Како се прават патиктие на Леброн Џејмс, на Кевин Дурант и Коби Брајант. Цртачите на патики на Најк.

Збирка многу исчашени видео реклами од Јапонија. Постојат две можни објаснувања: или нивната семка е дојдена на планетава од некоја друга вселена или... Фукушима. 

Уште пред да почне Божиќната сезона Лего распали со ретко добра приказна за татко и син на која сериозно многу родители нема да можат да и одолеат.

Луѓето од адвертајзинг индустријата гледаат 1,7 пати повеќе порно отколку остатокот од луѓето, пијат 9 пати повеќе бурбон од просечниот човек и 1,6 пати почесто го гасат тонот на рекламите. Има уште.

Просто зачудува со каква сериозност можат да рекламираат крајно глупи производи. Значи вака: гаќи против силување, ок?

За промоција на 4К телевизорите, Сони лансираше 8 милиони листови од цвеќе од вулкан. 8-те милиони листови ги симболизираат 8-те милиони пиксели што ги имаат 4К телевизорите на Сони - четири пати повеќе од FULL HD 1080p.

Реклама за сајт за лични контакти за "кугар-ки," возрасни жени што сакаат млади момци (25 - 30 години). За сè им го плесна на младите. " - Ти си компјутерски гик. - Ти душо заработуваш од диплење џемпери."

Ако тргнеме од тоа дека целава идеја му е украдена на Роки (кој како грев трчаше на многу постудено, без океан за бањање), видеово пак е добро.

Загрижена дека технологијата ги разделува луѓето, Милка направи технологија која ги тера луѓето да соработуваат меѓу себе, или барем да си пружат рака со непознат додека да добијат гратис чоколадо.

Некаква кампања за шпанска музичка телевизија, за тоа колку е важна музиката кај песните. Ѕирнете ги клиповите, ако не за нешто друго да видите како шупливо изгледа сето тоа без нешто да ѕенѕа во позадина.

Годинава Прово стана еден од градовите во САД кој ќе добие интернет од Гугл (брзина 1000 мегабити во секунда). Еве како градските власти им објаснија на своите граѓани што значи ова. П.С. Ние уште сме на цревото.

Чипотле е ланец на ресторани за мексиканска храна кој деновиве објави една срцепарателна реклама за страшилото (човек) кое по долги години работа за бездушна корпорација што ги малтретира животните и ви продава ужасна храна, решава да отвори сопствен ресторан во кој целата храна тој ја одгледува. Сега, Funny or Die направи искрена верзија.

Пред некое време ова го направи Најк со баскети, па после и секакви топки, сега Жилет реши да компонира со тегови и слични фитнес справи. Одлично.

Не е дека не вреди да се бориш за старото, ама некогаш се исплати да почнеш и нешто ново. Исто трошиш енергија, а сешто може да се случи. Без разлика колку си стар.

Видеото е комплетно лудило, веројатно не толку во делот како да се сними (иако и тоа изгледа прилично комплицирано), туку во делот како од празен лист хартија се развива идеја која изгледа вака. Видеово е снимано 6 дена на локации во Данска, Германија, Чешка и Романија, и тоа за време на некои од најголемите поплави во Европа.

Потеклото на видеово е крајно официјално, направено е по нарачка на германскиот синдикат на работници во металската индустрија. Самиот клип е веројатно најдобриот пример како да направиш видео за гласање на избори на кое луѓе ќе му посветат внимание.

AdoreMe е стартап кој има собрани инвестиции од околу 8 милиони долари, и главна цел му е да и конкурира на Викторијас Сикрет. Ете, сега алибито ви е дека од чиста бизнис радозналост ќе го изгледате снимањето на нивниот каталог за да процените дали и колку тој ќе им помогне во остварувањето на нивната бизнис визија.

Сите играте баскет за да имате оправдание од дома за сите заедно да одите на пиво? Не баш. Они имаат посилна поента и далеку поубаво прераскажано.

Добро е кога пивата ќе се отворат со реклами. Па откако Даб ги наполни видеата со жени, Скопско реши да сврти на мажи и тоа мажи што би се бореле за своето пиво.

Отприлика секој фан на Барселона вака си го замислува рајот. Место во кое Меси предава модерни танци, Пике работи на царина, девојки на улица разговараат за тики-така, Иниеста прави графити со фудбал, а навечер цел остров се собира на Ноу Камп за да ги гледа овие како се фатиле да играат фудбал.

Откако ќе стигнеш до таму до каде што можеш, одма продолжи на идното, на повисокото, на што и да е, само да е поголем предизвик од тоа што си го минал до сега. Барем Најк така вика.

Како му изгледал денот на дедо ви, од станување до враќање од работа, како ви изгледа на вас. Скромно и на велосипед.

Нкаитол живее во село во Кенија, има 4 години и се надева дека еден ден ќе биде Масаи воин. Шансите дека Нкаитол нема да го дочека својот 5-ти роденден (на ниво на држава) се 1 спрема 5. Ова е неговата "bucket" листа.

Не се болките инстантни, туку доаѓаат некоја година подоцна и неизбежно ќе ве стигнат. Барем така сметаат од Дурекс, ама нудат и решение.