Ваков трик со карти имаме видено. Ваква завршница на трик со карти немаме. Ауч!

Ако од видеото се гледа дека дечкото има проблем со пилата (нејќе да му запали) и ако тој проблем нема да го реши, зошто ние би ставиле ваков наслов?

Ние ја пробавме финтата и сфативме дека оваа најава побрзо и полесно ќе ја напишевме со одврзани раце.

Тек после новата тура пива што ли ќе може да направи. Ќе му влезе на Матриксот и ќе го имплодира.

Британската, австралиската, еквадорската и американската влада сакаат да ја пренесат својата благодарност за апсењето на Џулијан Асанж, и како тоа не помага никому освен лично ним.

Друштво се соочува со зезнат физички проблем. Како да се протне тава ако е поголема од вратата. Пошто се инат, на крај ќе сфатат дека нелепливото дно не секогаш е предност на еден сад за храна.

Како што е ред, учителката им го спелува англискиот збор, буква по буква. Како што е ред, учителката на крај им го изговара целиот збор. Е, тоа да го дочекате.

Можеби мислите дека жиците се плус и минус ама она минусот може некого да го потсети на себе и да го фрли во депресија. А тоа не е убаво. Како да ја викате тогаш таа жица?

Млад дечко од Л:А. со холивудски амбиции, досега немал ксмет па добива само улоги на тотално маргинален статист. Ама, наместо да падне во депресија, прави едно генијално скоцкано филмче со своите појавувања на екран. И цап - мадафака!

Супер шармантен настап на двајца старки кои покажуваат дека уште не ги заборавиле потезите научени во нивните аналогни но разиграни младешки денови.

Со смиреност која се очекува од еден духовен лидер од негов калибар, Баба Рајнееш (некои го знаат и како Ошо)  сталожено расплеткува граматички и јазични финеси околу еден од најинтересните зборови во англискиот јазик. Што ти значи да си факинг мудар човек!

Како една земја како Бразил да се извлече од криза со чисто технократски принцип, како да е корпорација. Сето тоа украсено со модерните концепти на иновација, даунсајзинг....Одлична пародија на ТЕД форматот.

На концерт на Пол Макартни во Чиле, се појавува - Фреди Меркјури! Гладничок, ама знае тој со публика.

Како на некои луѓе им изгледаше тој фамозен дуел Заев - Мицковски кој помпезно беше најавуван како дуел на деценијата (каква деценија, таков дуел, јеби га). Бонус: неколку Хичкоковски камео појавувања на Боки 13.

Доделувањето на Оскарот за монтажа монтиран во истиот стил како и филмот што ја доби годинешната награда. Авторот на клипов објаснува: „Бидејќи сфатив дека Оскарите не се доволно добро монтирани, сето она што го научив за филмска монтажа од годинешниот добитник на Оскар во оваа категорија, Боемска рапсодија, го земав и го употребив за подобрување на овој говор.“

Не разбираме, ама може да претпоставиме дека младичов им кажува на надележните каде да си ја бутнат диетата. А може друго да е.

На Јутјуб има еден канал кој копа бисери од 2005-2010, период кој многумина го сметаат за златното доба на оваа платформа, пред работите да почнат да се монетизираат и заглупуваат. Само прелетавме преку сето тоа и задоволни сме што сме и вакви, со оглед на тоа што сè имаме преживеано.

Сигурно и вам ви се случило автобус да ве зезне баш кога многу ви треба. Ама глупо е за тоа на овој да му раскажувате.

Што двајца другари би го прашале Господ кога би го виделе? Супер епизода на Звогањ, ако треба бонус тизер за да го ѕирнете, ете, се спомнува и Тоше Проески.

Пред ревносните фанови на НАТО да почнат да паничат и загрижено да вртат телефони во седиштето на Алијансата со предлог „Ние од Северна цениме дека е крајно време превентивно да удриме на Русија“, само да ви кажеме дека ова е стара заебанција а песната ја има напишано војник на Советскиот Сојуз.

Во Кина изгледа немаат многу време за фотосесии па моделот натенане да се мести и да фаќа различни пози. Цурава прави три пози во секунда. Ако фотографопт не успее да ги фати, Жао Ми Је. 

Можда може роман да се напише за оваа сцена, за сè она што на човекот му минува низ глава во овие моменти. Ама пошто никој не чита романи, видео.

Кој друг ќе ги изведе децата на прав пат и ќе им ја покаже сета суровост на светот, ако не жена што не ги родила.

Многумина се спрдаа со странските донации за АРМ во вид на чизми и цокули и со начинот на кој министерката стручно ja анализираше донирaната опрема, мислиш има диплома од Воената академија ЧИК - Куманово. Не се заебавајте, чизмата знае да биде драгоцен војнички сојузни во некои ситуации. На пример, кога треба да се дадеш во јуриш. Или, поверојатно за кај нас, кога треба да се дадеш во збег.