Земаат просечни жени од улица, ги носат во студио малку им средуваат шминка и фризури, и ги ставаат пред фотоапарат. Завршува фотографирањето и одат на Фотошоп.

Ако не го гледавте директниот пренос од церемонијата, еве ви многу пократка, поискрена и алтернативна верзија од настанот.

Чарли Роуз (човекот што е библија за секој што сака да прави интервјуа) карши себе го седнува Бил Мареј (човекот што е Бил Мареј). И сето ова трае задоволувачки долго.

Насловот на ова кратко филмче е "Опресираното мнозинство". Уште еден обичен ден во животот на еден маж, изложен на сексизам и сексуално насилство, во општество во кое доминираат жените....

Да се разбереме, не сте гледале филм додека не го изгледате ова (дури и Шаркнадо да го гледавте). Ова нешто стварно се снима.

Еден дечко најрегуларно решава да го зголеми бројот на фанови на својата Фејсбук страна преку рекламите на Фејсбук. Дава Х пари, добива ХХ лајкови. Се е добро, ама проблем му е што најголемиот дел од овие нови фанови ништо не праат кај него на страна. Сфаќа дека Фејсбук има сериозен проблем со криминал на својата мрежа. Одлично објаснување за тоа како некој може да има стотици илјади фанови, а само неколку шерови.

Официјално видео, официјално објавено од ХБО, за потсетување на третата сезона и вовед и дел од она што ќе се случува во 4-та. Што имаат да кажат продуцентите, како се чувствуваат актерите и кои се некои од новите ликови што ќе ги видиме. За секој случај да кажеме, ако не сте ги гледале првите три сезони, немој да го гледате видеово, затоа што сè ќе ви расипе. 6-ти април е денот.

Бидејќи никако не можеме да ви го претставиме овој студентски филм без спојлер, треба да знаете две работи: дека тема е мастурбирањето на младите кое е поистоветено со воена опасност и дека Универзитетот од Ајдахо од кој потекнува филмчето е тесно поврзан со тамошните Мормони. Не ги оставајте ранетите на бојното поле? Е што, да ги превиеме со палома? 

Џеј Лено синоќа за последен пат во својот живот го водеше The Tonight Show (ваљда!). По тој повод ви го пуштаме прошталниот говор на Конан О'Браен, кога по неколку месеци беше протеран од The Tonight Show за на негово место да се врати Џеј Лено.

Збориме за овие филмовите што сега го преплавија вашиот ѕид по повод 10-от роденден на Фејсбук. Вака би изгледала вашата ретроспектива на ФБ ако сте искрени.

Тие што го пробале ѓубрево знаат за што зборуваме. Тие што не ја пробале играва, аман немој.

Познатиот футуролог Реј Курцвајл е познат по идејата за сингуларност - точка кога компјутерите ќе го постигнат капацитетот на луѓето па ќе можат да се вмрежуваат со нив. Во видеото објаснува како мозоците ќе ни работат на компјутер.

Нутриционистички и здравствено, разликата меѓу органската храна и регуларната е во тоа што оваа првата е поскапа за производство и поскапа за купување. И ништо друго. Плус, не постои никаков начин да се прехрани човештвото, без користење на конвенционалниот не-органски начин на одгледување на храната.

Дечкото е Србин што живее во Хрватска (во село во околина на Барања на самата граница со Србија). На почеток од 90-ти, (има 18 години) српската војска доаѓа кај него во село, му дава калашников и го носи на фронт. Таму мести мини. Ја преживува војната ама не без проблеми. По некое време на пијано, ненамерно, ја застрелува девојката со пиштол во глава. Оди во затвор. Документарецов со него е снимен во 2010-та, повторно во истото село во околина на Барања, од 3-ца хрватски андерграунд филмаџии.

Нова перспектива на чудесниот рекорд на Феликс Баумгартнер од 2012-та година, кога  рипна од работ на вселената. Моќно, лудо и прилично напнато.

Кругот на животот во Норвешка. Исто како кај нас само што ние уште немаме откриено нафта. Плус, тоа сендвичите се со ајвар.

Ќе го пуштите тестов за да видите дали ве бива за лажење, ќе добиете анализа на вашиот карактер што воопшто не ја баравте. Тестот трае вкупно 5 секунди и ќе може да го користите и кај други.

Робин Асти е родена 1921 година како маж (да, чудна реченица е тоа). Воен ветеран од Втората Светска војна. Во 1976-та година решава да живее како жена. На 92 години бие битка да биде третирана како сите останати вдовици.

Група мажи избрани по рандом добиваат монументална задача - да погодат цена на секојдневни производи за жени. Драги жени, тоа ви е, џабе ќе се извинуваме.

Две работи:
1. Убав збор железни врати отвора.
2. Од која фирма е вратава?

Целата наука се базира на 6 принципи:
1. Реципроцитет
2. Недостиг
3. Авторитет
4. Конзистентност
5. Допадливост
6. Консензус

Да ти дојде на двајцава да им посакаш ова да не им биде последна свадба. По можност вториот пат или на отворено или без пиротехника и пијан дедо.

Јужнокорејските демонстрации уште од времето се многу специфични во однос на она што се случува во остатокот од светот. Специфични = речиси секогаш има ќотек како да се сретнале хулигани на празна ливада. Затоа полицијата редовно вежба во случај да треба да дава ќотек.

Светот го добива својот втор Тесла од истиот дел на светот како првиот. Овој се вика  Милутин и е пензионер. Нема баш безжично решение како што сакал претходникот ама затоа има едножично.