Време на подготовка:
15 мин.
Време на готвење:
15 мин.
Вкупно време:
30 мин.
Порции
4 лица
Состојки
- 500гр. ситни тестенини по избор (препорака тестенини фарфали - машнички)
- 2 врзопчиња аспарагус
- 2 парчиња целер, ситно сецкан
- 200гр. варено пилешко месо, исецкано
- 40гр. пармезан исецкан на тенки ливчиња
Прелив
- 4 лажици свеж магдонос, ситно сецкан
- 125мл. маслиново масло
- 2 лажици оцет балсамико
- 2 лажици ситно сецкан кромид (по можност млад)
- 2 чешниња лук
Подготовка
Сварете ги тестенините во големо тенџере со вода и малку сол според упатството на ќесата. Потоа исплакнете ги под млаз студена вода и префрлете ги во длабока чинија.
Загрејте сосема малку масло во тава на силен оган. По можност користете тава - скара. Печете го аспарагусот околу 4 минути додека да омекне. Префрлете го на даска за сецкање и исечете го дијагонално на парчиња од околу 5см.
Во садот со тестенините додадете го аспарагусот, целер и пилешко. Добро промешајте и сервирајте ја салатата во чинии.
Во блендер изматете магдонос, масло, оцет, кромид и лук. Зачинете со сол и бибер по вкус. Со овој прелив зачинете ја салатата и најгоре додадете парченца пармезан.
