Време на подготовка:
20 мин.
Време на готвење:
10 мин.
Вкупно време:
30 мин.
Порции
4 лица
Состојки
- 1 главица црвен кромид
- 1 црвена пиперка
- 3 свински колбаси
- 1 кулен
- 2 лажици маслиново масло
- 800гр. домати од конзерва (пелати)
- 4 јајца
- 4 парчиња селски леб
- кисело млеко за сервирање
Подготовка
Загрејте ја рерната на 180 степени. Исецкајте го кромидот. Пиперката исчистете ја од семето и исецкајте ја на тенки парчиња. Исецкајте колбаси и кулен. Количината е произволна по вкус.
Загрејте 1 лажица масло во тава на среден оган. Пржете ги куленот и колбасите по 3 минути и потоа извадете ги на хартиена салфета за да се исцеди вишокот на масло.
Во тавата пржете го кромидот и пиперката околу 6 минути со мешање. Додадете ги пржените колбаси и кулен и сецкани домати. Кога смесата ќе зоврие гответе ја уште 5 минути за да згусне. Зачинете со сол и бибер.
Поделете ја смесата во 4 помали огноотпорни садови за печење. Направете со лажица дупка во средината и внимателно скршете по едно јајце. Печете ги во рерна 10 минути.
Послужете ги јајцата топли со кисело млеко и препечен селски леб.
