Бидејќи никако не можеме да ви го претставиме овој студентски филм без спојлер, треба да знаете две работи: дека тема е мастурбирањето на младите кое е поистоветено со воена опасност и дека Универзитетот од Ајдахо од кој потекнува филмчето е тесно поврзан со тамошните Мормони. Не ги оставајте ранетите на бојното поле? Е што, да ги превиеме со палома? 

Џеј Лено синоќа за последен пат во својот живот го водеше The Tonight Show (ваљда!). По тој повод ви го пуштаме прошталниот говор на Конан О'Браен, кога по неколку месеци беше протеран од The Tonight Show за на негово место да се врати Џеј Лено.

Збориме за овие филмовите што сега го преплавија вашиот ѕид по повод 10-от роденден на Фејсбук. Вака би изгледала вашата ретроспектива на ФБ ако сте искрени.

Тие што го пробале ѓубрево знаат за што зборуваме. Тие што не ја пробале играва, аман немој.

Познатиот футуролог Реј Курцвајл е познат по идејата за сингуларност - точка кога компјутерите ќе го постигнат капацитетот на луѓето па ќе можат да се вмрежуваат со нив. Во видеото објаснува како мозоците ќе ни работат на компјутер.

Тор синот на Один и синот на Марвел, во некои од не така славните моменти од снимањето на вториот дел "Тор: Мрачниот свет."

Нутриционистички и здравствено, разликата меѓу органската храна и регуларната е во тоа што оваа првата е поскапа за производство и поскапа за купување. И ништо друго. Плус, не постои никаков начин да се прехрани човештвото, без користење на конвенционалниот не-органски начин на одгледување на храната.

Ставање вода од бојлерче во кафето и онака е богохулење за овој бесценет пијалок кој некогаш ни е единствената причина сабајле да станеме од кревет. Овие двајца мамлази одат чекор понатаму. 

Елегантен, минимален и руски. Се вика Јотафон, тера на Андроид и меѓу другото има уникатна способност, кога ќе ја цицнете батеријата, го вртите на другата страна.

На 48-от Супер Боул имаше вкупно 58 реклами (колку што ние можевме да собереме). Сме кажале ама да потсетиме, спот од 30 секунди чинеше 4 милиони долари. Ги собравме сите и ги поделивме во категории. Изволте.

Научниците не важат баш за најголемите мајтапџии на светот. Но, тоа не е се. Изборот и презентацијата на следниве вицови на кои се кикокат луѓето од фелата е правена од нивен репрезентативен примерок, прочуениот Стивен Хокинг, физичарот и космолог кој никако да се реши дали постојат црни дупки или не. Го знаете Хокинг, не е тоа баш стенд-ап.

Дечкото е Србин што живее во Хрватска (во село во околина на Барања на самата граница со Србија). На почеток од 90-ти, (има 18 години) српската војска доаѓа кај него во село, му дава калашников и го носи на фронт. Таму мести мини. Ја преживува војната ама не без проблеми. По некое време на пијано, ненамерно, ја застрелува девојката со пиштол во глава. Оди во затвор. Документарецов со него е снимен во 2010-та, повторно во истото село во околина на Барања, од 3-ца хрватски андерграунд филмаџии.

Нова перспектива на чудесниот рекорд на Феликс Баумгартнер од 2012-та година, кога  рипна од работ на вселената. Моќно, лудо и прилично напнато.

Популарна група од Шкотска, свират на националните гајди и имаат феноменална верзија на Wake me up! Дозволете си ги, нема да згрешите.

Дроновите навистина ептен вршат работа за видео снимки. Уживајте во следново парче во кое се покажуваат нивните можности:

Кругот на животот во Норвешка. Исто како кај нас само што ние уште немаме откриено нафта. Плус, тоа сендвичите се со ајвар.

Ќе го пуштите тестов за да видите дали ве бива за лажење, ќе добиете анализа на вашиот карактер што воопшто не ја баравте. Тестот трае вкупно 5 секунди и ќе може да го користите и кај други.

Ако не ви е јасно, да видите зошто пивопиите се неуништиви. Затоа што по цели денови се јачаат со истиот материјал од кој беше направен оној течниот во Терминатор 2. 

Не дека стварно ама не дека и Глупиот не може да го викаат. Пазете само колку е ова кратко и јебитачно неуспешно.

Земаш кутре, коњ и фарма. На сето ова му додаваш некоја од оние нежните музики и добиваш фантастична реклама што ќе се обиде да завладее со Супер Боул.

Робин Асти е родена 1921 година како маж (да, чудна реченица е тоа). Воен ветеран од Втората Светска војна. Во 1976-та година решава да живее како жена. На 92 години бие битка да биде третирана како сите останати вдовици.

Група мажи избрани по рандом добиваат монументална задача - да погодат цена на секојдневни производи за жени. Драги жени, тоа ви е, џабе ќе се извинуваме.

Две работи:
1. Убав збор железни врати отвора.
2. Од која фирма е вратава?

Целата наука се базира на 6 принципи:
1. Реципроцитет
2. Недостиг
3. Авторитет
4. Конзистентност
5. Допадливост
6. Консензус