Од човек во летни пижами со вешот одозгора, до траорно мрачниот лик што го создаде Кристофер Нолан.

20 минутна беседа на темата од насловот. По точки, се разгледуваат следните проблеми: 1. Приказната; 2. Херој; 3. Негативецот; 4. Акробации / каскадери; 5. Камера; 6. Ранливоста на херојот;

Како луѓе кои ништо не работат брзо, редовно сме воодушевени од луѓе што ултра брзо и поштено си ја завршуваат работата.

Сиракјуза, Њујорк, Бордејн во посета на еден занетчија кој прави тигани од лиено железо. За да биде максимално социјално одговорен, тиганите ги лие од стари делови од автомобили, најмногу дискови од кочници, а печката му работи на користено растително масло. На крај, пак бифтек.

Освен за дијалогот и камерата, Тарантино е претерано пицајзла и за звучните ефекти, кои совршено го надополнуваат секој потег на соодветниот лик.

Затоа што ниту една промена нема да се случи додека не излезеш на улица, дечкиве веќе некое време се на терен и успешно резилат возачи по Москва заради најидиотски прекршоци. На пример, возење по пешачка патека.

Бизарна и претажна е потврдата на старата фраза "животот е краток а уметноста долга" во случајот на Едмунд Клинт. Едно мало детенце од Индија кое на Земјава беше присутно нецели 7 години а зад себе остави преку 25.000 уметнички дела.

Знаеме дека светлината е најбрза и дека нема побрза од неа (освен кога ептен ти се оди во веце). Но, ставајќи ја таа брзина во перспектива, во однос на огромното пространство кое таа го минува (не е ова Скопје- Велес), тоа изгледа фасцинантно бавно. Патувајте со еден фотон, од Сонцето до Меркур, за 40тина минути, таму сте.

Музичкиот плеер на Нил Јанг беше најавуван како "револуција во слушањето музика". Бројни ѕвезди (попат пријатели на Јанг) објаснуваа дека разликата меѓу звукот на новиот Поно и старите емпетројки е драматична, дека чувството е магично, дека конечно оживеал оригиналниот звук на песните. Сето тоа помогна на Кикстартер, каде што Нил Јанг побара 800.000 долари за комерцијален развој на плеерот, да се соберат дури 6,2 милиони долари. Но, сега дојда на ред тестирањата.

Надвор од насловот имаме да кажеме дека трејлерот е лоша снимка бидејќи е пиратиран од некаде (кај да е ќе биде пуштена официјалната верзија). Исто така - 12-ти април премиера.

Тед Тарнер своевремено кажа дека CNN ќе емитува програм сè до Судниот ден. Дечко кој работел таму, тврди дека CNN веќе имаат подготевено видео кое планираат да го пуштат на денот на Апокалипсата (го нашол фајлот во нивните компјутери под име "Turner Doomsday Video'). Значи, кога ќе дојде тој ден, не вртете CNN (бидејќи ќе ви биде веќе видено), свртете на Едо.

Просечно напнат корисник на интернет би требало да добие предупредување дека во следниот клип нема ништо шокантно ниту посебно фрапантно. Но, бидејќи сте вие натпросечно нормална публика, ќе разберете.

Ричар Докинс е биолог еволуционист кој е познат по своите критички мислења за концептите како што се креационизмот и интелигентниот дизајн. Како таков, често добива меилови од "другата страна." Аргументи, контра-аргументи, мислења? Не, не, главно "педер си, се ебеш со мајмуни". Така е со сите глупи хејтери на светов. Меиловите ги чита - Докинс.

Ама, да не го хакнат за 10 дена и некој да може да ни брцне холографски прст во око, да не треба да се апдејтува на 7 минути, да не му се случи ниту син екран, ниту црвен прстен, да нема некое брилијантно идиотско мени како на Офисот... само нека работи како на рекламава и ништо друго не треба.

Клучниот чатал момент од годишниот Состојба на Унијата говор на Обама, чисто за да се знае кој е кој.

Кутар наш Кајшаров. Додека тој мора да го истерува самиот ѓавол, на овој ќелавиов му се падна полесно за екстерно: да го вади оргазмот од жените.

Видеата објавени на Вимео во 2014-та што заслужуваат внимание и што заслужуваат да бидат изгледани. Посебно ако ви се гледа нешто убаво, што има осет за време.

Ова не е расипано туку вака треба да функционира, и тоа чисто по потреба за да не мора полицијата да функционира. Шведска.

Во минута ипол сумирани најчудните моменти во повеќедецениските "специјални односи" меѓу САД и Велика Британија. Ќе видите зошто е Буш најјак тип на сите времиња, кога ќе го прашаат што тој и Тони Блер имаат заедничко. Ах, колку ни фали тој цреп!

После True Detective, Dallas Buyers Club и Interstellar, Метју Мекконахи заслужено стана еден од најталичните фаци во денешниот филмски свет. Пред 22 години, на аудиција за Dazed and Confused, многу Драчево.

Многу језива сцена во една шума во Полска. Нема крв, мрв, ама само помислете да налетате на некој ваков лик. Ќе побарате мечка и со неа ќе се разберете ко луѓе.

Нил деГрас Тајсон објаснува колку долго човек може да издржи на другите планети од нашиот систем. Спојлер: седете си мирни.

Љубов е магазинот, а магазинот прави календар со по едно видео дневно за 31 ден. Во овие 31 ден ги имате: Миранда Кер, Исабели Фонтана, Лили Албриџ, Емили Ратајковски, Адријана Лима... Може сите на брзина да ги изгледате или стварно да терате цел месец со нив.

Елон Маск, основачот на Тесла моторс (пред тоа ПејПал и сл.), одговара на прашања на ЈуТјуб, меѓу нив за дебаклот на Теслата на тестот на Топ Гиар. Неговата верзија - прво не е точно, второ не мора да ја повторувате снимката цело време, трето чекаме суд.