Играорците „Блажевски“, „Етнос“, „Фолклор“ и „Куд Орце Николов“ како фолклорни ансамбли + децата со оштетен слух од училиштето „Партение Зографски“ кои со сознаковен јазик ја изведоа „Sky full of stars“ од Колдплеј.

8 август е датум кој не потсеќа на УЕФА Супер Купот кој се одржа во Скопје пред две години. Денот кога на Градски истрчаа Манчестер Јунајтед и Реал Мадрид. Денот кога Жозе Мурињо доби прашање од Наташа на која и го даде еден од најјаките мурињовски одговори откако е тренер. Н е п о в т о р л и в о.

Македонската спортска јавност откорна коси од нервоза за да види некој голем историски успех во независна Македонија. Годинава тоа конечно се случи и затоа 2017-та може слободно да се каже дека во фудбал и ракомет се искачивме на едно повисоко скалило на кое сите сакаме да останеме.

Новинарска екипа на 12-кратниот европски првак и освојувач на Супер Купот 2017-та, склопи една доста фина репортажа за Скопје во пресрет на финалето. Соговорник во прилогот е Андреа, инаку македонски навивач на Реал Мадрид, кој раскажува за нашите историски знаменитости. Шпањолката проба боза и локум. Репортажата е во два дела.

Присуството на голем број Англичани и други навивачи на Манчестер Јунајтед кои се наоѓаа на источната трибина на Супер Купот и интонирањето на нивната химна, ни го доловија она што секој викенд се случува на Олд Трафорд. Колку само убаво звучи “Glory Glory Man Utd".

„Понекогаш кога победувам не ги чувам медалите, па замислете кога ќе изгубам. За мене, медалот веројатно ќе завршеше во некое ќоше во домот, а за тоа дете е месечината - нешто што ќе го чува и ќе се сеќава“, изјави Жозе Мурињо после мечот. Малиот се вика Деџи.

Група од стотина навивачи на Манчестер Јунајтед со пиво и песна се веселеа пред кафуле спроти Мајка Тереза. Во еден момент кортео со фанови на Реал Мадрид им упадна на проаѓање. Средбата мина без судир, туку со уште погласно навивање на Англичаните.

250 денари пиво, па уште и безалкохолно? Мислиш Џек Даниелс пиеш со бадеми и лешници. Стави го 100-120 денари колку што обично оди по кафиќи и ќе ти оди како алва, ама не, Скопје за Супер Купот беше во Лас Вегас филм.

Не само што не се побуни што Зидан веројатно го одмораше за Ел Класико против Барса во недела, туку напротив ги бодреше и храбреше своите соиграчи а прописно се израдува и на голот на Каземиро па им даваше вода да се оладат.

Во очи на финалето на Супер Купот, Скопје како домаќин блесна со кореографија достојна за еден ваков голем натпревар. Пред ѕвездите на Манчестер и Реал да излезат на терен, вниманието пред 30 илјадната публика го привлекоа играорците на фолклорните ансамбли „Блажевски“, „Етнос“, „Фолклор“ и „Куд Орце Николов“, како и децата со оштетен слух од училиштето „Партение Зографски“ кои со знаковен јазик ја изведоа „Sky full of stars“ од Колдплеј. Многу убаво направено, браво.

Реал Мадрид стигна до четвриот Супер Куп на Европа, Зинедин Зидан стана четвриот најтрофеен тренер на Реал Мадрид, но шоуто во Скопје се знае кој го украде. Нема, кога ќе каже нешто кажано е, плус само него му лежи вака.

Само што им ги поделија медалите на фудбалерите и тренерите на Јунајтед, Жозе Мурињо тргна кон делот каде беа нивните навивачи и медалот му го подари на едно од децата на трибината. Голем гест за поздравување, за разлика од победничкиот тим кој недоволно ги удостои своите следбеници.

На 20-ина минути од почетокот на мечот кога сите гледачи беа на своите места на „Филип Втори Арената“, еден човек спонтано намести ќилимче и го почна својот верски обред што малку ги подисплаши присутните во близина.

Со головите на Касемиро и Иско, европскиот првак славеше 2:1 против Манчестер Јунајтед и со ова гостување, прво во Македонија го круниса четвртиот трофеј во Супер Купот на Европа. Реал Мадрид беше подобар противник и заслужено стигна до пехарот. Кристијано Роналдо влезе во 82-ра минута.

Само тежок контраш може да го негира фактот дека поголем спектакл од тоа Реал и Манчестер да ти играат финале во Скопје нема. Тоа си го обезбедија самите откако паралелно чекор по чекор го минуваа европскиот пат. Нашите прогнозери го посакаа и го погодија ова сценарио.

Вечерашните противниците во клупската историја имаат играно неколку натпревари во Супер Купот. „Црвените ѓаволи“ од Манчестер го освоија еднаш а Реал има три трофеи од овој елитен меч.

По освојувањето на Ла Лига и Лига на шампиони, 12-кратниот првак на Европа вечерва во Скопје ќе се обиде да стигне до третиот трофеј годинава. Скопје е подготвено за Супер Купот, стои во моќната најава на Кралскиот клуб кој за прв ќе заигра на Телеком арената.

Ако некој се обидува да му пише на навивачов за карта, нека не се фали, бидејќи МВР синоќа соопшти дека уапсен е 41 годишен скопјанец кој препродавал билети на интернет за 600 евра.

Кристијано Роналдо е втор ден во Македонија. Сосема доволно да види нешто што воопшто не очекувавме. Одиме со епска фотографија на денот.

Утре вечер на 8. август љубителите на европскиот фудбал ќе уживаат во мега-дуелот од Супер Купот на стадионот „Филип Втори“ во Скопје. На кој прв му текнало на еден меч да се пробаат најјаките во моментот?

И покрај големиот интерес на македонските фановите и новинарските екипи, пред хотелот ТЦЦ Гранд Плаза требаше да имаш двоглед за да ги видиш Мурињо, Лукалу, Матиќ, Рашворд и компанија. Полиција колку сакаш. Сликање и снимање, само ако имаш добар зум.

Во најсилниот состав, со сите ѕвезди меѓу кои и лидерот Кристијано Роналдо кој беше на поштеда но самиот инсистирал да игра утре вечер, европскиот шампион попладнево стигна во Скопје.

Едни од најсреќните луѓе од земјава поради Супер Купот се навивачите на Реал Мадрид. Го гледаа и бодреа во Париз, Минхен, Дортмунд, Неапол, Барселона, Милано, Торино и каде уште не, но сега имаат посебна задача: да се покажат како прави домаќини.

Иако ѕвездите на Јунајтед сè уште не се пристигнати во Скопје, пред хотелот ТЦЦ Гранд Плаза утрово не можеше да се помине. До селфи или автограм од Жозе Мурињо и неговиот тим изгледа дека тешко ќе се стигне.