Ламборџини Венено е ултра ексклузивна серија на Ламборџини која е произведена во 3 примероци. Цената му е 3,12 милиони евра и вака изгледаше испораката на еден од трите автомобили во Мајами.

Судбината споила еден млад генијалец од Романија и еден машински инженер од Мелбурн. 500.000 лего коцки подоцна, го имаме овој автомобил кој сосе мотор е направен од познатиот материјал за детски играчки и воздух како погонско гориво. И го оставате пред зграда, и маалските сеирџии ви преместуваат едно 7-8 битни коцки.... 

Сериозно, не треба ништо да правиш, можеш само да седиш и да чекаш некој да те изненади. На пример, чекаш зелено кога од никаде оваа шлеп служба се појавува... Само да стигнеш број да запишеш.

Како и секој обичен човек, двајцава Руси не можат да се соземат откако нивниот автомобил излета од автопат право во река. Реакцијата нема во скоро време да ја заборавите.

Поентата на понтонски мост е да остане над вода и да биде користен само во итни ситуации, а не како трајно решение. Ама, на овој мост му се паднало да биде поставен во Русија. Бонус поени за дечкото во камионот.

"Самир ја кршиш колата!" Службен разговор меѓу рели возач и неговиот навигатор. Самир му ги искина живците на човекот. "Самир те молам слушај што ти зборам!"

Во суштина бицикл е бицикл затоа што нема мотор. Да имаше мотор, ќе беше моторцикл. За сите оние на кои не им пречат ваквите јазични детали, тука е Руби, едно мало кутивче кое секој велосипед го претвора во електрично возило.

Во автокомпанијата Форд се надеваат дека Американците можат да научат да користат и мануелен менувач во автомобилите кои ги возат. Па направиле менувач кој вибрира кога треба да се смени брзина.

Луѓето обично налетуваат на гужва во сообраќај, дечково улета во гужва... со 200.

После каква сообраќајка шоферот одма вади да го листа локалниот ГУП или ДУП, пошто некои работи не му влегуваат во глава? После оваа.

Како изгледа трка на Наскар одблизу, на дел од патеката во кој овие пичат со 320 километри на час. Цапа-цапа-цапа-цапа... толку.

"Луѓето кои живеат во големите градови стануват се посвесни дека е подобро да се има убав велосипед отколку автомобил," изјавуваат од Cicli Berlinetta, берлинската компанија создавање убави велосипеди.

Во 1989-та неименуваниот Кинез влезе во историјата откако одлучи да застане сред улица и да и пркоси на колоната текнкови кои беа тргнати кон Тиенанмен. Истото ова, со не така слободарска инспирација неодамна не успева во Русија.

На сите луѓе што работат на БМВ, на крај доаѓаат и една група на луѓе (вкупно 14) чија единствена работа е - како звучи автомобилот. Ова опфаќа - каков е звукот на затворање врата, ставање каиш, затворање и отворање прозорци или багажник, звукот на жмигавец или копче на шалт табла.

S Моделот на Тесла го има најнапредниот и најзабавниот тач скрин интерфејс на светот. Огромен, 17 инчен екран со милион супер интересни подесувања за сите можни детали од возењето. Да, проблем е кога она што го гледаш на мониторот е поинтересно од она што ти се случува пред шофершајбна.

Да се искрени, урбаните градоначалници најрадо би поделиле вакви велосипедски патеки, само да ги замолчат досадните велосипедисти кои во последно време се занесуваат со идејата дека треба да преживеат кога се возат со точак низ град.

Затоа што на ниво на нација му го имаме стравот на автопатот низ Србија (конкретно на делот од граница до Ниш), до некои подобори времиња утеха може да ни биде што ете Србија е до нас, а не Украина на пример. Еве еден од автопатите низ втората опција.

Волво има некој систем што се вика Collision Warning, кој автоматски ја крева рачната кочница. Уште една работа, системот е за шлепери и кога го пробуваат треба да закочи од отприлика десетина метри. Еве како функционира.

Ви текнува како свират автомобилските гуми на патот Скопје - Тетово? Факт поради кој доста скопски вулканизери се омрсија "поправајќи" ја непостоечката штета на тркалата, Е па исто и во Јапонија, само што кај нив можеш и терца да фаќаш. Ги замислувате дежурните во Македонија пат кога им пријавувате дека дел од патот им е фалш?

Следниот пат кога ќе возите накај Плетвар или вашите напатени бандаши ќе минуваат преку минското авто-поле Велес - Скопје, замислете како дупките стануваат флуоресцентни а асфалтот ви црта снегулки... Ако не можете да замислите, тогаш слаб ви е дилерот. Некаде на средина на 2013-та, заминете во Холандија, таму ќе може ова и без дроги.

Возите со автомобил, наидувате на камион. Оди бавно, ама патот е прав и нема никој од спротивната страна. Тргнувате....

Една жена, едно Пежо и еден упропастен бандаж, во Загреб. Таа е доволно љубопитна да застане и да праша: Што тоа значи? Ама наместо да го дочека одговорот (Тоа значи дека си цепаница), продолжува како ништо да не било.

Иако имавме кратко време да организираме тестирања за тоа кое од актуелните возила е најдобро за возење во снежни услови, еден модел сам се одвои од конкуренцијата. Ако го догледате видеото до крај, ќе сфатите и една друга работа, не е само до колата, и до шоферот е.

Ситуација како од легендарен вестерн двобој. Од една страна, таа... со автомобил наоѓа гаража. Од друга страна гаражата, со пакосно поставена угорница (која после некое време нормално станува удолница). Напнатоста постепено кулминира. Пали!