Време на подготовка:
10 мин.
Време на готвење:
30 мин.
Вкупно време:
40 мин.
Порции
4 лица
Состојки
- 450гр. фетучини
- 1 лажица маслиново масло
- 650гр. пилешки гради
- 125гр. сланина, ситно сецкана
- 1 главица кромид, ситно сецкан
- 300гр. шампињони, измиени и сецкани
- 420гр. пилешка супа од коцка
- 100гр. павлака
- 1 лажица Ворчестер сос
- 4 лажици сецкан магдонос
Подготовка
Сварете ги тестенините во тенџере зовриена вода со малку сол, според упатството на ќесата. Потоа процедете ги.
Згрејте 1/2 лажица маслиново масло во поголема тава на средно силен оган. Додадете го половина од пилешкото. Пржете го по 4 минути од секоја страна додека да добие златно жолта боја. Потоа извадете го во чинија и повторете ја постапката со остатокот од пилешкото.
Потоа исецкајте го на парчиња и посолете по желба.
Додадете ја сланината во тавата и пржете ја 2 минути. Додадете ги печурките и кромидот. Гответе ги заедно со повремено мешање околу 10 минути. Додадете ја пилешката супа, павлаката, магдоносот и Ворчестер сос и добро измешајте за да се соединат состојките.
Во длабок сад префрлете ги тестенините. Додадете го пилешкото и приготвениот сос од печурки и послужете го веднаш зачинето со црн бибер по вкус.
