Додека овој си игра со лавовите, пазете го тигарот како го пази човекот.

Нема да ви треба многу објаснување за тоа кој е кој во ова видео. Министерот ќе го познаете по професионалноста и умешноста а себе ќе се препознаете по - смислата за хумор.

Не е кучето човек па да те разбере дека лекот е за негово добро и дека треба да го испие. Ама, ако имате дете по дома, ќе знаете како.

Дечково има многу чудна работа. Ако ви кажеме дека птиците ги храни преку својата уста, можете да помислите на некоја нежна сцена меѓу човек и неговите птици. А не е....Отприлика онака како што бабите замислуваат дека внуците треба да јадат.

Различни ситуации во кои луѓе им помагаат на животни кои упаднале во некоја неволја. Знаете кога вас ќе ве спаси патка ако паднете во шахта? Никогаш!

Оној кој прв го смислил епитетот "око соколово", крај себе сигурно го немаl овој примерок на сокол. Истиот примерок, за жал, веќе никој не може да го има. Од друга страна, интересна е можноста оној опеан сокол кој пиел вода на Вардарот, да мислел дека пие од Дунав. 

Мравки околу телефон. Додека телефонот е мирен, мравките акаат наоколу рандом, секоја со својата мака. Штом телефонот се разбуди, со рингтон, се фаќаат за пајдушко! За ваши објаснувања на феноменот, јавете ни се на фиксен. 

А на мајка ниту и е гајле колкав е тој што те закача, ниту што е, ниту кој е со него. Па дури и мајката да е мачка.

Старото интернет правило е - ако немаш што да објавиш, стави им мачки. Да не биде апла клише, ние објавуваме лавови... како се хранат... во чопор.

Ти, мечка и кутија од издржлив плексиглас. Забавата е што не знаеш колку е издржлив плексигласот.

Кај нас сообраќајките со фатален исход главно ги прават џукели кои возат автообили со многу коњи. Имаме видео со сличен состав ама многу поинаква сообраќајна култура.

Нека не ве лаже неговиот добродушен и мапетовски изглед. Колку што е чупав, дупло е полаком!

Ќе се фасциниравме и ние од ова куче и неговата умешност да се пентари, ако не знаевме некои овдешни биографии на јавни лица кои направија уште поголеми успеси по вертикала. Наравоучение од оваа приказна: кога ќе гризнеш од врвот, задолжително одиш долу.

Имате кучиња овчари, имате кучиња птичари и го имате ова, специјализирано да пука балони. Зошто, не се знае.

Иако е време во кое се накотија разни глодари и штакори (кои по колективното беснило мртви ладни ќе се вратат во своите глувчешки дупки), можеби сме сепак нефер кон овие суштества кои не ни станаа симпатични ни со помош на Том и Џери.

Кога ќе видите како добродушниот нилски коњ смачкува цела лубеница како да е манчмелоу, ви станува јасна глобалната статистика зошто од нив гинат повеќе луѓе отколку од лавови или ајкули.

Ете во што е разликата меѓу бик и вол. Да беше вол, ќе го убедеа дека внатре му е убаво.

....тогаш може рибарот внатре! Решение за сите оние кои чмаат гледајќи во тапата и се прашуваат, добро, се случува ли нешто долу?

Тоа што трикот е стар, не значи дека сите го научиле. 

Ова куче не би издржало во природа па природата да му се фрла во уста.

It's been a hard day's night, and I'd been working like a dog.... А кога ќе ти заврши еден таков кучешки ден, земаш ќебе и ќе се мушнуваш под него. Најљудски.

Чисто да ви стане јасно што е поентата ако во наредниот период, српската полиција распише тендер за набавка на соколи.

Дали да го гледаш за тоа што не е свесно колку не знае, или колку е упорно за да и помогне на друга душа, или затоа што инстинктот за помош му е посилен отколку инстинктот за прејадување.

Јуниорска селекција кози, расположени да возвраќаат поздрав како деца во градинка. Колишевски, шејм он ју.