Седеше во виљушкар па му тргна јахтата. Отрча кај јахтата па му тргна виљушкарот. Отрча кај виљушкарот и да, пак му тргна јахтата. Некогаш е најпаметно од кревет да не стане човек. Само еден плафон има кој може да му се сруши на глава.

Во моментов, не се работи на подигнување на мостот туку на спуштање на нашата височина. Фала на прашање, одлично оди работата. 

Џабе да купиш добра и исправна кола, џабе да почитуваш знаци и сообраќајна сигнализација, џабе да не користиш мобилен телефон додека возиш. Сè е џабе ако имаш глупи патосници.

Мал вовед за тие што пропуштија. Епл имаат нов ултра добар монитор по цена од 5.000 долари. Е, тој монитор од 5.000 долари не доаѓа со постоље / држач, тоа се купува дополнително, за дополнителни 1.000 долари. (Бонус на ова е што сите цени на Епл во Европа во најдобар случај се исти само наместо долар, завршуваат со евро.)

Торонто Репторс се во финале на НБА па Џими Кимел пробува од Канаѓани (кои важат за исклучително културни и љубезни луѓе) да изнуди навивачки гнев. Им нуди отворен микрофон за да им се насерат на нивните ривали. „Зошто да им се насерам, па не ми направиле ништо лошо?“ гласи еден од типичните одговори. Значи, секакви луѓе има по светов.  

Тројца идиоти се договараат да ги потегнат за коса трите женски кои се пред нив. Изгледаат како средношколци. Третиот инстантно бива вратен во детство.

Понудата гласи вака: ок, ќе ти го купам она што го сакаш ако успееш со глава да ја фатиш картичката пуштена низ врата. Нормално, снимајте. 

Мајка ми ми викаше, „сè да си изел во чинијата, оние во Африка гладуваат!“ Тој ја слушал мајка му, пораснал и му текнало: Помогнав ли јас?

Спектакуларни примери за видео морфинг имавме пред неколку дена ама ова станува опасна конкуренција на секој оригинал. Тајсон и Снуп Дог, како Опра и Геил. Секоја технологија која од Тајсон ќе може да направи тетка е супериорна (и опасна) технологија.

Дечкото се вика Бил Хадер. И кај Конан го имитира Арнолд Шварценегер. Ништо чудно? Чекајте да видите колку е тоа лудо. А некогаш беше јако што можеш да изрежеш видео на CD.

Ќе отиде човек во Шведска малку да прошета да одмори од карпиве и балваниве балкански, и цел пат низ нос ќе му излезе. Една работа да не им е на место, а и глуп ова народот шведски: пола држава им е со шуми, они увезуваат дрва од странство; измислија динамит, 200 години не биле во војна; министри наместо во лимузина, со метро се возат. Налет живот таков.

Малнар собира респектибилен панел интелектуалци и воведен збор му дава на Јаран, за тој да го објасни потеклото на Први Мај и да ни открие кој тоа бил најголем работник на сите времиња. Јебеш му матер ако Ноќна мора не се најбесценетата оаза на нормалност во овие шугави времиња.

Се разбира, чест е на секој свештеник да ја каже радосната вест за исусовото воскресение ама кај овој, за да ја склопиш веста, треба по еден слог од секој истрчан круг да му фаќаш.

Најважно е кога ќе сфатиш дека наследството од родителите штотуку ти се преполовило.

Човек влегува во трамвај (во Моленбенк, Белгија) и на луѓето им кажува дека на следната станица ги чека инспекција која проверува кој се вози без карта. Има ли такви во цивилизирана Белгија?

После изборите, ова некому ќе се види како многу корисна техника.

Како што нашата пливачка хероина немаше да успее без бодрењата на верниот Петко („Не можам, Петко, не можам“) така и овој руски маратонец немаше да стигне до целта да не беа советите и упатствата на неговата пожртвувана сопруга, која во ниеден момент не ја губи надежта во својот јунак.

Ваков трик со карти имаме видено. Ваква завршница на трик со карти немаме. Ауч!

Ако од видеото се гледа дека дечкото има проблем со пилата (нејќе да му запали) и ако тој проблем нема да го реши, зошто ние би ставиле ваков наслов?

Ние ја пробавме финтата и сфативме дека оваа најава побрзо и полесно ќе ја напишевме со одврзани раце.

Тек после новата тура пива што ли ќе може да направи. Ќе му влезе на Матриксот и ќе го имплодира.

Британската, австралиската, еквадорската и американската влада сакаат да ја пренесат својата благодарност за апсењето на Џулијан Асанж, и како тоа не помага никому освен лично ним.

Друштво се соочува со зезнат физички проблем. Како да се протне тава ако е поголема од вратата. Пошто се инат, на крај ќе сфатат дека нелепливото дно не секогаш е предност на еден сад за храна.

Како што е ред, учителката им го спелува англискиот збор, буква по буква. Како што е ред, учителката на крај им го изговара целиот збор. Е, тоа да го дочекате.