Она што ќе го видите е од збор до збор драматизација на автентичен судски записник. Се работи за пред-парнична расправа која се претвора во апсурдно надмудрување околу дефинирање на фотокопирот. Гледајте до крај, оној што треба да сведочи на крај попушта под притисокот и е принуден да одговори конкретно.

Едниот е глуп, другиот е поглуп. Двајцата се дел од една од најуспешните комедии на сите времиња, сè додека некој не седна да се помачи и од неа да направи драма.

Ова нешто е измислено само затоа што Јапонците не можеле да поднесат колку е хаотично регуларното пакување на лубениците и како изгледал нивниот транспорт. Тие стварно успеваат да добијат коцкасти лубеници, ама сега проблемот им е што тие не се јадат. Ова не значи дека тие не се продаваат, и тоа како украси по цена од 100 долари за лубеница. Бонус "ова е 3 до 4 пати поскапо од цената на регуларните лубеници."

Производителот (Forever Lock) тврди дека не постои човек што може да го отвори ова без клуч (сите фори со брусилици, бонсеци и слично, не важат). Го изгледавме видеото и му веруваме на човекот што збори. Јапонско е.

Кога ти работи некој со вакви перформанси, прва ставка што ја гледаш е - фира. Кај конкретниов мајстор, ни тоа нема. Плус, некако те исполнува кога гледаш друг кога добро работи.

Да речеме дека Вес Андерсон го режира филмот. Да речеме дека ова е воведот во филмот. Погодено како да е правено со учебник по Вес Андерсон.

Неколку среќни луѓе зборуваат за семејството, како и колку тие луѓе им значат и слични работи, притоа блажено несвесни дека ни родена сестра не би препознале на улица. После тоа следува пишманот.

Летерман најави дека ќе се пензионира, СиБиЕс објави дека Колбер ќе го менува. Сега "новото дете" дојде на гости кај стариот, да се видат. Промената ќе се случи дури во 2015-та.

Брајан Кранстон "Breaking Bad", Келси Грамар "Boss", Џон Хам "Mad Men", Питер Краус "Parenthood", Дамијан Луис "Homeland" и Кифер Сандерленд "Touch", седнати на маса и зборуваат за драма и за глумење и за награди. И така, цел час.

Како Дизни направи совршени симулации на снег во својот блокбастер за деца.

Листа со 45 видео рецепти, на која клучен предуслов за да се појави некој рецепт е да има месо - од типот свинско или телешко, а во најлош случај барем пилешко. На листата, наслови како: Ребро над ребрата, Бургери од јагнешко месо, Свински кременадли во маринада, Мимоза Шарска плескавица... Имате 45 рецепти, таман за од понеделник да почнете нов пост, ама во спротивен правец.

Речиси и да ти падне жал за човек што прави селфи. Конкретниов лик сака да се слика со воз во поминување. Фина идеја, проблематичен е машиновозачот.

Не дека не е рецензија на Волкот од Вол Стрит, само што многу повеќе е искористување на секоја можна да шанса да се изнаруга Ди Каприо дека се уште нема да добиено еден единствен Оскар (а Шер има).

Не ја знаеме целата приказна, не сме сигурни како стигнала работата до тука, ама многу е веројатно дека како и сите ние и тој само сака да стигне дома. На патот до целта му се испречува една ограда. Тука почнува битката.

Почнува како "дописник" на Дејли шоу, па станува главен дописник (во истиот период со Стивен Карел), за по некое време да добие и сопствено шоу, Колбер Репорт. Сега тој е човекот што ќе го наследи Летерман како водител на Лејт Шоу. Цело ова време тој не отстапува од ликот на Стивен Колбер, кој драматично се разликува од човекот Стивен Колбер. Еве едно интервју од пред некоја година, со овој вториот.

Една третина од познатите генетски проблеми се одразуваат и врз очите. Знаци на дијабетес, кардиоваскуларни проблеми, оштетувања на нервниот систем се само дел од болестите кои офталмолог може да ги детектира со обичен преглед на очите.

11 и нешто минути драматични моменти над пистата на аеродромот во Бирмингем. Ајде ауто-пилот нека го прави ова да го видиме.

За да ги адресира проблемот на недоверба на корисниците, загриженоста за приватноста и сомневањата дека шуруваат со зезнати служби и агенции, Гугл го објави ова симпатичпно видео во кое објаснува во кои случаи се дават информации и какви сè филтри постојат попат.

Има една фаза во животот на машкото која настапува во периодот помеѓу кога мајка ти престанала да ти купува алишта и додека да научиш сам како треба машко да се облекува. Во овој период си крајно самоуверен дека тоа што го носиш и како изгледаш е врвот, и дека се останато околу тебе што те критикува е крајно неписмено за мода. Па дури и ако тоа се 30 сингл девојки кои дошле на ТВ за да најдат дечко.

Маршал и Барни од Како ја запознав мајка ви, како Валжан и Жавер од Клетници, по основа предизвик од публика да повторат еден свој претходен импровизиран настап на едно тв шоу.

Ако сме искрени оние видеата со водопади, шума, река, море, никогаш не нè опуштале, таман ќе се ставиш во филм и ќе фатиш да ги мислиш да не ти заврне или да не си заборавил нешто дома. Ова е сосема друго, нема никаква тензија, главниот лик знае што прави и лагано те води низ целата приказна и те опушта.

Од трите работи што ќе ги кажат луѓево, двете вистини им се случиле нив, лагата е нешто што му се случила на некој друг од групава. Материјал за трауми и за неверување колку сакаш.

Имаме на таа тема и подолго четиво ама за оние кои сакаат кратко и јасно, Пен и Телер се мајстори за показни вежби.

Една од оние "бакнежи за подобро нешто" акции, ама комплетно направени за лична корист. Наводно дечково е очаен, па по таа основа бара да му се посвети внимание со бакнежи. Од вас #форевералоун, ние поштените...