Мажот од оваа американска брачна двојка работи по 13 и кусур саати ама па затоа кога ќе дојде дома, го чека готова вечера подготвена од неговата драга. Говедско од конзерва (на куче да не му го дадеш), компири во прав и дехидрирани смрзнати компири. Мх-мх. Дехидрираната храна има и по 20 години рок на траење, што значи овој јаде свежо, на американски начин. Му се свиѓа. Што да прави кутриот.

Во поларизирана средина каква што денес владее во целиот свет, сечија победа предизвикува дијаметрално спротивни реакции. Така и за победата на Мамдани во Њујорк, имате од егзалтирана радост на оние кои го гласаа до уплав кај овие другиве. Некој од вториве добро се потрудил да склопи забавна а лута политичка сатира (по ново: хејт) на звуците на градската химна од Френк Синатра, за тоа каков Готам сити ќе направи „другарот Мамдани“   

Интерсен детал за една уметничка слика на морнар. Лицето на морнарот не му е насликано баш под винкла ама па и на Пикасо не му се. Но, сликата сосема го менува изгледот и атмосферата штом таа се погледне заедно со огледало, ставено на едната па на друга половина. Случајно ли е, намерно ли е, веројатно никогаш нема да дознаеме.

Еден од најголемите заеби на Рики Џервејс на сметка на неговиот пулен, човекот кој го прогласивме за наш Буда, господарот на здравиот разум, шаолин мајсторот на способноста ништо да не може да те одушеви, Карл Пилкингтон. Го убеди дека на негови години доктор мора да му прегледа простата. Аха, со прст. 

Нов шериф на Њујорк е 34 годишниот Зохран Кваме Мамдани, роден во Кампала, Уганда. Средното име му е во чест на првиот претседател на Гана, Кваме Нкрумах. Но, не е проблем средното, туку првото име. Тврди дека неговиот ривал намерно го викал - Зоран! Значи Зоран - не (ете колку некој го има упропастено тоа име). А Албанците нека му ја мислат со нивниот дифолтен проблем со гласот „х“. 

Нобеловата награда за мир за 2025 година отиде во рацете на Венецуелката Марија Корина Мачадо. Што мустра е тоа стана јасно откако наградата му ја посвети на Доналд Трамп кому и му се јавила за да му каже дека ја „примила во негова чест бидејќи тој навистина ја заслужува“. Еве ја сега миротворката, порачува дека само воена ескалација може да го тргне Мадуро.  

Пред две години, само во САД, од предозирање со фентанил умреле преку 70.000 луѓе. Го мешаат со други дроги па на пример, луѓе кои шмркаат кокаин не се свесни дека всушност се зависни од фентанил. Мала образовна и показна вежба за тоа колкаво количество од која дрога е доволна да се убие човек. Фентанилот не е дрога, тоа е чиста смрт.

Компилација од она што еден син редовно ѝ го прави на својата мајка. Секогаш ја начекува на јадење за да ѝ го зачини со некој ултранекоректен, што би се рекло „мрсен“ виц. Нејзе ѝ станува јасно што ја чека штом овој ќе ѝ каже: „Еј, мамо.“ А добри вицови има на лагер.

Рекламата со Сидни Свини и фармерките („Љубомора во прогресивно руво“) го скрши повеќегодишниот пуритански мраз кој го наметнаа лажните прогресивци, гадливи на секој призвук на сексипил или еротика а компаниите беа смртно уплашени толпите од социјалните мрежи да не ги означат како сексистички па да се најдат под бојкот. Една по една, компаниите сега се охрабруваат.

Дечко сака да смува девојка на клупа. Како и секој дечко, знае да утне муабет. За среќа, со себе има временска машина која го враќа на моментот пред да ја утне работата. За несреќа, таквиот рестарт има своја цена.. За среќа, таа не е глупава. Краткото филмче има инспирирано епизода на Рик и Морти ("Vat of Acid") за која добија награда Еми. 

 Илон Маск смета дека граѓанска војна во Британија е неизбежна и дека тоа е само прашање на време, поради сè поголемите тензии меѓу „домородното“ население и огромниот број имигранти (додека за нас уште ги држат визите). Анкета меѓу возрасни Англичани: луѓето не можат да си го препознаат ни градот ни државата во која пораснале и живееле и да се сега млади - би емигрирале.

Ивермектинот беше најнапаѓаниот и најомаловажуваниот лек во времето на пандемијата, потсетивме во 2023 година во статијата „Ивермектинот не чинеше затоа што беше евтин“. Кенеди ја дообјаснува приказната: не толку познат федерален закон забранува да се даде дозвола за итна употреба на вакцина доколку постоечки и одобрен лек е ефикасен против болеста. Ама така ќе пропаднеше бизнис од 200 милијарди долари. 

Венецуела ги има најголемите резерви на нафта во светот. А ние сакаме да им ги украдеме, просто и едноставно. Воопшто не е комплицирано. Ова нема никаква врска со борба против трговијата со наркотици. САД се обидуваат да ги соборат властите во Венецула повеќе од 20 години. Обичен гангстеризам.

Пазете што објавува данската државна телевизија: дечко и девојка, белци, се муваат на кауч и ситуацијата ќе се развиеше во очекуван правец ако не им се убацеше „експерт“ кој ќе ги предупреди дека етничката хомогеност на Данска носи ризик од инцестоидност и ги охрабрува да се мешаат со други раси за појаки гени на нивните поколенија. 

Западна Европа има сериозен проблем со сексуалното насилство и силувањата од мигрантите со кои е преплавена. Но, ако некој паднал од Марс па го погледне спотот против сексуално насилство кој го финансираше градоначалникот на Лондон, Садик Кан, ќе помисли дека главен хорор во јавниот превоз го прават бели банкари кои малтретираат жени од етнички малцинства. 

За вакви постмодернистички заебанции со музичките стилови и жанрови порано требаше огромна доза талент и вештини. Сега треба само да ја најдеш вистинската апликација, да напишеш неколку вешти промптови и инстантно да добиеш резултат за кој некогаш биле потребни месеци. Бадев заминува со параходот ама обратно: од Њу Орлеанс до - сакаме да веруваме - Егејска Македонија. Тешка е судбината на црните печалбари.

И да не те занимаше филмот Титаник, немаше шанси да не ти е позната онаа сцена на бродот или песната да не те погоди од некој спунт. Исто со Династија; апсолутно не те занима ама знаеш за Блејк Карингтон, Алексис... Денес нема веќе споделена култура. Денес секој е сам со неговиот алгоритам кој му го крои светот. На крајот омилена песна ќе ти биде онаа која никој на светот не ја слушнал.

Пред скопјани да почнат да се бунат и да објаснуваат дека најубаво е нивното село: ова е избор на Форбс. Тие го прогласија Бајбури за најубаво село на светот за 2025 година. Се наоѓа во руаралната област Котсворт во јужно-централна Англија. Идиличен предел со куќички од камен во боја на мед, пасишта, мрзлива река, патки, пастрмки, раат. Ех, раат. Сега кога ќе нагрнат туристи.....

Денес филмовите се прават за публика за која се знае дека додека тече филмот, дел од нејзиното внимание ќе остане на нивниот матичен екран, оној од телефоните. Затоа заплетите мора да бидат едноставни до ретардираност а дијалозите инфантилни, за да може да сфатат што се случува и оние кои додека го гледаат филмот, продолжуваат да скролаат по телефонот. Генијално е како (дополнително) ќе оглупиме.  

За фотографиите и снимките од Украина: Ужасни сцени на кои никој не може да остане рамнодушен и важно е да ги нареќеме воени злосторства. За фотографиите и снимките од Газа: Не е паметно политичар да гледа фотографии и снимки и веднаш да суди за нив. 

Елате да оверите парчиња од еден Јутјуб канал со метал преработки на македонски фолк и поп песни, направени со помош на малку ВИ магија. „Направено со љубов, дисторзија и доза македонска душа! Поддржете ги оригиналите и продолжете да рокате! Љубовта нека биде тивка, или барем со дисторзија!“, порачува Антонио.

Така реши Европскиот парламент. Ама уште на 26 март 2019 година. Бидејќи се работи за застарена бесмислица и затоа што 84% од анкетираните 4,6 милиони луѓето биле за укинување на примената на времето два пати годишно. И еве не денес, шест години подоцна, пак ќе се мислиме дали саатот одеше напред или назад. Тоа е сè што треба да знаете за Европската унија. Ние сме чекале? Нив времето ги чека па мува не ги лази.

За поголемата слика прочитајте во „Зошто западни бизнисмени се враќаат избезумени од Кина?“. Сега само да видите еден огромен логистички центар во Кина, комплетно автоматизиран и управуван од вештачка интелигенција и роботи. А ќе видите дека и Амазон влегува во трката, ама не оди така мазно.

Се вика вештачка интелигенција. Да, јасно, самото спомнување на „соул“ и „вештачка интелигенција“ во иста реченица е перверзно само по себе, ама, такво време дојде. Читател ни испрати неколку ВИ преработки во стил на стариот Мотаун соул, на теми од Еминем и Куртис Џејмс Џексон Трети (50 Cent). Не да звучат добро него Марвин Геј солза би пуштил.