Во овој клип ќе научите една најјака финта од техниката џиу џицу. Ако зафатот го изведете правилно, противникот по некое време ќе ви се заблагодари што е наспан. Пресмешно е!
Уште една од оние брилијантни идеи, што доаѓаат секогаш кога си со два-тројца другари во викендица. Овие имаат замрзнат базен и камера. Греота ќе беше ова да не се сними.
Bodyform, британски бренд за женски хигиенски производи, е денешниот шампион во спинување. На ироничен пост на нивниот Фејсбук сајт тие одговорија со одлично видео кое стана вирално.
Австриецот Феликс Баумгартнер не скокаше само за себе и за свој ќеиф. Неговиот подвиг е остварување на еден повеќедецениски завет на Ѓуро, кој, под маска на босанското гостопримство, своите деца упорно ги спремаше еден ден да станат Феликси. Да се потсетиме на овие самопрегорни тренинзи.
Одлично ги прават овие аудио монтажи, кога на ликовите им се насадуваат тотално погрешни реплики а делува најрелно во свет. Ѕирнете ја дебатата Обама - Ромни. Плус, Hunger Games.
Ако мислите дека му е многу криво што го рогна малиот во фаца, само забележете му го говорот на телото откако ќе ја предаде жртвата на мајка му. Тоа го прави само мажјак кој е ужасно горд на нешто што направил.
Откако го видоа ефикасниот лек за главоболка Угандин, напредните Руси решаваат дека сепак постои простор тој дополнително да се подобри. Во нивната варијанта, за Угандинот не ви е потребна помош од страна на стручно лице, туку дозирањето го прави секој поединечно. И има мнооогу јак плацебо ефект.
Правата дама е жртва. Дала пари а не и дале дрога. А втората дама, обвинетата, е згрозена што и подметнуваат дека е дилер а таа си има сосема друга професија. Изгледајте до крај.
За тие што знаат што е Кикстатер, ви го претставуваме најдобриот проект на сите времиња: домашно секс видео од Бар Рафаели. За тие што не знаат што е Кикстартер: Бар Рафаели.
Филмов никогаш не би требало да се случи. Како прво, заради тоа што оволку познати на едно место, Оскар не може да собере, како второ, изгледајте го трејлерот.
Не е толку маестрален како "Чварци и кавурма", ама и ова е сосема легитимна одбрана од изнудувачи на изјави, нагалено наречени репортери. Запамтете некоја ваква формулација и слободно шетајте по град, ништо нема да ви можат.
Ако некогаш дојдете во директен контакст со јасновидец, гатач, некој што на кој било начин може да ја предвиди иднината, топло препорачуваме вака да ја испробате неговата вештина.
Во обвивка од киндер јајце, му ставаат вистинско јајце. И малиов им вика, не можам да гризнам, а тие - можеш, можеш. Што ти значи да растеш во здрава средина на возрасни луѓе.
Луѓево успеале да најдат еден куп деца што никогаш во живот немаат пробано сладолед и го снимаат нивното прво искуство. Повеќе радост ретко кога имате видено.
DMX, феноменално постојано лутиот рапер, се соочува со некои од предизвиците на модерното време. Како на пример, користење лаптоп или пребарување на Гугл. Плус, многу го нервира кога слуша музика "и она, на сред екран, ќе почне да му врти."
Еден дечко со туретов синдром пробува да отпее песна на караоке. Побогу, секоја песна вака звучи подобро! Особено нашиве добиваат одлични, фак, верзии. Ќе пробаме?
После долго време налетуваме на технолошки изум со човечки лик и во функција на неговите базични потреби. Се разбира, пуканки не нè интересираат. Ова треба да функционира со кебапи!
Џими Кимел во едно од подобрите тролања на своите гледачи. На истиот ден кога излегува Ајфон 5, излегуваш на улица и им го даваш на луѓето "новиот" Ајфон да го споредат со претходната верзија. Новиот = веќе постојниот Ајфон 4S. Воодушевување на ниво.
