Потеклото на видеово е крајно официјално, направено е по нарачка на германскиот синдикат на работници во металската индустрија. Самиот клип е веројатно најдобриот пример како да направиш видео за гласање на избори на кое луѓе ќе му посветат внимание.

AdoreMe е стартап кој има собрани инвестиции од околу 8 милиони долари, и главна цел му е да и конкурира на Викторијас Сикрет. Ете, сега алибито ви е дека од чиста бизнис радозналост ќе го изгледате снимањето на нивниот каталог за да процените дали и колку тој ќе им помогне во остварувањето на нивната бизнис визија.

Сите играте баскет за да имате оправдание од дома за сите заедно да одите на пиво? Не баш. Они имаат посилна поента и далеку поубаво прераскажано.

Добро е кога пивата ќе се отворат со реклами. Па откако Даб ги наполни видеата со жени, Скопско реши да сврти на мажи и тоа мажи што би се бореле за своето пиво.

Отприлика секој фан на Барселона вака си го замислува рајот. Место во кое Меси предава модерни танци, Пике работи на царина, девојки на улица разговараат за тики-така, Иниеста прави графити со фудбал, а навечер цел остров се собира на Ноу Камп за да ги гледа овие како се фатиле да играат фудбал.

Откако ќе стигнеш до таму до каде што можеш, одма продолжи на идното, на повисокото, на што и да е, само да е поголем предизвик од тоа што си го минал до сега. Барем Најк така вика.

Како му изгледал денот на дедо ви, од станување до враќање од работа, како ви изгледа на вас. Скромно и на велосипед.

Нкаитол живее во село во Кенија, има 4 години и се надева дека еден ден ќе биде Масаи воин. Шансите дека Нкаитол нема да го дочека својот 5-ти роденден (на ниво на држава) се 1 спрема 5. Ова е неговата "bucket" листа.

Не се болките инстантни, туку доаѓаат некоја година подоцна и неизбежно ќе ве стигнат. Барем така сметаат од Дурекс, ама нудат и решение.

Што има ново со прочуениот германски режисер Вернер Херцог? Има ново, само што не е продолжение на Носферату туку нудење сол. Во проект на Кикстартер, Херцог решил да му помогне на пријател за да ја рашири дистрибуцијата на својата сол со органски зачини. Кој заради фетиш кон храната, кој заради гласот на Херцог, кликајте плеј.

Трејлер за новиот Џекес и новиот Џони Ноксвил, или замислете филм со човек што е половина Џони Ноксвил, половина Борат.

Хонда прави римејк на возењето на Аиртон Сена на патеката Сузука во 1989-та. Целиот римејк е со звучници и светло, по должина на целата патека.

Не сме најупатени во оваа проблематика, ама, мора да постои подобар начин да се рекламираат женски тампони. Еве не знам.

Адидас отвора нова продавница за патиките на Дерек Роуз во Лондон. Го има само најновиот модел и секој пар е бесплатен. Секој што ќе влезе може од полица да земе само по еден пар. Цаката е што полицата е на висина на професионален кош - 3 метри. Кој дофати, зема.

Најк, Гугл, Греј Пупон и Канон, се четирите брендови што завршија на списокот со номинации за Еми за најдобра реклама. Прогласувањето на победниците е во септември.

The Mill се глобална фирма за визуелни ефекти, полна со луѓе кои сериозно ги бива со камера, ефекти и компјутери. Еве годинава што имаат сработено.

Реклама на Пошта на Норвешка. Еден куп пакети и еден куп љубов. Поштари и не така многу.

Сони вади нов телевизор и инстантно ја користи шансата да фати повторно да си игра со бои. Не се топчиња низ Сан Франциско или конец низ Египет. Овој пат се во студио со многу канти боја. (+ снимањето на спотот)

Некогаш една реченица ти ја прави целата реклама. Поентата на Смарт во рекламава е еден од најдобрите примери за ова.

А што ако се е обратно, а што ако животот се живее под екваторот, а што ако белата раса не беше таа што ги ужива сите мераци на планетава, а што ако ние бевме тие што сите ги гледаат како напаст, беда и сиромаштија.

Јебеш ти држава ако нема барем две пива кои безмилосно се тепаат на пазарот. Оваа стара мудрост во последно време махерски ја разбиваат прилепчаните од Даб. Она на јахтата така- така, латиницата на новата етикета не ни е баш по ќеиф ама последниов спот - пасент. Изработиле дечките од Футура 2/2 а спотот режисерски "мириса" на Ангел, еден наш супер дечко кој работи во Бугарија.

Стара финта употребена во најдобра намера. Рекламен билборд за кампања против злоупотреба на деца. Изгледот и пораката на билбордот зависи од која височина го гледате. Вистинската порака треба да стигне до деца до 10 годишна возраст.

Брилијантна реклама, за страшните моторџии и нивната досега успешно криена нежна и мајчинска страна.

Приказна за девојките од магичната земја Еппдонија. Земја во која сите јадат јогурти, играат, имаат бели заби, блескаво светли домови и во која сите успеваат да ослабат.