Изборот на Алексиевич има повеќекратна симболика - после долго време таа се доделува за небелетристика, а истовремено се подобрува и родовата избалансираност во историјата на доделувањето на оваа престижна награда. Освен тоа, новинарите присутни на објавата ја поздравија одлуката со гласен аплауз, бидејќи таа прв пат се доделува на нивна колешка. 

Кога сакаат да создадат чувство на „сторија" - новинарски жанр кој не е чисто информативен, туку навлегува подлабоко во опишаните ликови и настани, нашите новинари обично го почнуваат текстот (или ТВ сторијата) со човек со име и презиме, полека воведувајќи нè во контекстот преку неговото доживување на нештата.

Истражувачи на Универзитетот Калифорнија, Беркли, откриле и ја потврдиле автентичноста на збирка текстови напишани од Твен кога имал 29 години и работел како новинар во Сан Франциско.

Секој којшто се обидел да напише вест знае дека најтешкиот дел може да биде насловот. Тој не само што треба да биде верен на содржината, туку треба и лукаво да привлече. Притоа јазикот толку се извитоперува, што тој веќе не личи на новинарски туку на некој паралелен - насловски. Имаме неколку примери од земјата и странство. 

Новинар на Дејли Бист, подготвен да си ги признае вербалните гревови и да започне со сопствената рехабилитација, ги наведува најчестите залудно или прекумерно употребувани термини во современото новинарство, на кое не е имуно и нашето.

Иако насловот е подготвен за распалување со некоја тирада на тема новинарство и како не сме среќни од него, сепак се работи за многу покорпоративна тема - на новинари во редакција им пуштаат звуци од стара машина за пишување за подобро да работат.

Доколку последниве години го имате отворено Дејли мејл знаете дека тој главно е треш од жанрот „стигнавме на дното", чии наслови, а особено фотографии, можат да вознемират со нивната агресивност и уринарно жолтило. Но, не било отсекогаш така - весникот во шеесетите од минатиот век си имал свој етички кодекс, кој доколку доследно би се почитувал денес, би значел затворање на голем број медиумски куќи.

Во 1887 американската новинарка Нели Блај направила да ја затворат во озлогласен азил за ментално болни, со што станала првата „новинарка под прикритие". Но нејзините авантури не застанале тука. Следело рекордно брзо пропатување низ светот, на кое го сретнала и Жил Верн.

Шокантна вест која нема да ви се верува бидејќи досега јa немаме ни видено: весник признал грешки во три свои статии и отпуштил новинар заради непримерени односи со изворот на информациите.

Еден звук кој веќе ретко се слуша доаѓа од далечна просторија во Палатата на нациите, седиштето на ОН во Женева - удар на метални типки на хартија, често прекинувани од „динг" на оловно ѕвонче. Да, уште има новинари кои користат аналогни машини за пишување, и тоа со добра причина.

Пред да стане книжевен џин, Хемингвеј бил стажант во весникот The Kansas City Star, во кој во текот на 1917/18 објавил неколку статии. Преку нив може да се следи развојот на неговиот стил, од сирово новинарски, до таков кој ќе заслужи Нобелова.

Во минатото немале камери и репетиции од секој агол, компјутерски анимации, графици, статистики... но имало страшни новинари. Класичен пример за првокласно спортско новинарство е оваа снимка од турското дерби помеѓу Галатасарај и Фенербахче во 1992-та година.

Уредничка во веб магазин која прима нови луѓе на работа. Откако имала шанса да прочита преку 500 апликации за работа заклучува: "Младиве не знаат да бараат работа. Не зборувам за банални грешки во чукање туку во базично незнаење да се претстават себе како идни и перспективни вработени." Има неколку корисни и, верувајте, многу точни совети.

Оваа година престижната британска награда која се доделува од 1994 ја доби книга за убиство на хотелски рецепционер од страна на британски војници во Ирак, и збирка текстови на Мари Колвин, која минатата година погина во Сирија додека известуваше за тамошниот конфликт.

Единствената добра вест за новинарите во весниците е што нивната професија сè уште постои. Лоша е што таа е прогласена за најбезперспективната професија во 2013-та година.

Сомалиските пирати се една од најинтересните и најчудните стории за западните новинари. Проблемот е што ретко кој новинар има каква било врска кај пиратите, а и не дека пиратите можеш да ги препознаеш по папагал на рамо и дрвена нога.

Луцидност, отпор, иронија и упорност.

Дикенс, Хемингвеј, Марк Твен - во историјата на книжевноста чест е случајот славни писатели да живееле од новинарство. Но врската помеѓу новинарството и пишувањето поезија е поспецифична. Еве зошто.

Заборавете на хомофобија и етничко чистење. Во желбата да се биде неутрален, Асошиетед прес подготвува прирачник во кој на своите новинари им забранува употреба на вакви "етикети".

Јасно како ден. Без барокни реченици. Точно и за секој да може да го разбере, користејќи не повеќе од илјада вообичаени зборови. Е, така би требало да пишуваат новинарите.

Вестта дека Кларк Кент а.к.а Супермен го напушта печатеното новинарство потресе многумина кои сè уште негуваат нежни чувства кон новинската хартија и мирисот на олово. Една новинарка со рубрика за градинарство почнува да се сомнева во својата професија по шокантната постапка на нејзиниот идол. Д-р Остојиќ од booksa.hr повторно има добар коментар - времињата се менуваат, а со него и нашите идоли.

14 месеци затвор за уредникот на италијанскиот Ил Џорнале. За навреда, напишана од анонимен коментатор. Чекајте, има пресврт.

Весниците се обидуваат страшните загуби од стандардните хартиени формати да ги надополнат со приходи од интернет изданијата. Засега, тенко. За 25 долари изгубени на хартија успеваат да вратат само еден долар од интернет приходи.