Секоја чест на Ибра, Руни, Роналдо и сите други играчи, а ги има многу, кои демонстрирале велемајсторски ножички. Ама овие се нешто посебно и поразлично од сè што сме виделе до сега. Врвна мангупарија која веднаш треба да влезе во бележникот на ФИФА. Сам си ги намести батето. Не е нормален. Па дури и се повреди од што му беше нестварна акробацијава.
Џенова и Монца одиграа ефикасен натпревар кој заврши 2:3, а мајсторлукот каков што би го посакал секој играч на планетава барем еднаш во кариерата, го има Дани Мота. Спектакуларна акробација за сите пари.
По долга пауза од 6-7 месеци, се вратија фудбалските настани на нашето најубаво здание кое доста зорт виде со одржување. Работнички ја совлада Брегалница 2:0 во 21. коло од домашното првенство. Мечот го разубави Камерунецот Аиме Гандо на акробатски начин.
Сме имале долга низа на голчишта на сајт, снимени во разно разни балони низ светот, ама јакото е кога ќе видиш вакво нешто кај нас. Безбедносна камера во еден од скопските балони, улови мајсторија кој му припаѓа на новинарот на Тв Шења, Енис Муртези, инаку навивач на Лацио.
Премиер Лига, Бундес, Серија А, Ла Лига, Лига на шампиони, Светско, Европско. Никој, никаде и никогаш не искомбинирал вакво нешто од прекин. Погледнете ја радоста на цел тим. Прајслес.
Ако некој фати да прави топ 10 листа на најатрактивни голови со ножички, нека избере девет и нека ја остави празна позицијата број 1. Таа без конкуренција му припаѓа на 23 годишниот Камерунец од Бодо Глимт, Фарис Пеми Мумбања. Ја реализираше во полуфиналето од Норвешкиот Куп против Валеренга, кој Бодо Глимт го доби на гости со 2:4. Страшна акробативна мајсторија.
Есторил прими 5 парчиња од Жил Висенте и загуби со 5:3, ама затоа ја има атракцијата на колото, неделата и месецот, која сигурно ќе влезе во најтесна конкуренција за најдобар гол сезонава во португалскиот шампионат.
Паралелно со квалификациите за ЕП 2024, се играат и квалификациски дуели во У-21. По триумфот над Шведска на гости, нашите загубија дома од Холандија. За гол број 1 во таа конкуренција го прогласуваме оној на Николас Мучи од Швајцарија. Страшен потег на малиот.
Јунакот на сезоната се вика Орелиен Франсоа, а зошто го нарекуваме јунак и специјалист за ножички? Затоа што со помош на славната акробација постигна два комада на два меча по ред, нешто невидено до сега. Му успеа на две островски битка, против Мадагаскар и Сејшели.
Анселмо Рамон од второлигашот ЦРБ се истакна со страшна завршница искомбинирана од слободен, каква што ретко се случува во фудбалот. Бразилците се едногласни за Пушкаш наградата. Не може ова секој од косо.
Екипите не ви значат ништо, бидејќи во прашање е третолигашки фудбал во Норвешка. Поентата е да видите што направи јунаков во 95-та минута за израмнување.
Мајсторот се презива Дел Прете што во превод значи поп. И да сакаше не можеше да најде поатрактивен начин за 3 бода на Естудијантес во Копа Либертадорес. Погледнете како го реши отпадокот кој стигна до него.
Ако некои ножички уште долго ќе ни останат во сеќавање, тоа сигурно се оние на Роналдо против Јуве во ЛШ. Ги реализираше без никакво смирување или местење, туку како проектил на прва. Вака нешто, како во израелската втора лига. Многу јако изведено.
Бразилецот Хозе Рожерио де Оливеира Мело му покажа на Ибрахимовиќ дека и тој може да си ја намести од далеку како него и да го изведе најатрактивниот потег во фудбалот. Се работи за мечот Пумас - Толука во мексиканското првенство. Уживајте.
Жерсон Родригез од Троја е јунакот меѓу синоќешните стрелци во мундијалските квалификации. Луксембург славеше 1:3 на гостувањето против Азербејџан, а тој изрежира велемајсторија за најавните шпици.
Мечот е Академика - Национал, а јунакот кој ќе се фали по другари дека дал сличен еврогол како оној на Роналдо во ЛШ против Јуве, се вика Фабио Фортес. Аплаузи за дечково. Имаше најпрофи реакција што може да постои.
Да, изгледаше невозможно дека ќе го видиме пак, ама ете го, тој е или барем најблиску е до него. Антологискиот еврогол на Златан од 2012-ра против Англија во нова верзија. САД е во транс.
Атлетико Миниеро ја декласираше Ривер Плејт со 3:0 во реванш четвртфиналето од Копа Либертаторес. Натпреварот беше спектакуларен со три прекрасни голови од кои едниот е ремек дело кое се прави еднаш во кариера.
Норич со 5-0 го совлада Гилингем во една од последните средби од подготовките за новата сезона. Едниот од головите падна по врвна асистенција која не се гледа секој ден.
Бразилецот Артур Кабрал од Базел синоќа против Партизани во квалификациите на Конференциската лига, изведе велемајсторија по која ние немаме што повеќе да додадеме, освен да ја изгледаме едно 5-6 пати.
Со двата гола на најголемиот талент од Бундеслига Саша Калајџиќ, Австрија водеше 0-1 па 1-2 против Шкотска, ама домаќините стигнаа до голем бод после ножичките на Џон МекГин.
Нема навивач на Манчестер Јунајтед кој ќе го заборави ова ремек дело, ама нема да има таков ниту од Манчестер Сити. Ептен мајсторски и ептен врвно изведено, плус во градско дерби. Дами и господа, акробацијата на Вејн Руни од сите агли.
