Човекот кој работи на Ф-15, а потоа е дел од групата која ги поправа сите дизајнерски грешки на Ф-15 и го создава Ф-16, седи и 10 минути го растура секој можен аспект на Ф-35, најновиот воен авион на САД. Зошто видеово? Затоа што: открива некои основни работи за воените авиони, објаснува како "стелтот" всушност никогаш не работел и ова го знае цел свет, а објаснува како и армијата е обична бирократија (со многу пушки) која само гледа зграби што е можно повеќе пари.

Генерално постојат два клучни проблема со денешните фотографии. Првиот е што ги има премногу. Вториот е што на нив може да се најде работа која не сакате да ја видите. За првиот проблем не можеме многу да помогнеме.

Дечкото мисли дека ова разбирливо го објаснува, ама премногу е возбуден и премногу е програмер (а ти не си) за било што од ова да ти биде разбирливо. Сепак, генерално е гневен на ТвитДек што оставиле аматерски безбедносен пропуст во својата апликација, што "никогаш, никогаш, никогаш, никогаш... никогаш, не требало да се случи."

На видеово единствено лажно нешто е водителката, која е актерка, а не специјалист за маркетинг. Сè останато, секој збор што го кажува за храната и маркетингот се чисти факти. И публиката е вистинска и нејзините реакции се тотално автентични.

Продолжува скандинавската недела на офф.нет.мк. Овој пат двајца норвешки полицајци се справуваат со еден прилично непријатен локален алкос. Треба да се има предвид дека постапките на полицајците се под влијание на целиот товар на одговорноста од нивната работа, стресот од секојдневното справување со криминалци и генерално стравувањето за сопствената безбедност.

Водителот на Космос, Нил ДеГрас Тајсон, натенане ги мези сите научни и драматуршки небулози кои ги има во еден од најголемите филмски хитови од 2013-та година. Се откачуваат од јажето и Клуни заминува? Не баш.

Да беше до нас, ние можевме да смислиме само многу поголем одзатнувач на ВЦ шољи. За среќа, Јужна Кореја не чека некој други да и ги реши домашните проблеми со фекалиите. Плус, вака изгледаат некако многу паметно пред цел свет. П.С. боја е.

Алтернативна реaлност во која сè е потполно исто, само што жените и мажите ги имаат сменето улогите (во општеството, не биолошките). Жените се нафрлуваат и довикуваат, а мажите се послабиот пол, возат колички и им треба заштита. Ќе видиш, исто е, ама не е исто.

Просечен македонски познавач на балетската уметност знае дека постои Бољшој и знае дека жена му на Мијалков се занимава со тоа. Ама, во тој свет има разни чудесии. Балетот на Вашингтон ќе ни покаже некои од најзезнатите фигури. Забавено, за да сфатиме дека не сме ние за Балет. Освен за кај оној на Зоки Панкерот.

Целосниот распон на идеален, неоштетен човечки слух се движи од 20 до 20.000 херци. Ние на 14.500 почнавме да лажеме дека уште слушаме. Пробајте се и вие.

Зборуваме за буквално подземје, за цел комплекс на тунели и простории под Букурешт, и луѓето кои живеат во нив. Условите за живот ужасни, приказните подеднакво страшни, наркомани, сираци, џукели (вистински, не метафорички), сите на исто место. На сите им е главен Брус Ли.

Концептот е соларни автопатишта, поточно се што моментално е асфалт и павер елементи да биде соларни панели. Не треба ништо да измислуваме, се измислиле, само да се инсталира. Сега гледај.

Луи Ц.К. се мести пред цел свет за да покаже како мажите само заради тоа што не веруваат во себе ги казнуваат сите оние девојки со кои тие инаку природно би си одговарале. Карши него, феноменалната Сара Бејкер како девојката што ги дели шамарите во име на дебелите девојките.

Технаџии ќе разберат, рокери уште повеќе. Официјален наслов на клипов e - When Will The Bass Drop. Неофицијален - Секој можен (хаус? денс?) ди-џеј.

Леонард Коен велел "да знаев од каде доаѓаат добрите песни, ќе им одев таму почесто." Дејвид Линч на ова ќе го додаде следново:

Малку популарна етнологија преку Базфид. Симпатично визуелно претставување на различни ритуали низ кои машките деца стануваат возрасни. Мажишта, ај се кладиме дека кон крајот на видеото ќе ви се слоши, ќе осетите слабост по цело тело, ќе почувствувате болка по што ќе го погалите своето милениче со нежност која одамна му ја немате покажано?

Во духот на направи што е можно поголемо подобрување со што е можно помалку труд, ви претставуваме неколку речиси бесплатни фори за луѓе што ќе направат да изгледате како навистина да знаете што правите со фотоапаратот.

Приказната е за Џони, поштарот за целата вселена. Џони е мрзлив. Џони сака да спие и да јаде, и ако може да не заврши никаква работа, а работата да му заврши. Џони е како да работи на шалтер. Кога ќе го загледаш, Џони е сè спротивно на Wall-E.

Кога ќе решите да фрлите некое месо на жар, ова е единствената книга која ќе сакате  да ја имате покрај себе. Не, не е ова книга со рецепти и совети. Ова е врвна декаденција!

Насловот беше премногу добра шанса за да не го ставиме тамбот, иако видеото нема никаква врска со Тетовирање. Има врска со тоа како изгледа тетовирањето кога ќе ја забавиш снимката, и ќе го покажеш допирот на секоја игла со кожата.

Му напишале што да чита, тоест кого треба они да убијат, и ја чита тој листата: Буш, Оланд, Буш, Клинтон.... и таман кога врти страница, со свои зборови додава уште еден човек за одстрел.

"Робот ќе го ослободиш за едно 100 години, на жените ќе им дадеш право на глас за едно 150 години ама на почетокот на демократијата, малку геноцид не е на одмет". Лекции по демократија и друго од Курт Вонегат, во еден од неговите последни јавни настапи, кај Џон Стјуарт.

Многу е глупо кога имате видео кое не можете да го најавите поинаку освен со она "не сте виделе вакво нешто". А стварно, не сте виделе вакво нешто. Јеботе!