Човеков тврди дека српска Топлификација го краде цел Белград и остатокот од Србија каде има градско парно. Според него, тоа што имате калориметар ништо не значи, затоа што (да го објасниме ова на начин како што ние го разбравме) крајната цена на сметката е резултат на чиста магија.

Од рубриката што може денес да те дочека на автопат во екс-СССР: пилот слетува воен хеликоптер на автопат во Казахстан за да праша еден од камионџиите каде се наоѓа.

Ќе добиете фрапантна слика за проблемот со светската сиромаштија и луѓето што би сакале да избегаат од неа кога ќе ја видите оваа страшно ефектна презентација во која секој еден милион несреќници (луѓе што живеат со помалку од два долари дневно) се претставени со една мастика за џвакање (саказ, жвачка..). Во исто време, ќе ви стане јасно зошто се јалови обидите да им се помогне така што ќе бидат примени како бегалци. А постои само едно единствено решение. 

Како татко греота е да дозволиш ќерка ти да има над 30 видеа за шминкање на Јутјуб, а ти никако да не си направиш мерак од тоа, па макар тоа било и да коментираш едно цело нејзино видео за шминкање. П.С. во негова изведба ова некако звучи многу појасно.

Човеков живее на четири дена одење од најблискиот автопат, не од најблиската продавница, туку од најблискиот автопат. И ова не е некоја срцепарателна сторија за некој изгнаник отфрлен од цивилизацијата, напротив тој е оној што решава дека и дал доволно шанси на цивилизацијата, и дека ќе проба со самотија, сред национален парк.

Никогаш не сме помислиле дека песокот може да стане дефицитарна стока на Земјава. А така стоеле работите.

Емисијата на Џон Оливер трае 30 минути, 23:49 од овие 30 беа посветени на новиот американски претседател, што до некаде е разбирливо ако се им предвид дека му го собира уште од пред изборите бидејќи минатата сезона му заврши на 13-ти ноември, една недела пред изборите. Почна 4-та сезона.

Една уникатно данска дилема: ако Данците се на прво место во светот по среќа и задоволство од животот (а се, според најразлични истражувања), зошто тогаш не се на последно место по бројот на самоубиства? Една од причините е што е многу поголем товар да живееш несреќен, во место каде што сите се среќни. Ама има и друго.

Она што сфативме од видеото е дека во британскиот парламент имаш право да му се дереш на противникот, исто како што противникот има право да ти се дере на тебе, додека во исто време сите што не се на говорница имаат право да ти дофрлуваат и да навиваат, ама во моментот кога спикерот на парламентот ќе стане од столче, секој присутен има право само на апсолутен молк. Само да приметите како премиерката Тереза Меј чучнува со стравопочит.

Видеозапис од последните денови на Ниче, откако германскиот филозоф доживеа комплетен ментален колапс, тоест полуде. Нема ништо шокантно во снимките, па сепак се тажни и некако длабоко вознемирувачки.

Без помпа и надмени јуристички паламудења, судија кој не заборавил дека пред себе има и луѓе, а не само закони.

Досадната зима полека се повлекува а вредните раце на македонските урбани земјоделци едвај чекаат да ги засукаат ракавите и да ја подготват својата бавча за предизвиците на повисоките температури. На здравје копање и афтер копање.

Некаква прастара македонско-британска репортажа од 1972 година по повод "охридскиот" воз што проаѓа 60 километри за 3 часа, чиј главен лик е железничарот Петре, неговите филозофски дилеми и зенот и идилата што се вика живот во Охрид во 70-те.

Бугарија го продолжува финиот европски тренд на успокојување на новиот американски претседател, покажувајќи ги убавините на својата земја и тоа ѓубрето од држави што ја опколуваат оваа убавина.

Ние го памтиме по два совети: 1. "Немој да ги користиш медиумите за да го разбереш светот" и 2. "Не смееш да се споредуваш себе си со Швеѓаните... мора да имаш поголеми амбиции во живот." Светот го памети Рослинг како доктор, професор на Каролинска Институтот, автор на неколку книги, говорник на ТЕД, гуру за статистики, член на Шведската академија на науки и голтач на мачеви. Рослинг почина 7 февруари, една година откако му беше откриен рак на панкреасот.

"Отворено носење" (open carry) e правото на сопствениците оружје да го носат истото без да го кријат, на пример да го опнат на рамо или на половина, наместо под палто. Ликов не само што практикува отворено носење, туку на себе има обесено Калашников и пиштол, на глава има ски маска, а целата оваа "масакр во најава" аура ја надополнува со панцир. Се што треба да знаете за ликот е дека реши таков да влезе во полициска станица да поднесе некоја жалба. Којзнае зошто ова никогаш не му паднало на памет на црнец или Арап во Америка.

Фина анализа на говорот на Берни, во која се мапира првенствено неговиот њујоршки акцент, но и работничкото потекло и еврејската жичка во него. Не, тоа не значи дека ако си девојка од Скопје, може да кажеш: Лиле беее, куга ќе дојде прулет?

Ниту еден извештај од ниту една организација не може да ти здрви таква цивилизациска заушка како кога ќе видиш како реагираат обични луѓе во реална ситуација во некој друг дел од светот, без тоа да биде кореографирано. На пример, сообраќајка во тунел во Јужна Кореја.

Меѓу рекламите за кои се плаќаа 5 милиони долари за 30 секунди (166.000 долари за 1 секунда емитување, секунда што во МКД-размери тежи колку фирма што прави по речиси 14 илјади долари месечно), имаше и дузина трејлери за блокбастерите што треба да се појават годинава: Гардијанс, Пиратите од Карибите, Брзи и бесни. Собравме неколку од нив на куп.

Еден детаљ од крајните денови на Битката за Сталинград: ... Германците развија техника во која на прозорите ставаа мрежа од жица за да се заштитат од гранати. Советите одговорија со ставање јадици на гранатите за тие да се закачуваат на мрежата...

Татко ги седнува двата сина на маса наместена со шампањ и јагоди, отвора торба и на двајцата им фрла по 900 долари и по еден ајпад, им кажува дека освоил 20.000 долари на лото. Технички ова е точно, во пракса поточно е дека освоил 2,7 милиони долари, ама, полека.

Тој има 29, таа има 4 години. Тој и е татко, таа му е ќерка. Тој свири на гитара, таа пее. И заедно се неодоливи.

Идеја што може да дојде само од некој што не собирал пари за лифтот, пари за поправање на пумпата за парно, пари за домофон, се нема расправано со тие од први дека и они треба да плаќаат за лифт, ги нема пцуено комшиите дека оставале ѓубре пред врата или нема фрлање овошје од балкон опремен со вечната мудрост "органско е ќе се распадне".

Веројатно единствената замисла што звучи по излудено од "Претседателот Трамп" е идејата за изградба на ѕид меѓу САД и Мексико. Првата работа се случи, втората е ставена во забрзана постапка да се случи. Мексикански архитекти направија компјутерски модел на ѕидот која комплетно ја доловува неговата бесмисленост.