Кратка видео снимка од една венчавка во која нема да ве занима ни невестата ни младоженецот туку цело време ќе чекате да го видите криминалецот кој седи зад оргуљите.

Од секојдневието на еден човек кого искуството го научило никогаш да не им верува на жени со бебиња. Конкретнава, не само што лесно ја изгуби главата на своето чедо туку на крај го обвини и партнерот затоа што не можат ни пристојна носилка за бебиња да имаат. Но, барем насмевката ја нема изгубено.

Овие од Влада се прилично педантни кога нè бојкотираат за нивните кампањи ("заеби ги офф.нет, тие ич не ни се јасни") ама затоа ни се оддолжуваат со давање ексклузивни содржини за нашиот сајт. Од денешниот фид го одвојуваме видеото кое ни го пратија со шифриран наслов "ВКИКС(впј)ЗКОСБ", што на обичен македонски значи - Видете како изгледа кога Ставревски (во плавата јакна) зема кредит од Светската банка. Кул.

Некои од советите во ова видео се преоптимистички (дека никој нема да ти краде шампон), некои се блесави (со сладоледот), ама некои може да се пробаат (тоа со шишето или мравките). Нормално, прво се пробува она со хамбургерот пошто е all - season совет.

Во недостаток на соодветен видео материјал, новинаркава решава самата да "визуелизира" делови од својот прилог. А се работи за тоа што човек треба да прави ако се сретне со мечка. Со надеж дека мечката ќе има смисла за хумор или сочувство.

Неколку лудачи по светов пробаа со безброј пластични операции да ги постигнат пропорциите на најпознатата кукла на светот. Бидејќи тоа е невозможно од еволутивни причини, еден дечко ја пробал полесната варијанта. Како би изгледала Барби кога би ги имала пропоциите на просечна Американка. Да, здепасто.

Дали е ова местенка или не е местенка, важно дечкото поштено си ги попи сите шамари што му следуваа.

Ако тргнеме со идејата дека Господ ни ја дал планетава и сè на нејзе, колку би бил напизеден истиот тој Господ кога би видел што се до сега и имаме направено на Земјата и заради кои причини. Еден постар стенд-ап на Луи Ц.К. ама сега направен како цртан.

Ноќна мора беше телевизиско шоу во комплетна изведба на Жељко Малнар, кое со најразличен распоред се емитуваше од 1992-ра до 2010-та. Концептот беше се појавува Малнар пред камера и почнува да зборува. Со тек на годините Малнар почна во шоуто да носи крајно шармантни ликови од неговото секојдневние (сите речиси без исклучок алкоси). Па така, низ шоуто се наредија Шева (кој почина во 2010-та), Јаран, Брацо, Цезар, Тарзан... Ова е дел од опусот на Малнар во Ноќна мора.

Анимирана приказна за вечната дилема на оние јадни волови кога ќе стигнат до некоја река.

Расел Бренд може да ве нервира со својата појавност или нагласен британски акцент ама дечкото  си грми. Еве го на утринска програма во Америка, со трилинг трикотажни водители кои претходно си рекле: Ова е некој шарлатан, ќе го извозиме лесно..... 

Ваква бекетовштина немате видено во историјата на филмската уметност. Драма околу парите, околу Вилијамс, телефонски, напнато и многу реалистично. - Заради што бараш пари? - Заради потреба од пари.

Апропо одличниот текст на Емили за бракот, слајтли диферент поглед на нештата има феноменалниот Лери Дејвид, придружуван од Мадона и Рики Џервејс.

Значи, да знаете, ако видите некој од наша редакција во кола и решите вака да му играте на пат, тој ќе биде дечкото во црната маица. Вие ќе бидете оној во тренерки, без разлика колку женски имате во ауто.

Како ќе реагирате доколку од саканото лице ја добиете следнава СМС порака: "Види, не бев комплетно искрен/а со тебе"? А потоа ти ќути и не одговара на повици. Ако не сакате да знаете за вас, тогаш пратете ја вие први истата порака.

Никакви посебни културни и забавни проекти не им требаат на нашите тажни градови за да живнат. Ништо. Потребно е само ова масовно да фати замав. Пренкерсајз, уникатниот фитнес стил на Џоана Рорбек измислен уште пред 20 и нешто години, кој, според авторот, е инспириран од движењата на - параден коњ. Ѕирнете и замислете ги нашите патеки, паркови и тротоари, полни со девојки и жени излудени по оваа фитнес манија. Па има ли боље?

Одат дечките по светов и зевааат покрај луѓе. Фасцинантно е колку е тоа заразно. Само едни двајца црнци не наседнаа. Ние наседнавме, неколкупати.

Веројатно од магионичарскиот еснаф ги мразат ваквите колеги кои јавно ги откриваат триковите ама ние другиве едвај чекаме да сфатиме како сме прелажани. Еве еден таков трик за кој ви е потребен партнер, непотребно облечен  како нинџа.

Пар хајлајци од свадбата на една руска двојка која, ако овој има слаби нерви, смртта брзо ќе ги раздели. Просто, младата е бич.

Како лезбејки реагираат на лезбејски порно сцени? Прилично критизерски, што е нормално со оглед на одамна познатиот факт дека лезбејските порно клипови првенствено се наменети за задоволување на машките фантазии. Еве ги реакциите на упатените во темата.

Не постојат поиконични "архинепријатели" на американската медиумска сцена од Бил О Рајли и Џон Стјуарт, луѓето кои најдобро го претставуваат контрастот на двете (конзервативната и либералната) Америки. Па сепак, еве го првиот во емисија на вториот, за да ја промовира својата нова книга. Нормално, цело време се пржат ама сепак е милиони години понапред од овдешниот концепт во кој е најважно кој кај кого дошол во емисија и кој со тоа ја издал каузата.

Репортажа од несекојдневната и екстремна земја - Шведска. На кратко, добро е да живееш во нејзе, лошо е да си им комшија.

Еве на пример, нашиов јунак. Дента му прекипело, решил да го земе животот во свои раце, ги собрал двата најдобри другари и им рекол: "До кога бе ние ќе бидеме задњи абдали у маало, ебан денар немаме, никоја не не ферма, клошари! Тргнуваме, еве јас прв ако ви е фуфка!" Тонч.