Сигурно постојат подобри начини да ги потрошите следните 47 минути ама на нас не ни текнуваат. Ал Џезеира го ангажира мајсторот за разговори Дејвид Фрост да го седне и распраша оној кој меѓу живите има најмногу видено од музичката историја. А имаат и пијано во соба.

Настрана тоа што дечкото има уникатни инструменти, добар е. Е сега, факат, да беше и дупло подобар, никој немаше да го забележи да не беа инструментите.

Ова нешто се вика Харлем Шејк, и верувајте дека ќе го гледате следниот период. Не заради нас, него затоа што ќе отече на интернет. Целата работа почнува пред неколку месеци, во 2012-та, кога Baauer ја вади песната "Harlem Shake". Крајот на јануари, почеток на февруари се појавува едно сосема непотребно видео со играње на песната, не на цела, туку на едно 30 секудни од неа, и сега целата работа изгледа како да нема да има крај.

Има песни на светов за кои со право може да се каже дека се светски. Оваа е многу повеќе и од тоа.

Вчера ќе полнеше 68 години, да не се упокоеше. Ама, остајте ја неговата овоземна димензија. Типот и неговата музика и денес се живи и функционираат беспрекорно. Еве доказ за тоа:

"Loosing my Religion" од REM е една класична молска песна. Прештимана во дурска скала (а не е кавер, истата е), ја добивате истата песна со прилично поинаква емоција. Одлично!

Како ова го имаме пропуштено/ заборавено? Барем ќе знаевме дека дел од причините за смртта на Мајкл Џексон биле на нервна база.

Уште не ни стивнаа редакциските полемики која од трите патнички е прва да ја грабнеш и бегаш, тројца руски црепови решија да снимат контра спот и да ни ја одмилат идејата за бирање сопатник од руска кола.

Ако донесуваме заклучоци по интернет клипчиња, Русија се сведува на земја на пијани возачи и луѓе што се фрлаат под коли заради осигурување. Да ги разбиеме ови стереотипи на начин на кој на некои феминистки им се ежат мустаќите.

Пазете што сè има во овој спот: жени цимаат мартини, мажи локаат коњак во огромни чаши, икање како битбокс, халуциногено свирење на кочани пченка, травестити... А спотот е од - 1945-та година.

Трендо, Јурук и Невенка се единствените луѓе на Земјатa кои задоцниле на концерт на AC/DC (бидејќи се запија пиво). Какви се сите останати следбеници на бендот ќе видите во импресивниот спот на "You Shook Me..." Фанови, фолоуери? Не, не, армада со која може да се освои планетава!

Ако вака изгледа иднината на концертите, тогаш сакаме да ја дочекаме само за да прочитаме осврт на некој овдешен музички рецензент каква била шутката.

Иамус создава современа класична музика. Стациониран е во Шпанија и комплексната композиција што ќе ја слушнете ја има направено за помалку од една секунда.

По 10 годишна апстиненција од музиката, деценија во која се дружеше најмногу со својата ќерка а њујоршкиите фотографи најчесто го фаќаа како тегнне кеси од гранапче, Дејвид Боуви го прослави својот 66-ти роденден со сингл од албумот The Next Day кој ќе излезе во март. Еве ја песната!

Со оглед на тоа колку и се намерачени на песнава можеме да кажеме дека сме 95% сигурни во насловот. Изведбата е дел од еден неодамнешен хуманитарен концерт во Словенија, а освен двајцата главни ликови кои се комичари, остатокот се членови на регуларен оркестар.

Империјалниот марш од "Војна на ѕвездите" отсвирен во шумадијски виолински клуч. И да е човек Оби -Ван Кеноби, ќе му дојде да се направи Лук Скајвокер.

Како што Џони Кеш знаеше да земе нечија песна и на светот (а и на нејзиниот автор) да му покаже како таа СТВАРНО треба да звучи, така македонската "Зајди, зајди", по којзнае колку години, еден ден се сретна со гласот во кој се чувствува комплетно зрела и исполнета. Без повод, без помен, без годишнини и слични манифестации на колективно лудеење. Само омаж на едно врвно чувство.

DJ Earworm веќе 3 години по ред прави "официјален" микс од музиката на годината што завршува. Собрани се 25 најголеми хитови за 2012-та во САД. Во основа сами одговарате кои песни ќе ги има во миксот, дечкото само ја следи листата.

Сите што го сакате The Office, го сакате и недоверливиот не-ме пипај-не-те-пипам мрзлив решавач на крстозборки во работно време Стенли. Сите што го сакате  Стенли, го сакате и Лесли Дејвид Бејкер, без разлика дали ви се бендисува песната или (супер шабанскиот) спот што направил. Од ведро небо Бејкер повлече тотално неочекуван потег со кој се претставува сосема обратно од оној во The Office. Журка!

Болеробенд е весел и потентен фолк бенд кој може да биде најсилниот адут на министерот за здравство во обидот да го еутаназира актуелниот штрајк на лекарите. Потребно е да се инсталираат пар големи паноа на Клинички и ова нон стоп да им се пушта на пациентите за да им се долови секојдневието на штрајкувачите. - Срамота! Срамота! - изјавија повеќето анкетирани во дневникот на Сител...

Добра вест: Рубинчо (Благадуша) го изгуби деминутивот од името и сега е Рубин, со што добива на јувелирска тежина. Лоша вест: И натаму пее. Тоа што џапа песни не му земаме за зло, бидејќи Благадуша е постмодерен концептуалист.

Канонче. Го знаете тој ориентален музички инструмент, го има и во наши чалгии, како мала харфа легната на скут па се трзаат жици со метални напрстоци. Е па, доживува ривајвал, малку поинаков отколку што тоа го очекува традиционалистот во нас.