Тоа што не разбирате германски нема никако да ви пречи да се помирите дека гледате генијалец. Никој човек не е нормално да знае оволку бројки. Ама никој.

Ок де, не ние, ние одамна не се мериме со никого, туку да речеме, ова да беше американски сајт па ние сега дигаме паника, додека нашите деца чмаат на телефони, глеј овие другиве што прават.

Веројатно сте налетале на вест дека некој веб сајт бил срушен со DDoS (distributed denial of service), но повеќето корисници не знаат (или не ги занима) како всушност изгледа таа ноќна мора на секој систем администратор.

Скроз е добро што оваа земја е антифашистичка. И што во последниот светски пичвајз не бевме од страната на лошото. Но, кога ќе видиш како доброто се справува со лошото, не си сигурен дека секое добро е баш добро.

"Две млади риби пливаат и по некое време среќаваат постара риба која им вели 'Добро утро момци, како е водата?' Двете риби продолжуваат да пливаат и по некое време едната се врти и ја прашува другата 'Што е тоа вода?'"

Пред да ви го расипеме тестот, проверете колку е добар вашиот вид и дали сте за диоптер или не.

Кога последен пат сте направиле добро дело? Не мора да е спасување на светот, за нешто мало збориме. На пример, да ја прекинете дневната рутина сосема на кратко, за некој друг, некој тотално небитен во вашиот живот. Руски камери во автомобили, какви што до сега не сме ги виделе.

На хартија, во некој спектакуларно досаден владин или невладин извештај, ова би се водело како покриено и обезбедено живеалиште, со санитарен чвор, струја и греење. Во реалноста, ова се кафези. Не се воопшто ретки и не се никава новост.

За мрзите на кои не им се чита, еве една допадлива интернет верзија на познатото дело на Булгаков. Со што треба да се одликува таа за да биде наречена интернет верзија? Да биде кратка. Оваа е две минути. Ехо од тинејџ публиката: Мора баш цели две минути да се одгледаат?

Многу години пред Џејмс Камерон, Гебелс посакал и добил своја верзија на најпознатото бродско потопување на светот. Судбината на овој филм ја следи судбината на неговите творци.

Ова видео (полицаец во последен момент спасува самоубиец да се фрли под воз) може некому да всади чувство дека секој од нас има ангел чувар. Само е глупо ако некој мисли дека баш секој од нив е волку ажурен. Мал риалити чек: овде се умира од старост додека дојде воз а вашиот ангел чувар најверојатно чмае на Фејсбук.

Група Тексашани се запознаваат со некој Финец со кого ја делат истата љубов кон рибата. По некое време тој им испраќа конзерва ферментирана харинга (фински специјалитете кој само тие можат да го јадат) и ги замолува да се снимаат и да му го пратат видеото од дегустацијата. Одма да знаете, ќе не мразите заради ова.

Дрвјата се најновата линија на поделба на македонските граѓани. Додека не сме се заклале и по тоа прашање, да понудиме компромисно решение.

Одамна немало вака хипнотизирачко видео (и не, не е фора, не се жени). Во водата дупка и собира се околу себе, од балвани до мали санти мраз. Како џиновски Will it blend, блендер ставен сред река / езеро. Локација, Латвија.

Имате во џеб 5 долари. Видеото ќе ви покаже колку храна може да купите со тие пари во различни земји од светот. Последниот пример сугерира да фаќаме пат за Кина.

Францускиот социолог Емил Диркем велеше дека општественото зло има позитивна функција; го засилува чувството на заедништво и делење исти морални вредности со другите членови на заедницата. Видеово сега го гледа некој white supremacist, чеченски шошон, муслимански лунатик или ним сличен и си вика: Фак, уште колку работа има.

За разлика од жените, мажите и не се најлошите критичари на сопствениот изглед. Поточно, мажите и не ни помислуваат дека нешто со нив не е во ред. Истата онаа реклама за Дов, ама со мажи.

Полна сала луѓе собрани за музички настан. Како и секаде во светот, атмосферата кулминира кога се појавува главната ѕвезда на вечерта. Како ретко каде во светот, овде ѕвезда на вечерта не е никој од музичарите на сцената туку некој во публиката. И пред концертот а особено по него, кога добива аплауз дури и од изведувачите. Љубов!

Мајкл Севиџ е конзервативен радио водител кој не може да го поднесе Барак Обама и Демократите, особено по настани како нападот за време на бостонскиот маратон. Чујте како знае да збесне на свои 71 година.

Доув ангажира професионален цртач на портрети (за полиција и сл), го става позади чаршав и вика девојки кои треба со свои зборови да се опишат себе си, за тој да ги нацрта (без да ги види ни секунда). По ова, тој вика група на луѓе, да ја опишат истата девојка со свои зборови. Вознемирувачки голема самокритичност.

Некои финти за во кујна кои нема да ви го променат животот, ама за тоа ќе изгледате како да знаете доволно работи за да не заглавите на перење садови.

На 17 години, Никил Гојал станува автор на книгата "Не е една мерка за сите: ученичка проценка на школите." Оттогаш станува ТЕД предавач, од Катар до Шпанија. Старо парче кое вреди да се слушне.

3-минутно упатство за тоа која е разликата LCD, LED, Plasma и OLED телевизор. Веројатно делот околу Full HD и HD ready веќе го имате сфатено.

Иако не можеме да кажеме дека се сеќаваме на ова шоу, можеме да гарантираме дека ова е најфантастичната тројка што некогаш се појавила. Тројца ликови, секој спектакуларен сам по себе, требаат да се претстават и да шармираат девојка. Не ги знаете лично, ама сигурно познавате некој сличен на нив, а ако уште е ваков може треба да го запознате сам со себе.