Превозно средство, големо колку таблет, 4 тркала, 10 километри пред да се испразни... па уште оди и нагоре! Како бе така?

Како што летото се загрева, Шевролет понуди автомобил со еркондишн за најважниот патник во вашиот автомобил. Детето? Не бидете детинести.

Бразилски морон, моронски парикира на место за инвалиди. Не го објавуваме затоа што е прв таков, туку заради космичката правда (спроведена од локалци) која му следува. Две прашања што ни досаѓаа додека гледавме: Колку време е човеков паркиран за да може ова да се изведе? Како се овие толку спремни за реакција, за вака да ја украсат цела кола?

Нисан 350з Прочарџер на отворен автопат лабаво предизвикува на трка Порше 911 ГТ3. Двете машини се ставаат во погон и почнуваат да го корнат асфалтот, кога од никаде во игра влегува Чаир...

Ако некогаш сте помислиле дека во Космосов нема никава цел за постоење на ужаснава нумера, тоа е само затоа што никогаш не ви текнало да ја поврзете со видеово.

Дечково го хакна својот велосипед (кога вртиш лево, тој оди десно) за да види дали ќе може да го хакне и својот мозок. Супер занимлива приказна.

Мишко конечно ќе може да вози со врзани очи. Концепт на инжинерите на Бош како ќе изгледа иднината на автоматизираното возење. Спојлер: не се гледа дали има пепељара.

Едно е да се бунтуваш против властите и секој можен авторитет, друго е да не правиш разлика меѓу цена на казна за паркирање и колку ќе те чини поправкна на БМВ Икс 5-ка.

Некогаш кармата делува чисто превентивно, па ја испорачува својата пратка пред воопшто да направиш нешто. Нешто како Малцински извештај, ама за карма.

Изгледа дека она што го гледавме за Токио во анимираниот Cars (двојката ) и во Fast & Furious (тројката), не беше претерување. Штом сонцето зајде, во градот излегуваат ѕверовите. 10 минути со бучните.

Секој проблем човек може да го реши со разговор и разбирање, само и само ако не се работи за паркинг место. Ако е паркинг во прашање, тогаш треба да се помириш дека нема човечко решение и тоа е.

Тестот не е за камионот, тестот е за бариерата. А бариерата држи, држи со цела сила. Немаме точни технички податоци, ама камионот е голем и е прилично залетан. Бариерата сепак држи.

Борбата е во совладувањето на кругот. Кружниот тек е 1, а БМВ-а има 6 и тоа двојки. Конкретно M235i. Целото снимање е вежбано и организирано, ама не е снимано.

Danbury Doubleback е фино и уникатно комбе чија главна финта е што може да го продолжите за едно два метра. Има комплет кујна, клизната додавка е ултралесна (150 кила) а држи и до 700 кила. Што значи дека без секирација можете да ја злоупотребувате кујната.

Ако од нашата цивилизација останат само холивудски остатоци, некои идни истражувачи би можеле да помислат дека видот хомо сапиенс бил комплетно истребен од видот авто бус.

Да научиш дете да вози точак знае да биде дисциплина кичме за родителите. Особено што баш и нема што да му кажеш како се прави тоа правилно. Исто како и кај пливањето, све правиш исто и ништо не дава резултати и одеднаш - си научил! А вакa, и баба ми може.

Секој во своја кола. Што друго треба?

Видеово е 54 секунди. Во него има едно здраво Ламборџини, кое во рок од оваа минута ќе се претвори во слупано Ламборџини. Без разлика како ви звучи, клипот е преполн со тензија.

Ако сакаш да ги излудиш овие, ги носиш на Иво Лола Рибар и ги пушташ од Алумина до Чакаларов да извозат 1,2 километри со вкупно 5 семафори. Сигурно во Етиопија во моментов со еднакво неверување гледаат некое слично видео на тема семафорите на оваа делница.

"Во јуни си купив Порше 911, кола за која требаше да штедам 5 години. Не сум богат шупак што секој ден купува Поршиња. Можеби сум шупак, ама не богат. Значи, ми требаше долго време да штедам за колава за да ја купам баш како што сакав..." После овој феноменален вовед, дечкото нешто збори за проблемите што ги има со колата.

Сеат во најскоро време вади нов модел на Купра, ама има фанови што не можат да дочекаат и цело време прават тензија за да го пробаат новиот модел. Сеат им објаснува дека колата не е готова за тест, ама ако сакаат можат да дојдат да го пробаат симулаторот на овој модел.

Не во Југо, не во Застава, не во Лада. Дечкото најде толку глупави детали во Астон Мартин, што нема да ви се верува дека ова е брендот кој го вози британскиот агент со реден број 007. Најдобрата рецензија за автомобил која сте ја виделе во последно време.

Дури и кај најновите модели на автомобили кои држат до својот фенси дизајн, централната команда табла е нерешива енигма и индрустријата никако да направи нешто едноставно и интуитивно а тоа да не личи гротескно како шалтабла од стар Стар трек. Ние би се кладеле дека ова му е мајката. 

Видеово трае 55 секунди, вие треба да обратите внимание на 2 до 3 секунди. Ферари, механичари, Формула 1 - најперфектно завршената работа што некогаш сте ја виделе.