Во 10-та и последна епизода од првата нивна сезона, Бошко, Мите и Елдан прават осврт на историската сезона и историскиот плејоф, потоа зборуваат за заминувањето на Кевин Дурант од Оклахома, за тивкото пензионирање на Тим Данкан и за сите останати размени и потпишувања на слободни агенти. Им благодариме на дечките кои го направија првото македонско НБА шоу. Се гледаме на есен.

Голден Стејт имаше меч топка, во Оукленд Арената, пред своите навивачи кои беа спремни за титулата, но славјето им го расипаа Леброн Џејмс и Кајри Ирвинг со вкупно 82 коша.

Актуелниот шампион во НБА, Голден Стејт го совлада најголемиот ривал Кливленд во Охајо 108:97 и се наоѓа на чекор од одбрана на титулата. Кари одговори на критиките со нова луда партија.

Кошаркарите на Голден Стејт, на крилјата на Драјмонд Грин по втор пат го победија Кливленд во финалната серија, овојпат убедливо со 110:77.

Кошаркарот на Оклахома Сити, Стивен Адамс на мечот против Голден Стејт покажа дека баскетот може да се додава и како бејзбол топче.

Еден од најдобрите играчи на светот се прости од омилената игра на начин на којшто им доликува само на великаните. Уфрли 60 поени и одржа емотивен говор по триумфот со Јута Џез.

Прв ден на работа, како пица мајстор. Ги служи гостите и нормално муабети со нив и ништо не би било необично да не е во прашање еден од најдобрите светски кошаркари на денешницата.

Актуелниот шампион славеше во Тексас против Сан Антонио после цели 19 години и 33 порази по ред од Спарси. Воините на тој начин ја прекинаа и серијата на тимот на Грег Поповиќ од 39 последователни победи на свој терен (48 со сè ланската сезона). Голден Стејт воедно го изедначи рекордот на Чикаго Булс од сезоната 1994/1995 со 72 победи во регуларен дел од сезоната. Јунак, кој друг ако не Стеф Кари со 37 поени.

Поранешниот играч на ЦСКА Москва, Нижњни Новгород и српски репрезентативец, Бобан Марјановиќ е висок 221 см, а неговата сопруга Милица има 161 см.

На времето знаевме за Романецот Мурешан кој со своите 2,34 беше највисокиот кошаркар кој играл во НБА лигата. Денес нема толку, но има приближно високи кошаркари во најдобрата лига на светот.

Иако даде 19 поени за 14 минути со 4 скока и една украдена топка, високиот Бобан Марјановиќ беше суптилно критикуван од неговиот тренер. „Тој е еден од најсебичните играчи кои сум ги видел. Шутира баш секој пат кога ќе ја добие топката. Неверојатно! Утре треба да им се извини на соиграчите што е толку алчен. Сè прави само да го види своето име во весник", се насмеа и во свој стил се пошегува Поп со новинарите.

Најдобрите светски кошаркари од Западната конференција во НБА ги совладаа колегите од Истокот 196:173 во мечот кој го одбележаа неколку рекорди и опростувањето на Коби Брајант.

Трејси МекГрејди беше суперѕвезда во НБА во раните '2000-ти кога даваше по 25-30 поени во просек за Орландо Меџик и Хјустон Рокетс. Викендов 36-годишниот Ти-Мек се појави на Ол-Стар мечот Селебрити и ја покажа разликата на младоста и староста.

Суптилно, кратко, јасно и гласно. Без многу тетеравење, во свој стил, Грег Поповиќ одговори зошто неговиот Сан Антонио одиграл лоша прва четвртина.

Растен без родителите кои го избркале како мал, Џими Батлер бил вдомен кај жена која го одгледала и воспитала на прав начин. Бил скитник, а сега треба да потпише договор вреден 70 милиони долари.

Плејот на Бостон Селтикс, Ајзеа Томас има голем одраз, така што висината од 175 сантиметри не му смета да лупа банани и на некои повисоки играчи, како на пример на ДеМаркус Казинс, најдобриот играч на Сакраменто Кингс.

Тотално неразбирлив за нас Европјаните, односот на американската кошаркарска публика подразбира тролање на противникот со најразлични методи, а тоа што се случува во НБА салите го нема никаде.

Еден од главните НБА инсајдери и прилично голем хејтер на Леброн Џејмс, Едриан Војнаровски раскажува за актуелната ситуација во Кливленд, откако франшизата реши да го избрка тренерот Дејвид Блат.

Прв Македонец во едно конференциско НБА финале, нова титула на МЗТ Скопје, славјето на Голден Стејт, бледиот настап на македонските кошаркари на ЕП и приведувањето на Антиќ во Њујорк беа главни кошаркарски вести кај нас од годината што изминува.

За каналот на Евролига, Перо Антиќ открива дека татко му Зоран е најзаслужен за тоа што почнал да се интересира за кошарката како спорт. Антиќ раскажува и за првите почетоци во кариерата.

Вечерва од 23:00 се игра дербито во НБА, дуелот на двајцата играчи кои ја одбележаа минатата и тековната сезона и дуел кој би можел да покаже кој е во подобра форма.

МВП-то од минатата сезона, Стеф Кари од Голден Стејт од ден на ден продолжува да нè тера да размислуваме дали тоа што го прави е реално.

Една априлска вечер во Њујорк, кошаркарот на Атланта беше повреден и уапсен заедно со Перо Антиќ. Еве ја приказната за тоа како Табо стана симбол на граѓанските права во САД.

На мечот Кливленд - Оклахома, Леброн Џејмс тргна по една топка која одеше во аут, но загуби рамнотежа, со сета сила удри во навивачка на Кливленд по име Ели Харви и сериозно ја повреди. Жената не можела да стане сама, поради што дојде лекарска екипа и на носилки ја изнесоа од Арената. Леброн најави дека ќе ја посети редовната навивачка штом малку закрепне од повредата и дека ќе плати колку треба во болницата. Ели и нејзиниот маж, познатиот голфер Џејсон Дан со децата редовно присуствуваат на секој меч на Кавалирс.