1000-те зборови што не ги кажува заедничкото селфи ги имаш во видеово на парот со длабоко разбирање и инсајдерски информации за тоа што значи да си во врска.

Во отсуство на нашите („Шиме ѝ го шибна на Шана“, „Издездорансиралисе“, „Професорот вика, вика не се вика вика, туку вика се вика вели“) за убедливо најдобра ја прогласуваме брзозборката на Босанецот. Пазете само колку тешка конструкција нему му се падна!

Еден индиски стенд ап комичар (Ромеш Ранганатан) кој дошол до буквално истата поента на еден наш маалски родител за тоа зошто не треба многу да се секираш ако детето уште не знае да користи веце шоља. А има и други добри поенти.

Донеле куп колачи и бесплатно ги делат пред теретана. И плус јадат пред излогот, оние маченици внатре да гледаат и да си ја челичат волјата. Нормално, не проаѓа без реакции од надлежните чувари на здравиот живот.

Кога размислуваш како чекан, во сè гледаш шајки. Истото важи и за тапанарите.

Од Алабама па до скопски Сити мол, тие сцени на шопинг лудилото на Блек фрајдеј изгледаат идентично тажни и шокантни: буткања, влечења, грабања, дрпања, газења преку други луѓе (бидејќи себе веќе си се прегазил кога си решил да си дел од тоа стадо). Чекајте малку, да ја видите Финска.

По реакцијата на неговата партнерка во сцената од филмот „Омразената осумка“, ќе сфатите дека само на Курт Расел не му е јасно дека она што го држи в рака не е евтина реплика туку автентична и непроценлива Мартин гитара стара 145 години. Бидна.

Оркестарот е американски, музиката руска (Стравински) а за главниот јунак знаеме само дека најверојатно е жена.

Ни станува јасно зошто на Јапонците им требаа шест и пол години да го најдат стопениот ураниум од Фукушпима или зошто Кинезите им купија четири од шесте најголеми прозиводители на телевизори. Други вештини сега тие развиваат.

Сме виделе вакви сцени на апсење (хинт: Воденица, брат Љубе, откако „го наместија“ со помош на мистериозна сила која му ја мрдаше раката накај ковертот), но не и некој вака да го задржи својот заебантски дух додека го апсат. „Уууу, јак си“ му вика на пандурот и после го потсеќа дека и „најсилните имаат своја нежна страна“. Цар.

Како да сипеш Кока кола а да не ти се направи цела чаша пена, па да чекаш пената да слегне за да ја дополниш чашата. Алатката која ќе ви помогне во тоа не е руска ама размислувањето е.

Сме виделе ранети предатори и деца во Африка како полесно доаѓаат до оброк од овој кутар дечко. Викаат, од тогаш само на стапче јаде.

Странката: Дали вакцините предизвикуваат аутизам?
Гугл: Имам еден милион резултати кои викаат не, и еден резултат кој вика да.
Странката: Знаев!

Пак истиот предизвик од Кимел до родителите, да им ги земат сите бомбони, чоколатца и какви сè не благца што маливе ги собрале претдходната вечер по куќи, и да им кажат дека ги изеле. Родителите пак повеќе од волни да соработуваат со Кимел против родените деца.

Се вика Ник Мареј Вилис и цртањето не му е толку силна страна колку што му е наоѓањето перспектива што ти не ја гледаш и тоа да го искомбинира со анимација. Еве го на тема филмови и на тема фудбал.

Само вистински другар ќе ти влета со вилушка во јадењето што пробуваш да го сликаш за на Инстаграм, затоа што прво, никогаш нема да станеш фотограф; второ, многу мерак се прави на оваа страна. Муш!

Јашар не е нешто посебно талентиран но се смее на начин кој го прави ѕвезда. Таман.

Се знаеле многу години и многу филмови имале заедно гледано. А нас многу нè чеша да ви откриеме кому Харви Вајнстин (и Џенифер Лоренс) ќе му доделат награда, но штом го слушнете името, конекцијата меѓу него и Харви ќе ви добие на квалитет.

Како изгледа кога една таква куќа ќе почне да штеди. Некогаш носеа ајпади, сега му фукнале топ хартија А4, да има што да држи во рацете.

Таа мисли дека мајка му живеела 10 децении, а тој не ни знае што е деценија. Нормално, победа.

Дечкото е хипхопер но решава да му даде шанса на нешто што дотогаш никогаш нема слушано. Се работи за првиот албум на Rage Against the Machine. Да видите какво просветлување му се случи!

Апашов решава да ограби рецепционерка, ама го копка и што има внатре. А внатре, бразилска академија за џиу џицу.

Старава има Алцхајмер. И ќерка ѝ секој ден ѝ кажува дека е трудна. И таа одново и одново се радува. Aјде, што фали?

Некој зелен во негова близина решил да му ги одмили куклите, сега, секогаш и во вечни времиња.