Единствено логично објаснување е дека руски престолонаследник се има вратено во земјата и решил да живее меѓу народот, само после прв спрат му попуштила волјата за дискретност.

Без разлика на целиот туѓ срам што ќе го видите во видеото, тоа не е причината за скандалот што Борис Џонсон го јаде деновиве. Клипот е од некоја божиќна забава од пред десетина години, а се појави деновиве откако британскиот премиер беше фатен како ги прекршува анти-ковид правилата заради новогодишна забава.

Мулти-инструменталистот Андреа Бокарусо скоцкал импресивна прошетка низ различните метал стилови, од 50-тите години до денес. Има тука сешто. Показна музичка вежба со сите нишани.

Често знаеме да се исчудуваме над постапки на некои луѓе, заборавајќи со кого си имаме работа, колку конформизмот е фабричка опрема на човекот и во колкава мерка желбата да ѝ се подредиш на групата ја паузира работата на мозокот. Без разлика дали експериментот е правен со мајмуни или не, заклучокот е ист - луѓето се овци. 

Наше е да кажеме дека до сега веројатно и немало вака прецизно сумирање на пандемијата. Нивно е да си признаат дека баш вака еволуираше држењето на секаквите власти овие две години.

„Хепи фит“ од вистинскиот свет, само што во него проблем на малото не е што не знае да пее ами да игра, туку нешто многу посериозно: женки кои не родиле а имаат страшна потреба да имаат младунче за одгледување. При што можат да го угушат од љубов. На смена за чување за паѓа таткото. Драма.

Марк Мекгауен е премиер на Западна Австралија и има порака за вакцинација која сака да допре и до Абориџините. Што прави за таа цел? Решава својата порака на англиски јазик, да биде и преведена на  - англиски јазик.

(Зло)употреба на еден баг во фудбалските правила кои велат дека тој спорт се игра со нозе, топката може да ја допреш и со други делови на телото, само не со раце. Видиш, за дриблање противници додека топката ти е на врат, ништо не е кажано.

Дражесната Бети Вајт почина последниот ден од 2021 година, на убави 99 години полни со живот. Овде со Лери Кинг (почина една година пред неа) муабети за смртта и за тоа зошто верува дека  смртта е вин-вин ситуација.

Властите на префектурата Токио на сите жители на своја територија заглавени дома заради ковид-19 им испорачуваат „пакет за грижа“ составен од три кутии, главно пиење и јадење (кое пак е главно нудли). Ова е распакување на еден таков пакет.

Технички ова е видео, само наместо стандардното снимање со камера, составено е од околу 3.000 фотографии. Едно нешто што му е многу важно на авторот, е дека воопшто нема употребено ЦГИ за клипот.

Најновата набавка на полицијата на Чеченија, инаку една од „дотациските републики“ за која се одвојуваат неповратни пари од буџетот на Русија.

Без многу напнување и големи заклучоци, чисто да потсетиме дека сешто се изнаслушавме во оваа пандемија, ај од шареноликата екипа антиваксери туку и од оние кои се самоуверени членови на „екипата наука“. Дел од нив сега тврдат дека никогаш не рекле ова, никогаш не рекле она. А рекле, рекле.

Постојат некои охрабрувачки трагови на оваа тема. Амилоид е протеин кој се содава кога мозокот е во активна фаза. Да речеме, тоа се остатоци од она што о живееме и мозгаме. Без доволно сон, амилоидот знае да се таложи и да ја забавува работата на мозокот а длабокиот сон е своевидно плакнење на целиот мозок, кому потоа подобро му работи функцијата „Save.“

Браќата уште на времето си ги познавале своите поштари: а) дека се апаши и б) дека не знаат да читаат англиски. Па онда знаеле да пратат флопи диск во кој биле пикнати пари за нарачката која ја сакаат. Ете што ти запамтил Безос. Денес им е полесно, денес нарачките преку Бучко ги праќаат.

Икстуризмо е јапонски производ, за сега во фаза на прототип. Замислен е како џиновски дрон со седиште и би требало да чини меѓу 300 и 500 илјади долари. До сега никој го нема видено како лета, ама имаат видео презентации за тоа како замислуваат дека ќе лета.

Научникот кој ги откри мРНК вакцините ја спореди сегашната ситуација со она што се случуваше во Германија во 20-тите и 30-тите години. Високо интелигентни, високо образовани луѓе, а сè полудено. „Кога имате општество на сепарирани луѓе и анксиозност која слободно плива насекаде, тие стануваат како хипнотизирани и можете да ги водите кај што сакате“, вели доктор Роберт Малоун.

Заради страв од ковид-19 и посебно омикрон, Грција за Нова Година ги забрани сите организирани музички прослави на отворено. Заради забрана за музика и општо славење атињаните решија да не излегуваат масовно на градските плоштади. Ама имаше кој да излезе. И тоа масовно.

Откако во 2019-та се случија веројатно најсериозните протести против Кина откако таа ја презеде власта во Хонгконг, кон крајот на 2021 Бирото за образование на Хонгконг нареди сите градинки, основни и средни училишта, секоја недела да одржуваат церемонија за кревање на знамето, проследена со кинеската државна химна.

Да видите во акција еден предатор кој нагалено го викаат „Лебедова солза“ (Lacrymaria olor) како лови, фаќа, убива и голта плен рамен на себе. За потребите на ловот, „ѕверот“ може да го издолжи вратот 8 пати колку што му е телото (како вие одеднаш да пуштите врат до 4-ти спрат). Зошто ни е ова интересно? Затоа што се работи за - едноклеточни организми.

Човекот се јавува во првите моменти од новата 2022 година, само за да ни каже и покаже дека во неговиот Неапол, петарди, огномет и пиротехника годинава биле стриктно забранети.

„Не можеме да потврдиме дали пациентот почина од ковид но беше позитивен на омикрон,“ вели неговата лекарка. „Значи, можете да кажете дека тој починал СО ковид, но не и дека починал ОД ковид,“ потпрашува новинарот. „Така е“, вели таа. Настапуваат медиумите.

Во една од најбезазлените егзекуции што некогаш ја спровеле, но за нив ништо помалку симболична, Талибанците со секира јавно егзекутираа - телевизор.

На Двајт Шрут му прават ремет со Матрикс. Црни мачки, луѓе близнаци,пораки на компјутер,  агенти... Доаѓа до Дорфеус, брат на Морфеус (Део и Дринити фаќаат сеир) но само за да се открие природниот баг кој го има во Двајт (и во многу од нас): склоноста да се одбере другото апче.