Земјоделците од Саксонија кои ја блокираа цела држава откако државата реши да им скрати субвенции и да им укине поволности под изговор дека нема пари во буџетот, седнаа и и пресметаа на истата таа држава колку германски пари расфрла кај ќе стигне.

Загатката ја извади британската Автомобилска асоцијација, веројатно за да ги вежба опсервационите вештини на возачите. На сликата треба да најдете издишана гума, изгубени клучеви, прегреан мотор и протечено гориво. Англискиот просек за наоѓање на сите четири работи е 65 секунди, а рекордот е 15 секунди. Одиме? 

Иако работа ѝ е да ти одговори најдобро што знае и умее (освен ако не му е кажано поинаку), дијалогот со вештачката интелигенција сепак е нешто што треба да се учи, вежба и надградува, за да се извлечат најкорисни и најупотребливи одговори и информации од тоа чудо кое допрва ќе нè изненадува. Резиме од цаки и трикови околу поставувањето прашања и задачи (промптови) на ЧетГПТ, за да се разберете „ко луѓе.“  

На познатиот сликар Боб Рос човек му се пожалил дека не може да ужива во неговата и друга уметност затоа што е далтонист. Рос, кој (иако без еден прст) има насликано преку 30.000 слики и снимено 403 епизоди од извонредната ASMR серија „Радоста на сликањето“, решил да му помогне на човекот насликал слика користејќи само сива и бела боја. А не фали ама баш ништо. 

Не само што е греота што украинската војна безумно трае предолго, без изгледи да се стави некако крај на тоа осакатување цели генерации мобилизирани војничиња, туку е најгреота кога ќе се види курчот на оние чии татиња се големи фаци па можат да ги спасат од тоа да дремат во ров и само да чекаат кога некој дрон ќе им фрли бомба врз глава.

Видовме кој победи, го видовме она дрво од водител Џо Кој (ах, Џервејс, Џервејс), како беа дотерани, разбравме дека Розамунд Пајк носеше онакво затоа што се учукала на скијање... Сиот тој крем и неизбежниот„крем“ потоа завршуваат на гала афтер партија на кои се цункаат од далеку за да не се размачкаат, се преодушевуваат кога ќе се видат, се прават фанови едни на други.... Не и Пол Џијамати.

Постои една занимлива анегдота поврзана со професорот Владета Јеротиќ. Еднаш професорот седел со пријатели во ресторан кога му пришол некој дечко, му се претставил и рекол дека тој на професорот Јеротиќ многу му должи затоа што неговите книги му имаат помогнато во животот, па би сакал да ги части пијачка и на тој начин да му се заблагодари.

Кај и да отиде наш човек во светот, колку и да е егзотично или мистериозно тоа место кое може да покрене лавина љубопитни прашања, кога ќе се врати овде, меѓу своите, него го чекаат главно две прашања: колку е таму бензинот и колку им е пивото. Пошто пивото е малку покомплицирана категорија (каде го пиеш и слично), да видиме како стојат работите со бензинот по светот.

Фрлање паричка е едноставен и неутрален начин да се реши некоја дилема. Ама пазете ова, нашле 48 добороволци (бадијалџии) кои фрлале и бележеле што се паѓа. Користеле монети од 46 различни валути а фрлале паричка преку 350.000 пати. Статистички та-адаам: предноста (околу 51%) е на онаа страна која била горе кога се вртело.

На фотографијата се првите дами на СССР и САД, Нина Хрушчова и Жаклин Кенеди. Контрастот е впечатлив. Едната течно зборувала пет јазици, го изненадила Рокфелер со своето познавање на економијата и беспрекорно владеела со дипломатскиот бонтон.

Во неочекувана реприза на кризата од пред две и кусур години кога брод заглави во Суецкиот канал и со тоа блокираше еден од најважните поморски патишта на свет, изминатиов период бродови од најразлични држави не можат ни да припарат до Суецкиот канал затоа што Хутите купиле дронови и ракети, и се расположени да ги користат.

Девојката изгледа убаво, убаво се облекува, пристојна е, убаво комуницира, маркетингот што ја следи е блиску до совршенство. Па што не е во ред со тоа? Празнотијата. Целосна празнотија, плиткост, бесмисленост. Ние како општество, како луѓе, како цела цивилизација, полека но сигурно тонеме во сè поголема и сеопфатна ПОВРШНОСТ.

Во бизарен спој на криминални умови и вештачка интелигенција , криминалците сфатија дека додавање силиконски прст на својата рака кој нема никаква функционалност освен изгледа како грешка, ќе направи секоја снимка од надзорни камери да личи како да е генерирана од вештачка интелигенција.

После децении чисто техничко известување за смртта и жртвите меѓу Палестинците, Гардијан некако природно продолжи на ист начин да пишува и за последната војна која се случува во Газа, во која според него, во ист пасос, израелската страна има „деца“ а палестинската „лица под 18 години“.

Од февруари 2022 до септември 2023, бројот на население на Киргистан е останат отприлика ист од 6,7 милиони на веројатно некоја илјадарка плус, ама затоа па извозот на возила од Германија за Киргистан е зголемен за 5.500 (со букви: пет и пол илјади) проценти. И тука нема ништо сомнително ни за Германија, ни за ЕУ. Кој ги знае Киргизите што прават, може почнале по три коли одеднаш да возат.

Kаква е таа реалност која како магла ја растеруваат неколку децилитри вотка? Нешто не е во ред со таа реалност. Не со реалноста, ќе речат трезвењаците, со сетилата. Добро тогаш, што правиме со такви сетила? Како да им веруваме? Ништо не е во ред ниту со сетилата ниту со реалноста; јадни конвенции, лажни како и секојдневната куртоазија.

Мала галерија од за навек изгубените архитектонски богатства на САД. Срушени за да се направи нешто помодерно и често поглупо и погрдо. Американците имаа една фасцинантна јавна библиотека во Синсинати, ја имаат срушено за да се отвори простор за паркинг.   

„Грок“ значи да разбереш нешто темелно и човечки. Така се вика новиот четбот на Илон Маск, замислен да му помогне на човештвото да ги разбере работите. Одговара во стил на „Автостоперскиот водич низ Галаксијата“ и за разлика од другите ВИ четботови, не се снебива да  влезе во контроверзни теми и да мавне хумор и по некој сарказам. Три примери:

Aко вашиот лекар ви каже дека причината е непозната, дека не може да се излечи и дека може само да ви препише лекови за намалување на симптомите, побарајте друг лекар. Телото е најдобриот лекар и ви треба лекар кој го разбира тоа. На телото треба да му се даде шанса.

Три години откако го напиша „Источно од рајот“, Џон Стајнбек (Глувци и луѓе, Плодови на гневот...) седнува да ѝ напише писмо на Мерилин Монро. „Јас знам дека ти не си создадена од божествен етер, ама тој не знае“, пишува нобеловецот, објаснувајќи една чудна молба за автограм. Баш шизичко писменце.

УНРВА агенцијата на ОН што им помага на Палестинците во Газа на Твитер се пожали  дека нема гориво заради израелската блокада и дека ако во скоро време не добие ќе мора да ја прекине својата работа. Неочекувано помошта им пристигна од Израелските одбранбени сили.

Тврдеа дека вакцините се ефикасни и безбедни. Дека го знаат они тоа. Затоа и се бодевме. Сега протече доверливиот документ меѓу Европската факинг комисија и факинг Фајзер. Читаме страна 48, параграф четири: а) непозната ефикасност, б) непознати несакани ефекти, в) непознати долгорочни ефекти. Само профитите им беа познати.

За оние кои се убедени дека живееме во неповторливо значајни времиња, мал „Неделава пред години“ времеплов за тоа што се случувало во светот меѓу 23 и 27-ми октомври. Ќе сфатите зошто е таков насловот и ќе сфатите зошто престанавме да набројуваме настани поврзани со Македонија после европската порака до нас од 2004 година.

Денес, кога отворате социјални мрежи, ве преплавува цунами од идиотски изреки. „Животот е...“ е омилен почеток на некоја бесмислена умотворба која армија папци потоа ќе ја споделуваат со брзината на нивните лепливи прсти. Дополнете што било после тоа, никаков проблем, флоскулчето ќе ја најде својата публика.