Видете, кај нас ова не можете да го видите. Не затоа што немаме тигар или тролови од ваков калибар. Заради нашиот страв дека џамот е направен фушерски.
Песната е стара, фората е многу нова. Го пушташ видеото, почнуваш да вртиш по каналите и сите ти ја пеат 'Like A Rolling Stone' од Боб Дилан. Далеку подборо од други варијанти кога пушташ ТВ, а сите ти пеат иста песна.
Малку играње со потенциометри и Wrecking Ball на Мајли Сајрус од една, така банална поп песна, се претвора во хорор кој на времето комотно би го потпишала Лори Андерсон.
Кога ова не би било бебе, туку пијан маж, насловот веројатно би бил на место. Ама зошто да му простиме само заради тоа што оно не е свесно за ништо околу него.
Како и секој обичен човек, двајцава Руси не можат да се соземат откако нивниот автомобил излета од автопат право во река. Реакцијата нема во скоро време да ја заборавите.
Насир Гаџиханов беше Дагестанецот кој настапуваше за македонската боречка репрезентација. Отприлика тука некаде завршуваат нашите познавања од боречката школа на Дагестан. Се додека не го изгледавме видеово, како ги спремаат од мали нозе.
Човеков не е доктор или физиотерапевт, туку само по цел ден работи на компјутер, заради што нормално има проблеми со грбот и држењето на телото. Има две вежби за грб, крајно лесни и траат по 30 секунди. По само 1 месец правење по два пати на ден, веќе има резултати.
Та не е само Влатко, та не е само Мирослав. Македонска песна пасент ѝ стои и на класичната гитара на Бошко Јовиќ од Зеница, кој понекогаш звучи како Патакот и Тадиќ заедно. Овој босански гитарист разбира што е севдах, а тој што разбира што е севдах, нема шанси да ја утне Македонија.
Неодамна Том Круз правдајќи се пред суд (семејни работи околу Сири) порача дека неговата работа (глумењето во филм) е поднеднакво напорна како работата на американските војници што се борат во Авганистан. Од ова им падна глупо и на неговите колеги.
Како да демонстрираш колку ти се добри новите камиони што ги правиш? Зошто да не го земеш Ван Дам и да го натераш да направи шпага на два камиони што возат во рикверц. Како?
Рамбо ги дочека своите 5 минути на најпознатата отворена трибина на светот и ги искористи стоечки да испрати неколку стари и добри антифашистички пораки и да го потсети тамошниот режим дека деновите му се одбројани. Облечен како што му доликува на еден ваков гласноговорник кој на домаќините им носи добри вести.
Митот е дека пијан човек може да се отрезни со трчање. Значи имаме пијан човек, Адам Савиџ (водителот) со 0,9 промили алкохол во крвта, и трчање на фитнес трака, со брзина од околу 10 км. на час..
Налет и читателот кој ни го прати клипот, и ние што го отворивме, налет и тоа што се мислевме дека сме талични а факат сме станале и кенкави и фрагилни и никакви. Ама, немате среќа да нè видите како сами си цмиздриме.
Од последниот албум, цели 36 години од нивното деби во 1977-ма. Триото Леми (67г.), Фил Кембел и Мики Ди, со цел арсенал во раце, бучни како праведници, се уште посилни од убиственото комбо "текила -пиво- цигари". Накратко, Моторхед, рокање газови.
