Посебно ако пробуваш со трактор со отворена кабина да собориш дрво.

Две Тојота Короли возат една кон друга, и двете со 64 км/ч. Едната е произведена 1998, другата е 2015. Да видиме дали нешто сработиле инженерите последниве две децении.

Една од оние дилеми од клупа од пред зграда. Кој е побрз: Мерцедес СЛ63 АМГ, В8 супервозило спремно како за НАСКАР или Ф1 болид, и да се тркаат 1 круг и болидот да му даде 40 секунди предност на Мерцедесот.

Да нема волан, да не биде скапа и да можеш да го ставиш детето во кола и таа да го однесе во школо (а да не може да ја хакне за да го однесе во играчница). Ццц, а има луѓе кои уште на сервото немале шанса да му се изнарадуваат.

Тоа и денес е земја со најмногу електрични возила пер капита во светот. Над половината од автомобилите кои се продаваат во Норвешка се или хибридни или електрични. Државата си постави цел, до 2025 година комплетно да ги отфрлат традиционалните мотори. Погодностите кои ги понудија (нула данок, возење во брзи ленти. бесплатни паркинзи, штекери и патарини) се покажаа толку ефикасни што веќе не се ни потребни убедувања.

Малку доцна ни доаѓа ова ама може до следната зима ќе ги има овде. И онака стандардните ланци ретко кој возач знае да ги монтира.

Како ретко до сега клип со возење од интернет од кој може да научите нешто крајно корисно: кога товарате приколица, најтешките работи ставете ги најнапред. Нема врска? Ѕирнете го видеото.

Faradey Future се вика колата која се заканува дека ќе биде убиец на електричната Тесла. И можете да си резервирате една за само 5.000 долари. Не дека ги имате тие пари ама сепак прво ѕирнете го видеото. Многу голема превара.

Тоа што Тесла може сама да вози значи дека треба да направи илјадници пресметки и предвидувања во секунда, за добро на сите. Во пракса (ненамерно и не е тест) тоа значи дека Тесла може да предвиди судир (и да ти алармира) пред тоа воопшто да се случи.

Чисто за да утврдиме што се случува пред да продолжиме: колоната на јапонскиот премиер се вклучува во сообраќај.

Ние сме народ кого го занима само големата слика и решенија кои ќе дојдат од врвот. Мали изуми кои подобруваат или спасуваат поединечни животи обично не се вредни за нашето внимание. Ама, сепак, ѕирнете колку ова е ветувачки добро.

Треба да тркнеш до другиот крај на градот. Се простуваш со најблиските, им кажуваш каде е тестаментот, со себе земаш апарат за бричење, катетер, печена кокошка, два терабајта музика, пар книги од Балзак, туце порно списанија, две туциња марамчиња, ЦД бокс за аудио курс по мандарински, прибор за прва помош, прибор за втора помош, мобилна апаратура за помали хируршки интервенции врз себе, дополнителни количества маст за проширени вени и хемороиди.... И оп, едно време, си стигнал!

Да стигнеш кола што ја бркаш и да ја застанеш, и не е најтешкиот дел. Проблемот е да го направиш ова без да треба цела твоја предница да ја носиш на мајстор. Решение, нешто налик ласо за гуми.

Краш тест на два Нисана, еден против друг. Едниот е најевтиниот модел што се продава во Мексико (Тсуру), другиот е најевтиниот модел што се продава во САД (Верса). Види наслов.

Освен што во еден круг, барем Розберг, прави 34 менувања на брзината надолу, и 35 нагоре, прави и 13 посебни измени на подесувања на системи како DRS, BMIG, BBAL и STRAT, и тоа при брзина од над 300 км/ч. Во пресметката не се влезени подесувањата до стартот и крајот на трката.

Најдоа тотален крш, од оние кои кај нас се фрлаат по долови и канали, а од опрема имаа секира. И ја оправија и весеље!

Затоа што улиците им се речиси беспрекорно рамни, Швеѓаните немаат потреба цело време да е на штрек и да кочат / ескивираат дупки. Заради ова, тие знаат да се заборават и да ја надминат границата од 60 км на час. Решение, ќе ставаат дупки на улиците.

Оваа сообраќајна чудесија со децении одлично функционира во Свиндон, јужна Англија. Но, со оглед на фактот дека наш човек и во обичен кружен тек го фаќа паника (од филозофското прашање "Каде завршува еден круг?") па често решава одеднаш да смени лента, главнaта порака на оваа статија е: Коце, да не си помислил!

Сакате во природа? Вака се оди во природа. Иако, ова треба и по град да си го влечкаш, па, кај ти дојде. Особено пред оние шема кафичи. И да им фрлаш коски.

Чарлс Милер, кој денеска работи за Убер а е некогашен хакер во озлогласената НСА и првиот човек кој има откриено баг во MacBook Air, демонстрира што сè може да направи кога ќе  влезе во софтверот на една модерна кола: да ве отрие пуштајќи ви една те иста песна или да ве одведе до најблиската провалија. 

Градежна компанија се соочува со протест пред своите порти кои се блокирани со редица автомобили. Протестот се соочува со булдожер на градежната компанија.

За својата стандардна Тојота направил нестандардни тркала кои овозможуваат да се движи како сака, сосе мунвок. Е не, ќе мота волан.

Ако од којзнае која причина не ви годи мазниот и рамномерен звук на велосипедските гуми, трк по кокос за да го пимпнете својот двоножен пастув.

Кога? Овој пат не. Јагуар (нов) блокирал Рејнџ Ровер (нов). Решение од типот "веројатно татко му му го купил џипот," што и не ја објаснува целата публика и навивање околу него, ниту пак полицаецот што стои и гледа.