна па до тоа дека Џемс Бонд бил роден во Есторил. Џонсон и наша Ременска би можеле бајно да се дружат. Тој неа да ѝ кажува за 007, таа нему за Микеланџело Бонапарта.

Знаеме, знаеме, некогаш поинаков наслов ќе ставевме.

Драматично и напнато видео од еден лет со глајдер во кој едниот од двајцата летачи се нема врзано. А другиов никако да го спушти леталото па животот на првиот буквално му виси цели 2 минути и 14 секунди. Завршува со хепиенд? Речиси. 

Ова е една веб класика ама да не заборавиме дека постојано навалуваат нови генерации кои допрва треба да го научат координатниот систем. На XY оска, еден цреп заебантски објаснува како стојат работите на таа тема. Најјака е „опасната зона“ во која спаѓаат „црвенокоси, стриптизети и сите што се викаат Тифани“, ама почекајте ја и последната. Како и во сите стереотипи, и во овој има - вистина.

Традиционално и годинава Блек фрајдеј не разочара сликовито да претстави дека човек е подготвен да убие, или барем да спружи некого на патос, за добар попуст.

Сцена од една театарска претстава во која еден од двајцата актери толку јако ја долови уверливоста на својот лик што на другиов Станиславски уште долго ќе му зуе во уши. 

Ние десет прсти, тој десет прсти. Со нив ние знаеме да му покажеме среден прст на некој кретен зад волан, тој со своите десет знае да го прави сето ова:

Саз, хармоника, виолина, сето тоа склопено од врвниот босански зналац Дамир Имамовиќ и ете ја старата италијанска партизанска песна, со севдах во неа.

За нив ова е реклама за некаков нов вид за плаќање без пари и без маки, за нас ова е како сакаме да ни завршува петок.

Пред една деценија, Кина имала една брза пруга долга 30 килметри. Десет години подоцна има повеќе од САД, Јапонија, Франција, Велика Британија и остатокот од светот - заедно! И тоа не е најфасцинантниот податок во прилогот кој следува. Чудесии! Додека наш човек се реши меѓу Европа и Русија, Боргиве ќе го освојат светот.

Ајнштајн викаше дека ако не можеш некому едноставно да му објасниш некоја работа, тогаш и ти не ја разбираш баш најдобро. Ова е интересен концепт: како една иста идеја да се објасни на пет нивоа на комплицираност. Од петгодишно дете па нагоре.

Улан Батор дели ист проблем со неколку македонски градови. Не бре, Мирко Субвенција не пушта и кај нив музика. За воздухот се работи. Нас нè дотепа фактот што откако го изгледавме ова драматично видео (дечиња по болници, градите им свират како дупнати хармоники), ѓаволот нè натера да провериме како тоа стоиме споредбено со Улан Батор. Тетовчани, запејте: „Во гради имаме ПМ за три светови“.

Разговараат дедо и неговата млада внука. Таа зборува по ново, тој зборува по старо. Кај него тоа оди пократко.

Поточно, добро е да се имаат двајца магионичари во друштво. Тој вториот за мезе.

Френк Запа тврдеше дека за музиката подобри беа старите дебели директори на музички куќи кои држеа пура во уста и ништо не разбираа отколку оние кои подоцна дојдоа на нивно место, млади и паметни хипстерски директори кои знаат сè.

„Туркменстанскиот претседател дига златен стап а објективната публика (членови на неговиот кабинет) знаат тоа да го поздрават со искрен и срдечен аплауз“. Секое дополнително инфо само ќе ја уништи магијата на вој видео клип.

Не беше интернетот замислен за бизнис и правење блесави милијарди долари, или поврзување на човештвото и унапредување на квалитетот на животот. Интернетот е само за вакви клипови.

Лето и вака и така ќе се пројде, дури и без да стапнеш во кола, проблемот е кога ќе дојде есен / зима а ти уште си опремен со заблудата наречена гуми за сите сезони. За да ви е појасно што збориме, споредба на два идентични автомобила, еден со зимски еден со гуми за сите сезони, и нивното однесување на хокеарско игралиште. Гледај и слушај.

Ова не е вистина, само за жал на некој недолжен дечко или девојка ова не е ни многу далеку од вистина. А вреди и заради бисери од типот „јас прво се бришам па одам по нужда“.

71 годишниот Јуриј Петров и 35 годишниот Олег Буков се дел од парламентарната ергела на Владимир Путин, кремот на руската политичка елита која треба да се справи со предизвиците на овој немирен свет. Еве ги двајцата таму кај што се најпотребни, на седница на Думата. Со тоа што од стариот (и ненаигран) Јуриј ќе го видите само прстот.

Поедноставени и стилизирани мапи за подземните метро системи се прифатени во многу светски градови. Но, кога Њујорк решава да го следи тој пример, наидува на отпор од своите луѓе. Њујорчани инсистираат да ја користат „најлошата“, наместо онаа која се сметала за „перфектно“ дизајнирана.

Тоа на нашки е точно 101 метар. Дечкото зема (голтна) воздух неколку пати и со пераји тргна удолу, на длабочина на која поради притисокот, човечките бели дробови се собираат колку пепељара.