Ајири Аки, основач на „Мадам де ла Мезон“, од Њујорк се има преселено во Париз во 2011. Вели дека животниот стил и односите со луѓето ѝ се збогатени поради францускиот принцип на joie de vivre - Французите се дружат, долго ручаат, дури и штрајкови и протести кога има, успеваат да го завршат денот со музика и пијачка.
Како им успева да важат за забавни за муабет?
За почеток, не прашуваат за работа, затоа што им е небитно, но сакаат да иницираат длабок, па и аргументативен разговор. Здрава расправа и дебата е таму скоро па национален спорт.
На пример, за започнување разговор:
- Од каде си?
- Од каде го знаеш *името на домаќинот*?
- Колку време живееш овде?
- Имаш ли начекано добар филм во последно време?
- Имаш ли подкаст или книга да ми препорачаш?
- Си го слушал ли новиот албум на XY?
- Кој ти е последен концерт?
- Имаш ли омилени ресторани во *тој и тој град*?
- Многу ти е убаво *парчето облека*. Од каде ти е?
За инспирирање размислување:
- Што ти е најдлабока желба во моментов?
- Да можеш да живееш во било која деценија или година, кога би било тоа?
- Да можеш да јадеш само едно нешто до крајот на животот, што би било тоа?
- Кои три нешта би ги земал на пуст остров?
- Ако некој денес ти даде милион долари, што би направил со нив?
- Што е нешто што те трогнало во последно време?
Најважното правило за конекција
Собирите се за градење и зајакнување односи, не за да се покажеш како совршен домаќин и совршен муабетчија. Важно е да се одвои време и да се биде вистински присутен во разговорот. Седни со луѓето. Прими го звукот на чашите и чиниите. Ќе се почувствуваш како да живееш добро, а и другите ќе се почувствуваат добро околу тебе.
Маја Анџелу има кажано: „Луѓето ќе заборават што си кажал, ќе заборават што си направил, ама никогаш нема да заборават како се чувствувале поради тебе.“
