Во зависност од тоа во каква врска сте, така варира и количината на драма што ја имате во животот. За тие што им треба малку повеќе драма, TNT сними уште една спектакуларна реклама за нивната телевизија, овој пат за Холандија. За потсетување, TNT бе истите оние што пред некоја година направија цела акциона сцена на еден плоштад во Белгија. Овој пат се уште подобри.

Намерата е добра, за изумот не сме сигурни дали ќе функционира ама инвенторот, да е паметен, ќе му ја препушти презентацијата на некој кој има барем ронка харизма.

"Ова е мое тело, можам со него да правам што сакам," вели Ленс Армстронг. И ние сега добро знаеме дека е така. Само што во 2001-ва, за реклама на Најк, смислата била поинаква. Морничаво е колку убедливо можат да звучат лагите. 

Можете да замислите колку лошо, колку долго време лошо одела продажбата на оваа серија млечни производи што газдите решиле дека убедувањe "со убаво" веќе не помага?

Иако неупатените би можеле да помислат "кој ова може да си замисли?" ви тврдиме дека ова е нај- нај-најјаката реклама произлезена од овие региони. Босна, Лото и.... ќе видите!

Не мора да сте идеален човек за да бидете идеален родител. Убер шармантна реклама на тема посвојување.

Кампањите за борба против ракот на дојката досега главно се потпирале на шокирање заради подигнување на свесноста за проблемот (груби оперативни резови, уништена самодоверба кај жените...). Една чилеанска рекламна агенција проблемот го адресира од сосема поинаков агол: што мажите губат?

Без разлика кој си, што си и што ти се паѓа, глупо е да се преценуваш и да мислиш дека стварно знаеш што мисли малиот додека блажено те гледа.

Далечниот март 2012-та, го имавме првиот настап на вујко Дру (а.к.а. Кајри Ирвинг, првиот пик на НБА драфтот 2011-та). Сега Дру оди да сврти уште една партија баскет, ама го зема и другар му Вес (Кевин Лав од Тимбервулфс). Плус, Бил Расел.

Кога би правеле реклама за избори и кога Партијата на пензионерите би ни била клиент, ова е рекламата што би ја гледале. Сепак, овој пат рекламата е дело на Мајкл Мур.

Да ја правеа оваа наградна игра кај нас задачата ќе беше - подигни извод од матично од прв пат. Соработка на Кока-кола и Бонд, која ќе ве изнатрча за пар влезници за Бонд (ама се исплати).

Забранетата реклама за Хјундаи Велостер. Оно, има логика, ама, кој купува нешто заради логика?

Точно на време за сезоната чекање редови пред Епл, Самсунг со продолжение на својот сеир за предностите на Галакси С3 во однос на Ајфон. Плус, дополнително ругање од типот – "телефон за стари," "го мрднаа влезот за слушалки," и "може ќе ти треба нов адаптер, ама па прават одлични адаптери."

Информации за вино за мажи, без тие "нота на ..." или "жичка на ..." и фала богу не предлага кафе со виното. Плус, некако страв да те фати ако не купиш од кај него.

За да ви биде појасно колку ние како држава премногу серизоно се сфаќаме себе си, една реклама од Данска по повод воведувањето на новите автобуси во Копенгахген.

Абсолут вотка го лансира брендот Absolut Unique, кој ќе се двои од другите по тоа што секое едно шише од пијалакот ќе биде уникатно и нема да личи на ниту едно друго. Бонус: ова ќе го прават со 4 милиони примероци.

На филмскиот Sky канал, октомври ќе им биде во знакот на 007. Ѕирнете како жестоко добро го најавуваат циклусот. Како ли би било ова со турски серии, кофи солзи ќе се истураат на екран?

Гугл има една посебна навика да ги промовира своите сервиси преку работи кои немааат никаква логика или поврзаност со она што се рекламира. Ова се некои од подобрите примери.

Во животот имаш приоритети и имаш пиво. Лесно се наоѓаат нови приоритети.

Листата е без трејлери за филмови и без "забранети" реклами. Основата по која се пресметува е која колку гледања имала на ЈуТјуб, и по оваа основа видеото на Мајкл Џексон за Пепси завршува пред рекламата на Олд Спајс со Ајзеа Мустафа.

Освен што живо не занима што значи она попалено "Хане! Хане!" на спикерката, јапонскава измислица ќе ни треба многу кога ќе нагрнат дождливи денови. Средство за шофершајбна од која капките бегаат како маслинки од виљушка. Останатите детали се наведени во клипот.

The Mill е едно од оние студија што имаат буџет од 5 милиони долари за да снимат една реклама од минута и пол. Сега решиле да се пофалат што се имаат направено за 2012-та.

Зошто да не ги израдуваш луѓето кога знаеш каков мерак им правиш. Плус, не дека не те плаќаат за тоа.

Две недели по завршувањето на олимписките игри, борбата продолжува на Параолимпијадата во Лондон.