Во чест на Попај, Тарзан и сите други скопски амали од Јужен булевар и Топаана.

Се вика Кристина Бјанко, стенд-ап комичар, се зеза правејќи варијации (скоро 20) на тема како би звучела песната Total Eclipse of the Heart отпеана од познати женски вокали. Технички не е најсовршена ама супер забавна.

Лесно е да кажеш: Немам што да кажам. Ама, одгледајте го ова видео во кое го изненадуваат малиот Дрејк за неговиот 11 роденден па... кажете нешто.

Деновиве се проврте еден клип со Кореjанка чиј лик комплетно се ребрендира во зависност од аголот од кој девојката се снима. Мамлаз решава да го проба трикот на себе.

Вајн е мобилната апликација на Твитер која дозволува снимање на клипови до 6 секунди, плус некои други социјални работи. Еве како до сега го трошеа Вајн.

Споменарските мудрости тврдат дека меѓу татковците и ќерките секогаш постои некоја посебна и таинствена поврзаност. Кога, да речеме, стравот ќе ги раздвои, тука е послужавникот повторно да ги спои.

Еве идеја како може да го искористите овој период во кој прва и последна тема на сите муабети е времето (тагови: изгоревме, не мрда, утре бетер ќе било, џабе туширање, цела недела вака ќе биде, тибам владата...). Ви треба само лифт и сопатник за кого знаете дека е безопасен. 

Мал бебуш немилосрдно малтретиран од таткото пред очите на својата мајка. После некое време на кутрото девојче му доаѓа преку глава и решава да се спротистави на изживувањето.

Кратка видео снимка од една венчавка во која нема да ве занима ни невестата ни младоженецот туку цело време ќе чекате да го видите криминалецот кој седи зад оргуљите.

Од секојдневието на еден човек кого искуството го научило никогаш да не им верува на жени со бебиња. Конкретнава, не само што лесно ја изгуби главата на своето чедо туку на крај го обвини и партнерот затоа што не можат ни пристојна носилка за бебиња да имаат. Но, барем насмевката ја нема изгубено.

Овие од Влада се прилично педантни кога нè бојкотираат за нивните кампањи ("заеби ги офф.нет, тие ич не ни се јасни") ама затоа ни се оддолжуваат со давање ексклузивни содржини за нашиот сајт. Од денешниот фид го одвојуваме видеото кое ни го пратија со шифриран наслов "ВКИКС(впј)ЗКОСБ", што на обичен македонски значи - Видете како изгледа кога Ставревски (во плавата јакна) зема кредит од Светската банка. Кул.

Некои од советите во ова видео се преоптимистички (дека никој нема да ти краде шампон), некои се блесави (со сладоледот), ама некои може да се пробаат (тоа со шишето или мравките). Нормално, прво се пробува она со хамбургерот пошто е all - season совет.

Во недостаток на соодветен видео материјал, новинаркава решава самата да "визуелизира" делови од својот прилог. А се работи за тоа што човек треба да прави ако се сретне со мечка. Со надеж дека мечката ќе има смисла за хумор или сочувство.

Неколку лудачи по светов пробаа со безброј пластични операции да ги постигнат пропорциите на најпознатата кукла на светот. Бидејќи тоа е невозможно од еволутивни причини, еден дечко ја пробал полесната варијанта. Како би изгледала Барби кога би ги имала пропоциите на просечна Американка. Да, здепасто.

Дали е ова местенка или не е местенка, важно дечкото поштено си ги попи сите шамари што му следуваа.

Ако тргнеме со идејата дека Господ ни ја дал планетава и сè на нејзе, колку би бил напизеден истиот тој Господ кога би видел што се до сега и имаме направено на Земјата и заради кои причини. Еден постар стенд-ап на Луи Ц.К. ама сега направен како цртан.

Ноќна мора беше телевизиско шоу во комплетна изведба на Жељко Малнар, кое со најразличен распоред се емитуваше од 1992-ра до 2010-та. Концептот беше се појавува Малнар пред камера и почнува да зборува. Со тек на годините Малнар почна во шоуто да носи крајно шармантни ликови од неговото секојдневние (сите речиси без исклучок алкоси). Па така, низ шоуто се наредија Шева (кој почина во 2010-та), Јаран, Брацо, Цезар, Тарзан... Ова е дел од опусот на Малнар во Ноќна мора.

Анимирана приказна за вечната дилема на оние јадни волови кога ќе стигнат до некоја река.

Расел Бренд може да ве нервира со својата појавност или нагласен британски акцент ама дечкото  си грми. Еве го на утринска програма во Америка, со трилинг трикотажни водители кои претходно си рекле: Ова е некој шарлатан, ќе го извозиме лесно..... 

Ваква бекетовштина немате видено во историјата на филмската уметност. Драма околу парите, околу Вилијамс, телефонски, напнато и многу реалистично. - Заради што бараш пари? - Заради потреба од пари.

Апропо одличниот текст на Емили за бракот, слајтли диферент поглед на нештата има феноменалниот Лери Дејвид, придружуван од Мадона и Рики Џервејс.

Значи, да знаете, ако видите некој од наша редакција во кола и решите вака да му играте на пат, тој ќе биде дечкото во црната маица. Вие ќе бидете оној во тренерки, без разлика колку женски имате во ауто.

Како ќе реагирате доколку од саканото лице ја добиете следнава СМС порака: "Види, не бев комплетно искрен/а со тебе"? А потоа ти ќути и не одговара на повици. Ако не сакате да знаете за вас, тогаш пратете ја вие први истата порака.