„Бев инспириран да ги направам овие фотографии откако прочитав неколку рајдери од најголемите светски ѕвезди, кои беа бесмислени", напишал авторот. „Она што ми беше најинтересно е што тие кажуваат нешто за личностите на овие ѕвезди".
И самите ќе видите - Синатра живеел од алкохол, Њу кидс он д блок јадат како да имаат 12 години, Принс прима инекција Б-12, а Били Ајдол бара путер (кој знае за што му е). И сето тоа делува ко мртва природа, масло на платно.
Френк Синатра: По едно шише Абсолут, Џек Даниелс, Чивас Регал, Курвоазје, Бифитер џин, бело вино, црвено вино. 24 оладени џамбо ракчиња, ментол бонбони Life Savers и бонбони против кашлање.
Ријана: Тврдо варени јајца, сланина од мисирка, колбаси од мисирка, во секое време од денот.
Бијонсе: Сочна печена кокошка со многу зачини, лук (лук бе!), морска сол, црн и црвен пипер. Бијонсе може да конзумира само Пепси продукти.
Били Ајдол: Една доза „I Can't Believe It's Not Butter!" (замена за путер), и чоколадни колачиња.
Бритни Спирс: Риба и чипс, Мекдоналдс чизбургери без лепињите, 100 суви сливи и смокви (нормално..кога ќе фати запек од сувава храна), и - пазете ова - врамена слика од принцезата Дијана!
Фу Фајтерс: „Еден голем колбас кој ги прави мажите да се чувствуваат самоуверено".
Лејди Гага: Мал тањир сирење (да не мириса и да не се топи), на мраз.
Мараја Кери: Кристален шампањ, со цевка на виткање.
Мерлин Менсон: Гумени мечиња. Да повториме - гумени мечиња.
Принс: „Кафе и чај со прибор, вклучувајќи мед, лимун, шеќер, млеко, свеж корен од ѓумбир. Ќе биде потребен доктор за да администрира инекција Б-12.“
Њу кидс он д блок: Сладолед со колачиња Орео.
Најн инч нејлс: Две кутии пченкарен скроб.
Аксел Роуз: Бел леб на парчиња, Дом Перињон.
