Сите опции што ќе ги видите се димензионирани за садење во саксија, жардињера или приближно сличен сад. Значи без двор.
Каков сад и да избереш најважно е да има дупки на дното за цедење на водата за да не ти скапуваат корењата (не е обавезно, ама фино е долните 2-3 сантиметри од саксијата да ги наполниш со покрупни камења, за подобра дренажа).
Целата операција може да ти успее и само со земја. Плодот ќе биде послаб, ама ќе ти успее. Оптимално е да направи микс од обична земја, пакувана земја за саксиско цвеќе и природно ѓубриво (пример компост или хумус).
Соодносот што го предлага Рефика е 75% обична земја, 12,5% саксиска земја и 12,5% компост (или во поопшти мерки: едно канче саксиска земја, едно компост и шест обична земја). Од друга страна баштованџии кои користат метод без копање и превртување земја, садат во 100 проценти компост. Па дозволено ви е играње со соодносот.
Кој сооднос и да изберете, после мешање немој да ја набивате земјата, самата ќе си ја заврши таа работа.
Стандардно, „гејтвеј“ зачините што ќе ве вовлечат во домашно градинарство се босилек, рузмарин и нане. Расадот за двете можете да го набавите во саксија од пазар или да го купиш како свеж зачин од пиљара / маркет и да го ставиш десетина дена на сонце во чаша со вода и да почекаш да му излезат корени. Кога ќе излезат корени само го пресадуваш во поголем сад во кој ќе го чуваш.
Рефика има и за останати зачини и зеленчук ако ви се тргнува по тој пат.
