Ако ви кажеме дека бегалци од Дивиот Исток успеале својот мир да го најдат на Дивиот Запад и дека сето тоа се случува во Шведска, ќе помислите дека сме полуделе.

Се вика "Заштитници" и еден од ликовите е набилдан маж со глава на мечка, не маска, туку има глава на мечка. Што поруско од ова би сакале?

Постои еден ресторан во њујорк во кој нема да ве занима што има во чинијата туку кога тоа ќе го поклопат со топено сирење. Може и на ѓон од кондура да го стават, пак ќе го сакате.

Бидејќи може да фокусира на која било длабочина на кадарот, само ѝ кажуваш до каде те интересира снимката а од она позади Lytro ќе ти направи што сакаш. Не е битно да се разбере како го прави сето тоа, ама го прави, и тоа во реално време! Ау, магија! 

Тоа форите со голтање мачеви се толку стари што не постои начин како да возбудат обична публика, а не па жири на Британија има талент. Да, а?

Видео рецепт од бугарската Фејсбук група "Обичам да готвя". Не контаме дали ова успева само со бугарски текстил ама па битно јајцата на крај добро да изгледаат. 

Артикл: Ууни. Што е Ууни? Преносна печка на дрва за пици, лебови и сè што може да ви текне кога веќе еднаш ќе имате печка во двор. Бонус за сите што им останаа вишок пелети од зимава - работи на пелети.

Појаснување околу роковите, кој е за траење, кој е за продавање, кој е за користење и слични изрази што само звучат како да се однесуваат на нешто исто.

Секој занает е златен, ама овој особено. 14 минутно видео за тоа како во Јапонија се изработуваат тенките (до проѕирност!) златни ливчиња кои се користат во архитектурата, уметноста па и во гастрономијата. Најрачно, најаналогно. 

Германски програмери развиваат софтвер на кој му треба веб-камера и 15-секунди од Јутјуб клип со тебе за да направат реалистична видео копија од тебе, која ќе каже и ќе прави се што тие ќе и наредат. До сега успеале да направат копија од сите, освен од Путин.

Ова би било крајно смешно видео околу тоа како можеш да прелажеш пациенти со вода и шеќер, кога не би ти текнало дека има цела гранка на алтернативна медицина која е мега-успешна во својата убедливост и која се базира на вода и болест.

Најголемата фуфка и за човештвото во Вестерос и за гледачите на Игра на тронови. Тимска работа од 4 недели за да се направи шасијата, па 6 часа да се монтира на човек па 10 часа снимање со Белиот јавач за поправки и одржување на маската. А какви грдотии од луѓе има по светов, можело тоа и полесно да помине.

Го памтиме најмногу по Џекес а беше и професионален скејтер, каскадер, музичар, актер, филмаџија.... Но, не сме го виделе доволно за да знаеме колку Бам во меѓувреме се има распаднато.

Да не јадеме бабури и да не кобиме, ама со оглед на темпото со кое овде се градеше и општиот јавашлук со квалитетот и контрола на квалитетот, хмм....

Сцена од еден универзитет во Сан Франциско во која на бел студент со дредлокси не му даваат да помине затоа што "нејќеле луѓе со таква фризура". Зошто не? Затоа што белец со суканки правел "кражба на египетското културно наследство". Значи ова грчкиов ген насекаде го има. 

Дочекавме да живееме во време во кое роботите можат да фарбаат јајца за Велигден, и тоа чиста хипстерана се дизајните.

По подолги проблеми со здравјето, минатата година во август Маџгаљ е опериран заради проблеми со панкреасот. До пред еден месец тој живее во Подгорица, по што заради влошување на здравствената состојба е префрлен во Белград каде што денес почина. Токму Белград е неговиот роден град, иако детството го минува во Котор.

- Како да исецкаш кромид.
- Како да свариш ориз.
- Како да ја отстраниш кожата и коските од риба.
- Како да наостриш нож.
- Како да свариш шпагети.

Не, не знаеш како!

Во последното време ако сакате да видите како изгледа детска радост кај возрасен човек, дајте му да проба наочари за виртуелна реалност. Главното неверување е колку е реална целата работа, се додека не стане премногу реална.

Вели дека животот се сведува на тоа да направиш нешто, нешто што е битно. Тој страста ја наследил од татко му, а тој пак од неговиот татко. И го држи, не попушта.

Првиот Супермен излегува 1978-ма, првиот Бетмен излегува 1989-та. Супермен го има Кристофер Рив, Бетмен го има Мајкл Китон. Ова се искрените трејлери за двата филма.

Моќна порака до сите учители и оние што се мислат учители. Раскажува ученикот, Херби Хенкок. Многу добра приказна.

Конкретно ѕидот за кој што се расправа е на Трамп и е на мексиканско-американската граница, треба да го плати мексиканската влада и уште не е изграден. Во исто време, насекаде низ Европа без граници испоникнаа огради за кои не се расправаше, и за кои плаќаа европските држави, а кулминацијата на ова ќе се достигне во Турција со ѕид (за кој исто така не се расправаше) платен од ЕУ.

Иако благодарејќи на вродениот талент суверено владееме со шведските маси во туристичката околина на земјава и бевме кошмар за секој што ќе се прелаже да стави "ол-инклузив" во својата понуда, од далечниот исток доаѓа сериозна закана за нашата доминација во форма на - кинески туристи.