Србите квалитетно и надмоќно ја надиграа и совладаа Литванија на Светското во кошарка. Убав повод за тоа да се прослави на традиционален начин во далечниот азиски крај.

Избраниците на Пешиќ добиле порака пред мечот со Литванија на која се израдувале и која им дала дополнителна сила за да растурат во четвртфинале.

Момците на Светислав Пешиќ ја прегазија Литванија и се изборија за место во топ 4 на Светското кошаркарско првенство во Јапонија, Индонезија и Филипини.

Селекцијата на САД се прошета во Ц групата на кошаркарскиот Мундијал. +27 против Нов Зеланд, +28 против Грција и +48 против Јордан. Забиваа колку што сакаа и од каде сакаа. Првиот стрелец на денешниот меч со 22 поени, беше една од главните ѕвезди во тимот, Ентони Едвардс кој нема милост кога треба да се крене под кош.

Селекцијата на Србија бележи перфектен старт во групната фаза на Светското во кошарка со 3 од 3 над Кина, Пуерто Рико, а денеска и против Јужен Судан кој го добија со 115:83 за пласман на првото место го групата. Богдан Богдановиќ е во елемент. Мечот го заврши со 23 поени, 9 асистенции и 3 украдени топки. Поефикасен од него беше само Јовиќ со 25 поени.

Ракометарите на Данска постигнаа хет-трик во освојување Светски титули (2019, 2021, 2023), подвиг кој не му успеал на никој во историјата. Ако некој треба да слави на плоштад, тоа се тие.

Шпанија, Данска, Франција и Шведска се селекциите кои ќе се борат за медали на Светското ракометно првенство. Норвежаните направија кикс од невидени размери и им подарија победа на Шпанците кои израмнија во последна секунда и потоа славеа во продолженија 35:34.

Добро познато е дека парите во ракометот се ситнеж во споредба со фудбалот, ама пркнале во споредба со лани. Ако до пред неколку години милион евра беше плафон за годишна плата, сега е скоро два.

Хрватска го совлада Бахреин со 43:32, но заврши трета во група и не избори пласман во четвртфинале. Селекторот Хрвоје Хорват го изведе најчудното интервју на Светските ракометни првенства. Покажуваше срце и глумеше дека е нем. Хрватите бараат оставка.

Данска и Хрватска ремизираа 32:32 во првото коло од втората групна фаза на Мундијалот. Матијас Гидсел кој очигледно е терсене лик, им го навлече гневот на хрватските коментатори, а уште повеќе на Веселин Вујовиќ.

Ниту гледаат километража, ниту прогноза за времето. Јануари за нив е ракометен празник на кој се патува каде и да игра Македонија.

Ако треба да избереме една акција која ја отсликува организацијата на македонската ракометна репрезентација во напад и одбрана, тогаш ова е таа.

СП 2023 во Полска и Шведска нека биде за заборав. Ракометарите доживеаа дебакл на сите три меча, а на срамот им се приклучија и неколку навивачи.

Македонската ракометна репрезентација за прв пат ги губи сите три натпревари на Светско, а за загриженоста да биде поголема со три порази го завршивме и Европското минатиот јануари. Кире Лазаров смета дека можеби ова е нашата реалност.

Ниту некаква идеја видовме во напад, ниту барем малку цврстина во одбрана, а и голманите ги немаше. Ништо. За впечатокот да биде целосно катастрофален, немаше ниту жар, борбеност и срце на терен. Тежок мундијалски промашај. Штета и срамота.

Најдобрите македонски судии во третото коло на Мундијалот беа задолжени за мечот Португалија - Унгарија кој заврши 27:20. По само 45 секунди игра им се отвори многу работа поради грубиот старт на Унгарецот, Адријан Сипос.

По Југославија, Црна Гора, Македонија и Словенија, темпераментниот Црногорец од лани е селектор на Иран. На мечот против Чиле кој го добија со 25:24 свика тајм аут за да искара еден од играчите, дека се занесува како да е една многу добро позната шведска легенда.

Нема ракометно првенство во јануари кое може да помине без верната македонска публика, која секогаш е во фокусот на камерите и фоторепортерите. „Таурон Арената“ крцаше со нив, а за атмосфера која ја прават пишуваше и организаторот Полска, кој ја нарече фантастична.

Селекцијата на Норвешка како фаворит број 1 во нашата група и еден од главните фаворити за медал, му нанесе висок пораз на нашиот национален тим.

Падна и првата атракција на Светското во Шведска и Полска, благодарение на словенечниот ракометар, Алекс Влах. Словенија ја декласираше Саудиска Арабија со 33:19, а Влах успеа на газ да го седне голманот.

Македонската ракометна репрезентација ќе се соочи со стари познаници во обидот да се пласира на следното Светско првенство 2023 и да ја продолжи низата настапи на големите натпреварувања.