Лет на пакистанска авиокопанија. Еден од патниците очигледно има фрка со летање па легнал на под. Ај, тоа лесно го средија овие од екипажот. Но, почекајте да видите кон каков потег го води анксиозноста во втората фаза, додека авионот уште е во лет.

Најновиот кулинарски хит на ТикТок е пилешко. Пилешко во сос. Во сос од сируп против кашлање. Челенџот е од пред една година но допрва фати залет. Толку залет што и американската Агенција за храна и лекови мораше да издаде предупредување до ретардите. Каде е Господ? Господ одамна има направено пуканки и ни фаќа сеир.

„Метаверзум“ денес е баш шема за која се зборува па на долго и широко се мозга како ли ќе изгледаат тие проклети метаверзуми во кои ќе живееме во иднината. Вака ќе биде, така ќе биде. А доволно е накаде да се отворат очи и да се види околу себе. Берлин, денес.  

Дечкото доцни 30 минути на час. Професорот веќе се распишал на табла коа доаѓа фраерот кој бива прашан, што тоа ние решаваме овде на таблата?

Ова или е најбаксузниот човек на светот, или тоа камионетчето има стари и нерасчистени долгови со него. После ова, не се оди во болница, се оди на бајачка.

Последниот стенд-ап специјал на Бил Бур (Во живо од Ред Рокс) го имате на Нетфликс и одличен е и греота е да не го видите. Овде само со една поента со која го финишираше настапот, толку луцидна и брилијантна што не можеш да не се одушевиш дури и ако имаш поинаков став за темата.

Американскиот рапер 2 Chainz во серија на Вајс зборува со некои од најотворени преваранти на светот, во случајов со директор на компанија која продава воздух во боца. 15, 32 па и 10.000 долари за шише. Ако ја потпише Ту Чеинз, може да оди и до 20.000. А ќе има и за него.

Мартина е бела жена. Шибнала три инекции за поцрнување на кожата и сега се смета за црнкиња. „Знаеш ли дека расата не е само бојата на кожата, туку и традиција, историја, искуство...?“ снеможен ја прашува Филип Скофилд од This Morning. „Да де, ама и носот ќе го правам,“ вика враголанката која претходно очигледно има интервенирано на други делови на телото.

Романија е членка на ЕУ цели 15 години. БДП-то им е 248 милијарди долари. Просечна плата им е околу 2.000 евра. Имаат 17 високорангирани универзитети. Имаат дадено петмина нобеловци. На телевизија го гледаат ова.

Најбраво за досетливоста на оваа компилација од кадри кои редовно ги користи Холивуд кога сака да снима нешто со или за Арапи. Феноменален колаж од западни стереотипи за цел еден свет. Секој момент е маестрално убоден. Посебен кудос за девојката која доловува камила која џвака.

Вистинско освежување на идејата за тв дебата, кај нас утепана од фактот дека на домашните телевизии се верглаат исти шпилови гости. Овде тема е хомосексуалноста, присутна е една пристојна ЛГБТ активистка контра еден живчан кој има донесено пола пиљара за да ги илустрира своите тези. Првото прашање на водителот е: Зошто си геј?

Анкета на наједноставни прашања на кои млади, ама доволно возрасни луѓе, го покажуваат сиот раскош на своето незнаење. Офкорс дека игнорантни будали има насекаде. Aма некои живеат во љута сиромаштија и секаква оскудица, а други се шетаат по извиканиот Менхетен, празни како шасии. Најјако е што дечкото им ги потврдува одговорите. Пошто е доцна тоа да се оправа.

Наваро Николас Сторми, маринец- специјалец, на должност офицер за безбедност во американската  амбасада во Москва, задолжен за обезбедување на периметарот на амбасадата, во пет сабајле се враќа направен гипс. Нозете ал-денте, жироскопот пореметен а Русиве го снимиле од секоја можна камера што постои на улица.

Прашањето е дали клиповиве ги гледате заради неограниченото чаталење од ликот на програмерот, или заради систематското топење и последователен распад на „ЕјчАр-от“? Второто, нели?

Има забавни филтри, има корисни филтри (да видиш како ќе изгледаш ружен како жена пред да отидеш на операција на полот), ма има секакви филтри. Овој служи исклучиво да вадиш од памет блиски луѓе кои сакаш да ги сликаш. Одеднаш, зад нив се појавува човек. Некои го тепаат и по неколку пати. 

Ете што се случува кога некому ќе му згрешиш пол во 2022 година. Ај што дигна џева затоа што му/ѝ се обратиле со господине а тој/таа/тие да ти бил/биле жена, туку најјако е што како жена, најженствено го заврши инцидентот со пцовката „да ми пушиш кур.“

Мала компилација од шмелцувања на првиот човек на најголемата светска сила. Најјако е што на оној Путин секој втор ден н му вадат муабети дека бил болен, дека е готов, само што не опандркнал. Пошто Бајден е здрав ко дрен. Само што веројатно веќе не ни знае дека е претседател на Америка.

Не, никакви голи или полуголи девојки и жени не се во прашање. Мажи не гледаат само тоа, тие сакаат и кога нешто ќе се скрши, ќе се расипе, ќе пукне, ќе се здроби. Кој ќе го знае зошто е тоа така, ама, така е.

Твитерџија скоцка видео со една забавна боксерска реакција од Џо Роган на моментот кога се чинеше дека Алекс Џонс на судскиот процес против него е доведен во ќош ама возврати во плексус, со спомнување на Епстин и Клинтоново. За несреќа на твитерџијата, видеото стана вирално па требаше уште некое видео да се објави. Цар.

Постар, ама добар скеч на BBC. Дечко и девојка отишле на романтичен викенд. Целиот идеален сет-ап доживеал дебакл кога таа од него побарала со неа да сподели за што размислува во моментот. А тој глупиот, ја сфатил озбилно и искрено ѝ кажал на што мисли. Што секогаш - секогаш! - е лоша идеја.

Еминем тежи 230 милиони долари. Со толку пари во себе, му се бендисал саат и му свртел на менаџерот да го праша дали може да си го дозволи. После си го купил ама сега носи друг, евтин, пошто тој скапиот нејќе да го изгребе. E, тој и таков Еминем има напишано песна „Lose Yourself“.

Којзнае на која дрога, угол гол им се појави на луѓето на чардак, проба да се бори со домаќинот и кога виде дека не ја бива работата вака, реши да ја продолжи ноќта одлетувајќи преку оградата. А може само пиел Редбул па буквално го сфатил она дека ти дава крилца.

Дечко гледа оглас за работа на излог на еден дуќан. Бараат сметководител. Плата 35.000-40.000 фунти. Им се јавува и вика, затворајте оглас, го имам одговорот.

За жал, тоа ќе мора да ви го објасни едно јако непријатно и иритантно суштество (има логика, ај ти). Елем, капиосексуалци влегуваат под чадорот „асексуалци“ и се лица кои немаат сексуална желби, ама - им се сака да имаат секс. Што? Е, што де. Од нас, јеби га, толку.