И разликата меѓу дизајнер и обичен корисник, и разликата меѓу очекувањата и реалноста, и разликата меѓу уметност и дизјан, и кои се работи дизајнер треба да ги одбие. Посебно ова последново.

Земете го кое било финале во фудбал, помножете го со трите најнапнати натпревари во ракомет на македонска репрезентација, и нема да бидете ни приближно до драмата во оваа рака покер. Комплет сценарио, позитивен лик, негативен лик, споредни улоги, тензија...

Заради комплексноста на проблемот иако двете видеа се крајно спротивставени, и двете се точни. Симплифицирање на стероиди: 1. Не е срамота да бидеш дебел, 2. Не ти се другите криви што си дебел и ако ти е проблем, не е тоа нешто што не можеш да го смениш.

Нема зошто да не веруваме дека ова успева. Проблемот што ова видео го решава е: како да ставиш кока-кола, пепси или сличен кола пијалок без да ти се прави пена. Иако цело видео е на руски, сè ќе разберете. Ретко воодушевувачко решение.

Одиме на конвенцијата на американскиот трет пат, кај либертијанците кои го избраа Гери - Алепо? - Џонсон. Да видите каква збирштина од луѓе е тоа. Да беше жив Малнар, ќе ги собираше во емисија. Со кои теми се занимаваат тие? Дали ти треба дозвола за да возиш кола.

Малку чудовишта, малку домашно производство, малку "чекај, и тоа со машина го вадите???", малку незгодно што си игнорантен кон целата работа и уште мислиш дека земја се работи како што тоа изгледало во учебник по ЗПО од 1988.

Како и во секоја квалитетна економска криза, така и во немаштијата по Втората светска војна просто било недомаќински да се расфрлаш со ресурси што и онака ги немаш. На пример, квалитетен метал од кој се изработени германските шлемови.

Пишавме пред некое време дека "ни од третите нема фајде" (види: Алепо? Се мачка на леб?) а Џон Оливер тоа фино им го разработи на американските гласачи кои се соочени со непривлечната понуда: Хилари или Трамп. Им објаснува дека наместо "да го изберат помалото од двете" тие всушност треба да го изберат "најмалото од четирите зла".

Рамо до рамо со глобалните мистерии Атлантида, летот МХ370, како може да ја викаат пастрмајлија ако нема пастрма, Бермудски триаголник, опстојува една нејаснотија која само благодарејќи на вашите силни живци до сега не ве извадила од кожа - за што е тоа едно екстра дупче за врвки на вашата патика?

Ок, за сите не можеме да збориме, за Азиз Ансари можеме.

Ѕирнете го видеото, нè мрзи да го објаснуваме.

За да покажат дека анимациите не се само за деца, двајца од Пиксар го направија ова кратко, озбилно и доста мрачно филмче за големи луѓе.

Заедничко за тинејџеров и дел од останатите бодибилдери е што зема стероиди. Различното кај него е што овие останативе што во животот земале стероиди изричито му кажуваат да не зема стероиди на 15 години, и дека не знае што му прави на сопствениот организам.

Кога ќе видиш и двата типа на луѓе се исти, само што вторите пазат тоа што имаат да ги го кажат да не ти го плеснат во фаца.

Има еднo глатко игнорирање на луѓето со различно мислење, па наместо да гледаш да го објасниш својот став, тебе ти е поважно да бидеш во право. Барем така вика Џим Гафиган, па после има уште нешто да дополни.

Како онаа владина реклама за креативност (во жицата да се види спојувалка) така и стариов во парче дрво гледа штипка. А не дека ние не гледаме баш ништо во тоа дрвце. Само треба да седнеме на кафанска маса што се клати, одма ќе ни текне за што да го употребиме. 

Со должна почит кон сите проблеми и предизвици на нашето одење на Марс, ние сепак би почнале со епските заебанции кои не чекаат на пократките релации. На пример, што со главата кога заспиваш во автобус или авион? На страна ќе се искривиш, нанапред ќе се укочиш а ако тимбата ја ставиш во лер па слободно се клацка, некој одма ќе те сними и ќе те фукне на Јутјуб. Кажете драгичка. 

Ако сакаш својата моќ да ја задржиш неограничено, треба да ја добиеш согласноста на владеаните.

Работен ден во фарма за канабис на затворено. Не, не дуваат по цел ден, него ја имаат средено на ниво на аптека и сè изгледа толку бајковито што мислиш дека можеш да ја помирисаш марихуаната.

За магија да успее, треба да веруваш во магија. Она не верува, он верува, она му раскинува (веројатно од љубомора затоа што на човекот му оди во живот).

Некогаш медиумите се посериозни отколку луѓето до кои се обраќаат. Како изгледа една сериозна, професионална и ургентна порака на американски метео канал за луѓето од Флорида и другите области кои ќе се најдат на патот на ураганот Метју.

Мекдоналдс е американска компанија за брзa храна, која ја има во речиси 120 држави низ светот со околу 36.600 ресторани. Меѓу останатите работи на менито, Мекдоналдс имаат и Мекнагет, парчиња похувано пилешко.

Измислен состанок меѓу филмски режисер, автор на Марвел стрипови и автор на манга. Целта на измислениот состанокот е да креираат измислен силен женски главен лик, за некој иден измислен филм.

Нафтена компанија сака да пушти цевки. Домородци од 90 племиња сакаат да ги сочуваат своите гробови и свети места. Домородците имаат право на протест. Компанијата има кучиња. САД, Северна Дакота, денес.