Панирано пилешко со таратор салата

Порции

4 лица

Состојки

• 50 гр. презла
• 4 парчиња пилешки гради
• сол
• црн бибер
• масло за пржење

За салатата

• 50 мл. кисело млеко
• 3 ситно сецкани краставици
• 2 лажици ситно сецкано нане
• 2 лажици ситно сецкан магдонос
• 100 гр. ситно сецкан кромид
• 1 мало чешне лук
• 1 лажичка сол
• 1 лимон

Подготовка

Загрејте ја рерната на 200 степени. Зачинете го пилешкото со сол и бибер и панирајте го во презлата. Загрејте масло во тава на среден оган и пржете ги пилешките гради по 3 минути од секоја страна додека да добијат златно жолта боја.
Потоа префрлете ги на плех обложен со хартија за печење и печете ги во загреаната рерна 10 минути.
Во меѓувреме подгответе ја салатата. Измешајте ги во длабока чинија исецканите краставици со нане, кромид, магдонос и лук. Зачинете ги со сол, изрендајте малку кора од лимон и на крај додадете го сокот од лимонот. Додадете го киселото млеко во садот и добро измешајте ги сите состојки.
Послужете го пилешкото заедно со салатата.
На зздравје!