Има луѓе на кои им треба прво да прочитаат упатство за да сфатат како функционира некој алат или гаџет. А има и такви кои немаат ниаква потреба од тоа. Дај му го алатот и го употребува без никаков проблем.

Двајца се, се сакаат и решени се докрај да останат заедно додека она што е под нив се клати и тоне. Во оваа верзија на Титаник, повеќе ви паѓа жал за ова второво.

Се кладиме дека во оние илјадници и илјадници коли кои во моментов се се движат по Македонија, нема ниту еден ваков како него. Тоа све намуртено и накурчено, тоа све некаде брза.

Ведра видео компилација од монтажи на банални човечки несреќи, вешто искористени за музички илустрации.

Група „активисти“ „смислиле“ „перформанс“ со кој ја подигнуваат свеста за тоа што човекот ѝ прави на природата. После вакви работи, човек со други очи гледа на приоритетите во проблемите на ова човештво.  

Двајца другари седнуваат  на механички бик. Тој што го управува бикот, решава да им отвори нови хоризонти во нивната блискост.

На настап на Тајлор, Д Криејтор, на некоја девојка во публиката ѝ е роденден па со своето друштво пробува да издејствува овој да ѝ ја испее Хепи брдеј. Така? Ок, нема проблем. 

Орсон Велс раскажува анегдота поврзана со Винстон Черчил, како овој маестрално одреагирал откако дознал дека случајно му има олеснето да добие пари за филм од некој руски бизнисмен. Нема веќе такви калибри.  

Ако уште не сте почнале, одма почнувајте, нема нешто подобро. Ако не ни верувате нас, еве земјоделец да ви објасни со аргументи и директни примери. Само ќар и бенефиции.

Даблинец бил терминално болен и знаел дека му доаѓа време да се одјави. Ама, не така одма и не така траорно. Дур е време снимил гласовна порака до оние кои ќе му дојдат на погреб. Чујте го царот. РИП Шеј Бредли (62), may the joke be with you.

Се курчи во живо на ТВ па пробува да изрезили една плавуша прашувајќи ја дали ја знае питагорината теорема. За среќа, колешката го прашува: А ти ја знаеш?

После долгогодишни хејтања и јадачки, двајцата гиганти на слободната медиумска мисла сфаќаат што имаат заедничко: што во суштина и двајцата се либерали ама такви либерали кои не ги трпат срањата на официјалните либерали.

Со 20 различни гласа на познати лица, Џон Мескимен (актер и имитатор) преку поемата „Pity The Poor Impressionist’ ќе ви објасни зошто неговата професија станува неодржлива. Објаснувањето го помага главниот злосторник во тој процес, познат како ДипФејк. Импресивно и застрашувачки.

Како да познаеш дека некое момче баш и не е во најдбори односи со законот? Пазете колку органска реакција е тоа. Како Били Питон во Маратонци: „Олади ме птичурина!“

Тој ќе ѝ залепи париче на чело, таа само треба да се удри по глава, паричето да падне, таа да го фати и паричето е нејзино. Така? Така. Одиме.

Белата куќа на Твитер објави 20 секунди снимка од градежните активности околу фамозниот ѕид (нагалено: ограда) која требаше да изгледа моќно ама станат предмет на масовно спрдање. Што заради локацијата од која се почнува (никаде), што заради тоа кога ќе завршат ако вака тераат (никогаш). Отприлика како пругата кон Бугарија.

Уште еден заебан мајндфак со тоа дипфејк финтата. Во улогата која е неодвоиво слепена за ликот на Роберт Де Ниро, одеднаш ви се појавува Ал Пачино. Ќе трепкате и ќе дрмате со глава за да си го рестартирате погледот, ама џабе, тоа е.

На пример, како возрасен и зрел маж, при здрав разум да те прават - мачка. И ако некогаш зборуваме за луѓе што неправично биле прескокнати за Оскар, ова е човекот што треба да ви е на памет.

Ова посебно не важи на шалтер (бирократско/банкарски), и посебно не важи на каса, ама ете важи ако местиш осветлување и светлосни ефекти на концерти.

Се враќаме на почетоците на „пржењето“ (за кое деновиве пишуваше Букбокс) колку за две работи: да видите како Дин Мартин и другите урнебесно се забављаат пред камери (со цигари на сцена, со сè) и да видите колку Фостер Брукс (веројатно единствениот трезен човек во тоа друштво) е лудо навежбан да глуми пијан човек. Се роста Дон Риклс, кој е вонвременски шампион во тој жанр. 

Шејн Гилис беше еден од комичарите кои влегоа како годинешно подновување на поставата на СНЛ, и таму се задржа едвај неколку дена. Неколку часа откако беше објавено дека тој станува дел од СНЛ, он-лајн праведничката полиција извади клипови во кои тој имитира стар Кинез, што се води како прекршок по основа на расизам, па потоа му извадија и нешто хомофобно. На страна сето тоа, Гилис лани го снима следниот клип во кој пророчки го предвидува отказот.

Некни Трамп беше во инспекција на тоа оградата што ја вика ѕид, а љубопитни Мексиканци се качуваа на неа ко чавки за подобро да го видат. Пишурија. Една милја чини околу 4 милиони долари. Тинејџерки го качуваат тоа за 15 секунди.

Некој во коментари пишал: „Можда ја враќа на фабрички подесувања“.

Досега нè убедуваа дека дечкото го има гризнато пајак. Ова е малку поинаква верзија за тоа како се роди дечкото со спајдерменско одело.