Како бренд ја имаш целата публика што може да ја посакаш на едно место, ама тоа ќе те чини 4,5 милиони долари за 30 секунди. Покажи што знаеш.

Ланската реклама на Бадвајзер со лабрадор и коњи на ЈуТјуб имаше 55 милиони прегледувања. За годинешнава ова го знаеме: во снимањето учествувале 8 кутриња (иако гледамe само едно), кутрињата биле на возраст меѓу 11 и 12,5 недели, коњите тренирале 3 месеци за да се искоординира нивното трчање, снимано е во декември во Калифорнија.

Рекламава е за јапонски куќни помошнички во подвезици (х100), или за плински решоа (х100), или за црвени тавчиња (х100) или за тесто за палачинки (х1).

Илјадници стапици за глувци, уште толку пинг понг топчиња и неколку недолжни хонорарци кои треба сето ова да го наместат под конец.Честитката на Пепси за одјава на 2014-та.

Дрога5 е единствената агенција што има две видеа на списоков, едно видео воопшто не е правено од агенција, а 4 од 10-те најдобри се од надвор до САД. Сите 10 одлични за гледање.

Прв тизер трејлер од следниот дел на Војна на Ѕвездите, прв филм од целиот серијал што не е режиран од Џорџ Лукас (сега е Џеј Џеј Абрамс). Премиерата е закажана за декември 2015.

За жал во снимањето беше повредено едно Ферари, поточно 458 Италија, 4,5 литарски мотор, 570 коњски сили, над 230 илјади долари. Поента - да се докаже дека бандажите (на Forgiato) не може да се скршат.

Во видеото нема секс, нема насилство, нема погани зборови. Па сепак...

Сме виделe безброј реклами во кои сексот се користи само како мамец за полесно да се продаде некој производ или услуга. Чак и македонските владини кампањи го промовираат сексот ама само за да ни увалат (наши) деца и (нивни) идни даночни обврзници. Камo бре реклама за самиот секс, како таков? Та-даам, еве ја!

Неколку луѓе (сите башка-башка) се договараат да се видат со другари. Заедничко за сите овие што ќе ги видите е што имаат по неколку казни за пребрзо возење. Веројатно после ова, веќе нема да имаат.

Од КЛМ не разбираат дека се што ќе постигнат со рекламава е за прв пат во живот да ви дојде желба да заборавите нешто во авион.

Лекција од Бадвајзер за правење реклами против пиење и возење пијан. За почеток земи лабрадор. Потоа сите ќе те догледаат до крај, без разлика колку е тажно.

Идејата е дека најмување стриптизери за другарки е клише и глупо. Ако стварно сакаш да ја израдуваш, најми и машки слуга. Целиот сервис не е зезалица, него е регуларен бизнис, а услугата чини од 80 долари на час до 300 долари на ден, за работи како "служење пијалоци, палење цигари, правење инстаграм фотки и слично."

Дрога5 сними 4 реклами за 4 нови производи на Моторола (два телефони, паметен часовник и безжични слушалки). Водилка во рекламите им е зошто да земеме луѓе што знаат ЦГИ, кога може да земеме мајстори.

Пред почеток на следна летна сезона, го викаме Чарлс Денс во Охрид, му ги постројуваме келнерите и тетките од сендвичарите и таксистите и пазарџиите. Мора да успее.

Пред три години беше адвокат на Линколн, денес е негов возач. Метју Меконахи, облечен како Расти Кол од True Detective наспроти еден голем бик. Рекламната серија ја потпишува Данецот кој го режираше Drive.

Без никакви кабли, батериите наполнети и траат вечно, дисплејот може да се зголеми, содржината е со висока резолуција и не се троши време на вчитување. Не е дигитална книга, туку е книга- книга. Феноменален уред.

Од дилемите што ги има и во насловот, рекламава речиси инстантно беше забранета на телевизија. На интернет не е забранета, ем може и со повторување да ја гледате.

Најлоша навика што човек може да ја има е вината за своите проблеми да им ја префрла на други. Ама ако си 30 и кусур години и си доволно дебел да се задишиш од качување два спрата скали, тогаш биди сигурен дека мајка ти е крива за тоа (и баба ти, и тетките и вујна ти...)

Ако сме искрени не е некое независно истражување и не е некое шоу за автомобили (Топ Гиар или слично), туку е реклама на Смарт. Ако и понатаму сме искрени, рекламава не лаже, само има сопствена перцепција на работите.

Затоа што сите детски приказни со татко коцкар, не мора да завршат трагично. Барем не сега за сега.

Мик Џегер прифаќа да испадне глуп додека се заебава со староста на Монти Пајтон. Го кажува за нив она што секој нормален би го кажал и за Стоунси. Ете, тоа е се тие ненадјебиви фраери. Прајслес бонус: Чарли Вотс оптегнат на кауч.

Една од оние "оди па објаснија на состанок со клиентот" реклама. Овие некако успеале да ја објаснат, а Дискавери каналот да ја прифати.