Време на подготовка:
30 мин.
Време на готвење:
5 мин.
Вкупно време:
35 мин.
Порции
4 лица
Состојки
- 4 модри патлиџани, исечени на тенки ленти
- маслиново масло
- 250гр. чери домати
- 1 мало чешне лук
- 1/4 лажичка црвен пипер
- сок од 1/2 лимон
- 140гр. павлака
- 400гр. леќа
- 80гр. ореви сецкани
- 4 лажици магдонос сецкан
- 70гр. млад спанаќ
Подготовка
Сварете ја леќата 30 мин. во тенџере со вода на среден оган. Потоа процедете ја.
Загрејте ја рерната на 200 степени. Намачкајте плех со масло и наредете ги лентите од модри патлиџани и чери доматите. Премачкајте ги со маслиново масло и печете ги 3-4 минути. Потоа тргнете ги чери доматите во чинија, превртете ги модрите патлиџани од другата страна и печете ги уште 3-4 минути.
Во мал сад измешајте павлака, лук, црвен пипер и сок од лимон.
Измешајте ги во сад за сервирање модрите патлиџани, чери доматите, леќа, магдонос, млад спанаќ и ореви. Зачинете со сол по вкус и прелијте ја салата со зачинетата павлака.
