Квентин Тарантино, Том Хупер, Алеандро Инариту, Ридли Скот, Дени Бојл и Дејвид Расел, седат на маса и зборат за филмови. Што треба повеќе?

Што ако светот се соочи со бегалска криза ама со обратна насока од актуелната? Што ако Европјаните се оние кои бараат засолниште на Блискиот Исток? Едно кратко филмче се занимава со оваа непостоечка но отрезнувачка ситуација.

Доналд Трамп успеа да ја води републиканската трка за претседателски кандидат без ниту една ТВ кампања (ви текнува?). Сега кога се ближат битните предизборни тестови во Ајова и Њу Хемпшир, Дамб реши да го јавне и етерот, со првиот спот за чие објавување ќе дава по два милиони долари неделно. Спојлер за неупатени: бара забрана за влез на муслимани во САД, "додека не сфатиме што се случува".

Не фигуративно како што твоите ти кажуваат на секое карање на маса во недела, туку вистински. Само затоа што бебево многу е бебе, целата сцена не е така одвратна како што може да биде. Да беше возрасен, ќе требаше до крај на живот да слуша дека треба да престане со пиење / дрогирање.

Дечкото ставил видео на Јутјуб. Па го симнал видеото од Јутјуб и повторно го качил. И така 1.000 пати. Сторијата не е шокантна заради тоа што сè мора да издржат серверите на платформата туку заради тоа што ќе остане од човештвото ако Јутјуб биде негова единствена архива. Помислете 10-те божји заповеди, наместо на камен, да беа аплодирани на Јутјуб.  

Иако никогаш не е топ опасност во светот, отсекогаш сме мислеле дека планетава ќе отиде у курац баш од овие: Индија и Пакистан, смртно раскарани околу Кашмир и остало, а и двете земји се нуклеарни сили. За среќа, нивниот ривалитет засега е само ултрасмешен. Погледнете како си ги мерат кога е време за смена на војниците од двете страни на границата. Секоја вечер се случува ова!

Балетаните се борци во тајландски бокс. Тоа што ние го гледаме како ќотек, они го гледаат малку поуметнички.

Истите луѓе што ја правеа Новинарска 2015-та, посветија посебно внимание на луѓето што читаат временска прогноза. Ова им е компилацијата.

Ексепримент од 50-тите години, ги снимаат доживувањата на една сосема обична жена под дејство на халуциногениот ЛСД. Дисконектирана од реалноста, се чувстува прекрасно, сè околу неа е колоритно и живо и убаво, жал ѝ е за оние што не можат да го видат она што таа го гледа. Накратко, како наша денешна домаќинка откако ќе изгледа серија вести по нашиве ТВ Трипови. 

Самата тема на видеово е фабрички незанимлива за секое човечко суштество, меѓутоа ја надградиле со добар текст, прави кадри кои се прецизно монтирани и одлична употреба на графика. Крајниот резултат е една сосема непозната желба да земеш и да ја смениш секоја можна шајбна во животот.

Ситуација слична на она од предвоените времиња на екс Југославија, кога на објект на хрваска пошта некој имаше напишано "Ова е Србија!", на што некој му објасни: "Ова е пошта, будало!" Израелски доселеник сака да симне палестинско знаме од територијата на неговата држава, со тоа што таа територија случајно е нечиј домашен кров. И онда напупен меѓу бодликави жици започнува дебата со домаќинот.

Погледнете го овој возач на Хезболах како трпеливо ја чека вистинската секунда за да го помрдне возилото напред и да ја избегне ракетата упатена кон него. А вие не можете на време да тргнете кога ќе се запали зелено на семафор!

Канаѓани ова им го продаваат на Кинези и таму е наводно вистински хит. А кој е напатен како скопјани, тетовци или битолчани ако не пекинжани?

Може е време да му помогнеме на Германецот да се организира за да си ги реши проблемите.

Да ги пребројуваш мртвите во филмовите на Тарантино е една амбициозна пописна операција. Видео есеистот Кевин Б Ли не го мрзело па седнал и поминал низ сите тие негови филмски масакри. Да не ви ја расипуваме конечната бројка ама, бааги е. 

Алтернативна во смисла нема везе со филмот, ама изгледа комплетно автентично ако им читаш од уста. Нема спојлери, сите клипови се од "добрата" трилогија.

Светоста на Мајка Тереза е претпоставка која е прифатена од многумина кои дури и не се верници, објаснува Хиченс, кој потоа трга од почетокот на целиот мит што се создава на Западот околу неа, па потоа дава едно поинакво гледиште за една малку поинаква Мајка Тереза.

Една од главните теории на заговор околу 11-ти септември, која цели на тоа дека нападот е организиран од власта, ЦИА, Евреите, масоните или кој и да им е на дневен ред, е дека авионското гориво не може да ги стопи челичните столбови од кои беа направени кулите Близначки. Човеков има металуршка работилница, не од хоби, туку затоа што цел живот го работи тоа. Не му е гајле за никаква теорија, ниту нечии побуди, гајле му е "за ретардураната металуршка логика" што се користи како аргумент.

Како и секој добар американски хорор, и овој започнува со - Советскиот сојуз во 70-те... Кратко и јасно видео за создавањето на ИСИС, како се ширеше, како ќе биде поразен, ама никогаш нема да биде уништен.

Денес излезе веста дека под најитна постапка (најкасно до март следната година) ќе се носи закон за легализација на одгледувањето и користењето марихуана во медицински цели. Во рок од неполни 15 дена, на две македонски телевизии имаше по една дебатна емисија на потполно истава тема. Потсетување на двете емисии и што беше кажано.

Не е проблем што женава ангажира гатачка по препорака од интернет форум, ниту тоа што верува дека таа со праќање пасоси од Куранот на арапски ќе и го врати бившиот, веројатно не е ни тоа што ја заклале за 150 евра. Проблем е што кога некој ќе ти каже дека магичниот лист што ти го пратил треба да го чуваш 40 дена под перница, па да го закопаш, и дека тоа далечински ќе му ги прочисти емоциите на саканиот и ќе го натера да ти се врати, на тебе целата работа ти станува матна кога текстот што ти го пратиле не ти е доволно арапски, па се сомневаш дека нема да фати кај тебе. Проблем е и тоа што секој што решавал магии во Србија, кај да е ќе се симне и во Македонија (или барем ќе гостува).

Како што Фејсбук одлучи да тргне во поход по видео содржини и сите можни алгоритми да ги наштелува во корист на видеата објавени кај нив (си го мерат со Јутјуб), така луѓето што прават видеа од ден на ден стануваат се погневни гледајќи како на очиглед на Фејсбук луѓе им ги крадат видеата и заработуваат (поточно со Фејсбук делат) пари од нивен труд. Во ноември Фејсбук објави дека имаат 8 милијарди видео прегледи на ден. Ништо не е така како што вели Фејсбук.

За витамините од кутија и некои многу, ама многу, лоши муабети за витаминот Ц, баш сега сред сезона.

Несакајќи, најдобриот експеримент што Митбастерс никогаш не го направија: огнофрлач вс. пожарникарско црево.