Време на подготовка:
20 мин.
Време на готвење:
30 мин.
Вкупно време:
50 мин.
Порции
2 лица
Состојки
- 1/2 кг. пилешки џигер
- 2 чешниња лук
- 1 лажичка кумин
- 2 лажици сецкан магдонос
- сол и бибер
- 200 мл. сок од калинка
- 1 лажица сок од лимон
- 1 лажица оцет
- 2 лажици масло
Подготовка
Сварете го џигерот во тенџере со вода и една лажица оцет. Гответе го на среден оган околу 20 минути.
Исецкајте го ситно лукот и пропржете го во подлабока тава со масло на среден оган додека да добие златно жолта боја. Потоа додадете сок од лимон, сол и бибер.
По една минута додадете во лукот сок од калинка, магдонос и кумин и добро промешајте. Додадете го џигерот во смесата и гответе го 10 минути. Превртувајте го на секои 2 минути за да се зготви рамномерно.
Послужете го џигерот веднаш со зелена салата и гарнир по желба.
