Неповторливо добра анализа на ММА борба, која како за рецензија на тепачка носи многу силна, налик басна, порака. Коментаторов многу квалитетно го уништи тепачов.

Уште еден од оние докази дека техниката е многу поважна од големината. Девојче руши соученик кој игра рагби во нивниот школски клуб.

 А овие двајца - се. Едниот има емисија за луто а за другиот е јасно ако знаете дека се вика Чили Клаус и важи за Мајкл Џордан на лутите пиперки. Откако ќе изгледате како симфониски оркестар свири под дејство на луто, доаѓа  вистинскиот предизвик. Пред себе имаат три вида пиперчиња. Од едните дури и слоновите повраќаат. А тие не се најлутите. Пазете го Чили Клаус какви "стомачни ритрни" преживува!

Тоа е едно од оние мали културни шокчиња кога наш човек ќе отиде во пристојна земја, па му застанува кола на пешачки а тој има чувство дека треба да го поздрави возачот, да го награди, да го благослови.... А возачов дури тогаш почнува да го гледа чудно што му станало на овој. Не знае дека тоа ние од дома си го носиме. Руско пакетче.

Ако не ви оди природно и од око, потребни ви се некои технички засилувања: набавете Ајфон 6 плус и снимајте со 240 фрема во секунда.  Е да, тоа е полесниот дел од набавката.

Не, нема да ве образуваме на тема музика, компилацијата е од вицови на Аца Лукас. Да, клучни тагови на статијава се: Аца Лукас и вицови. На крај, пак подобар "ситком" од Цимери.

Фантастичен (мада неповрзан) филмски универзум составен од трејлерите што ги гледавме низ годинава... Нешто како трејлер одјава на 2015-та. И како и секоја добра журка и оваа завршува со сентиш.

Се шетате во парк и одеднаш пред вас излетува дете кое трча а веднаш по него полицаец кој ви вика да го сопрете. Што правите?

Видео компилација од игриците кои беа издадени оваа година. 72 на број, без спојлери.

Веројатно нема татко што не го прави ова. Кога ги возиш клинците, да им пуштиш своја музика и да ги малтретираш со неа. Овој малку (малку?) го претера ама барем после имаше напишaно дека му купил нов сендвич на малиот.

Како да знаеш дека нешто дебело не е во ред или со економијата на твојата земја или пак со твојата продавница? Сцена од очекуваното шопинг лудило на Црниот петок во Бразил.

Веројатно единствениот повод по кој комплетно се согласуваме со оценката на ИСИС дека Западот знае да биде одвратен и тотално застранет од која било човечка смисла е кога ќе видиме компилација срања кои се случуваат за време на шопинг стампедата на Црниот петок.

"Дојди да пробаш едно срање", знае некогаш некој да ти каже. И ти ќе го пробаш тоа што ти го спремил, верувајќи дека не е баш толкаво срање. А само треба да се знае да се слуша.

Видео од едно детенце на кое му ставаат некаква инекција или му вадат крв. И малиот почнува да плаче а вие треба да почекате да ја видите поентата на насловот.

Во редакција имаме и луѓе кои наскоро ќе станат татковци а и оние кои изгледа едвај чекаат да бидат тоа, јер везден шеруваат видевца со слатки и талентирани деца (Марко, добар?). За нив, мал увид во реалноста...

Има луѓе кои мислат дека тепачките во американскиот врестлинг се наместени, дека се кобајаги. Ма какво кобајаги! Имаме драматична видео снимка од една таква борба, жив доказ дека сè е вистина. 

Мислите дека онаа игра "лист, камен, ножици" не е игра на рефлекси? Не е, ама позабавна е кога е.

Малата има ваков предлог: да го продадат братчето во продавница за домашни миленичиња, со дел од парите таа ќе си ја купи омилената играчка а после ќе го откупат братчето по пониска цена, на попуст. Мора да признаете дека во планот нема ниедна фалинка.

Нè потсети на "Кинески писма на читатели". Овојпат од некаде е нарачан Ајпад, за смешни пари. А главната смешка е кога ќе го чуете звукот на крајот од видеото. Јас Ајпад купувам или канти тропаат?

Стендап комичар кој во четири збора замолче девојка која реши да му уфрли ремет среде точка.

Неговата лозинка за отклучување на телефонот е подолга од ваша просечна смс порака.

Дечково не можеше да каже попогрешен вовед во својата игра на Милионер. Вика, го фасцинирало тоа што милиони луѓе гледале емисија со паметни луѓе, славејќи го тоа да се биде паметен, порачувајќи дека е кул да е човек паметен.... Ок, паметен, одиме со првото прашање.

Видео метафора: како во моментов се справувам со својот живот.

Човеков не може да види предмет а да не го стави на кант. Тура камче на под и балансира додека не успее да му ја наде точката на балансот. И како и во животот, сè е во прекрасна рамнотежа сè додека не ти заѕвони некој.