Кај нас не е ладно колку во Канада а и тешко дека ќе се најдат доволно раце за да направи електрично коло. Не за друго, секогаш ќе сака некој цигара да запали. Но, потегот и поентата на рекламата, одлични.

"Идеолошки" е сличен на спотот на Проктер и Гембл за мајките на Параолимпијците, само што овој наместо мајки ги има луѓето што ќе се појават на Параолимпијадата во Сочи. Поентата е: "Параолимпијците не одат на Игрите затоа што сакаат да покажаат нешто во врска со својот хендикеп, тие одат затоа што сакаат да освојат медал. И ова често се заборава кога се овие Игри во прашање."

Ја изгледавме неколку пати. Уште не знаеме што да мислиме за неа.

"Документарец" за професијата - извитоперување на вистината. Конкретна тема - што се може да се обележи како природно (а да нема врска со природно).

Елегантен, минимален и руски. Се вика Јотафон, тера на Андроид и меѓу другото има уникатна способност, кога ќе ја цицнете батеријата, го вртите на другата страна.

На 48-от Супер Боул имаше вкупно 58 реклами (колку што ние можевме да собереме). Сме кажале ама да потсетиме, спот од 30 секунди чинеше 4 милиони долари. Ги собравме сите и ги поделивме во категории. Изволте.

Земаш кутре, коњ и фарма. На сето ова му додаваш некоја од оние нежните музики и добиваш фантастична реклама што ќе се обиде да завладее со Супер Боул.

Волво прави реклама за XC-70 автомобилот, на која главна тема е "Произведено во Шведска." Соодветно на ова главен лик во рекламата е Златан Ибрахимовиќ, роден Швеѓанец, од Малме.

Ова е еден од оние "како на мене не ми текна" моменти. Светиот грал на видео рекламите, генијално видео кое чини помалку од еден ручек, а спектакуларно ќе ја постигне поентата и сите ќе го зборат.

Во Конго постои и одлично функционира супкултурата на Сапери (Society of Elegant Persons of the Congo), составена од обични луѓе, работници, мажи и жени, кои уживаат да бидат елегантни. Гинис (пивото) знае како да го искористи тоа.

Најновите промо видеа на БиБиСи и ЕнБиСи за зимската Олимпијада во Сочи. Нешто како Игра на тронови vs. гиф-че.

Прашањето е како звучат вкусовите. Одговорот е спектакуларен. За да се направи видеото биле употребени неколку тони бибер, црвен пипер, кардамон, куркума, ѓумбир, кумин и слични додатоци. Инаку видеото е реклама за еден бренд за зачини и тревки.

На НФЛ драфтот 2012-та, Дерик Колман не беше избра од ниту еден тим. Годинава тој игра за Сиетл Сихокс, ова е неговата порака.

Затоа што им е јасно дека уште ја памтите "Една е мајка" рекламата за Олимпијадата во Лондон 2012-та, Проктер и Гембл не ги заборавија мајките ниту за Сочи 2014-та. Без разлика што ќе ви се случи до крајот на видеото, немајте гајле подеднакво сте мажи како и на почетокот.

За една реклама трајно да те престраши не мора да има само ужасии и крвишта, некогаш и погоден дијалог ќе заврши добра работа. Видеото е дел од кампањата во Нов Зеланд против пребрзо возење.

До сега научивме дека се додека знаеш Фотошоп која било просечно убава девојка можеш да ја направиш кукла. Веќе сме во фаза - просечно убава девојка е стара фора.

Еве заедно да размислуваме каде би ситуирале дејствие на една реклама за конзерва грав: лифт, важен деловен состанок, важен љубовен состанок, напната тишина пред драматична циркуска точка, родителска средба, погреб, кино претстава... Не, не, размислувајте надвор од кутијата планетата. 

Во зборовите на самиот автор: "Автомобилот ви гарантира дека ќе ве однесе од точка А до точка Б... Најголемиот дел од времето." Инаку се гледа дека на човекот му е зорт да го продаде Нисанот, и второ се гледа дека го знае рецептот како да прави реклами за автомобили.

Истиот човек, истата позиција, истите дела. Единствена разлика што се машко и женско.

Дете, само во продавница (денес ретко, ради педофили и други стравови). Има телефон да се јави (тоа ок). Се јавува дома (тешко). За да праша што беше најважно да купи, без што тоа тато не може да се дочека за ручек (тачдаун!).

Легендата вели дека маж не може да го пушти во писоар ако некој зјапа во него. Посебно ако зјапа згодна женска. А легендите некогаш треба да се проверат. п.с. дечкото што пушти раце е срцка.

Ако кликнете на повеќе, ќе изгледате видео кое ќе ви покаже како лошо можете да завршите ако не кликнете на повеќе. Шала, шала, се работи за фе-но-ме-нал-на! серија реклами за еден тв оператор.

Шармантна субверзија во стереотипизираниот свет на детските играчки. Реклама родена во свет во кој само 11 проценти од инженерите се жени.

Како да демонстрираш колку ти се добри новите камиони што ги правиш? Зошто да не го земеш Ван Дам и да го натераш да направи шпага на два камиони што возат во рикверц. Како?