Со осмиот и последен подкаст „Тоа е фудбалот“ со Златко Калински, на кој со задоволство бевме медиумски партнер, завршува мундијалската треска која беше збогатена со легендарниот коментатор и неговите гости. Рекапитулација на СП Катар 2022 прават двајца поранешни напаѓачи на Македонија. Ѓорѓи Христов од студио и Горан Пандев од Џенова.

Во петтата емисија посветена на СП Катар 2022, која го освежи сиромашниот македонски спортски етер со интересни анализи и занимливи приказни и анегдоти, гостува легендарниот напаѓач Васил Рингов, инаку прв стрелец во историјата на Вардар. Од Загреб се вклучува Мрме.

Еден од двајцата Македонци кои со Југославија учествуваше на Мундијалот во Италија, во подкастот „Тоа е фудбалот“ со Златко зборува за државните проблеми и скептицизмот со кои биле испратени на Светско во тие турбулентни времиња последни за големата држава, која никогаш нема да дознаеме какви спортски успеси би редела во денешно време.

Во последниот поткаст „Тоа е фудбалот“ со Златко Калински, Вујо ја предвиде судбината на Шпанија која загуби од Јапонија во последниот меч од групната фаза и го избегна Бразил во нокаут фазата.

Во новата епизода на подкастот „Тоа е фудбалот“ со Златко Калински, гостува Вујадин Станојковиќ, еден од тројцата Македонци кои заиграле на Светско првенство. Популарниот Вујо зборува за настапите на Србија и Хрватска, можните епилози од нокаут фазата, како и за настапите на Југославија на Светските првенства.

Македонскиот новинар во подкастот „Тоа е фудбалот“ ги пофали домаќините за организацијата на Светското. Катарците купиле 3.000 автобуси за пренос на 20.000 новинари. Ангажирале 5.000 турски полицајци и 200 припадници на елитните полициски сили на Франција. Проблем вели дека се строгите контроли на стадион поради кои многу бавно се влегува, како и ниските температури.

Во четвртата емисија на новото подкаст шоу, гостува златното македонско коментаторско грло без кој не можеше да пројде ниту еден голем настан од минатиот век. На линковско вклучување се појавуваат Игор Паневски од Доха и Оливер Бранковиќ од Белград.

Што му кажал Столе на Модриќ пред пеналот против Реал Мадрид? Каков подарок добил од Анчелоти? Какво е чувството да се игра за тим како Рајо Ваљекано? Одбраната против Косово и неговата тетоважа.

Поетот од коментаторското столче кој 42 години царуваше во спортскиот етер и во стил на шаховски мајстор ја водеше публиката во преку 2.100 преноси во разни спортови, реши да ни го направи Светското уште поинтересно.

Првиот ги удри темелите во Крањ, вториот ги коментираше двата гола на Пандев против Шпанија на Градски, а третиот историското реми против Англија. А да е само тоа.

Четири години откако плови во пензионерските денови, се бара назад во студио брутално добриот глас на Златко Калински, да биде специјален гостин за Европското на кое ќе игра Македонија.

„Кога ќе истрчаат да истрчаат со верба и во себе и во соиграчите и во селекторот, да бидат свесни дека можат да испишат историја, дека можат да ни го направат животот поинтересен, поубав, а и сами себе да се издигнат многу повисоко, бидејќи ова се моменти кои ќе ги паметат за цел живот“.

Веќе два месеци кукаме за фудбал, ама поминаа три години откако поетот од коментаторското столче, се одлепи засекогаш од микрофонот со кој 42 години царуваше во спортскиот етер. Во стил на шаховски мајстор ја водеше публиката во преку 2.100 преноси во разни спортови.

Добро е понекогаш човек да се потсети што гледал и за што пишувал лани, преклани... Немаме за жал можност да го слушаме и величаме и во иднина, ама затоа може да се потсетиме и да го одбележиме. Една година преноси без Златко Калински.

Преносот од градското дерби меѓу Атлетико и Реал не беше последното уживање со легендарниот Златко Калински. Неговиот магичен глас, створен за спортско коментирање имавме привилегија да го чуеме и доцна синоќа. Го коментираше финалето на 100 метри на СП во Лондон, кое за жал не мина во знакот на Усеин Болт. Тој заврши трет и најави дека по ова Светско атлетско првенство заминува во пензија. А сега претворете се во уши. 6 минути емотивен и поетски опис за најдобриот на сите времиња и одлепување од микрофонот со солзи.

4.469 луѓе досега се потпишаа на петицијата во која се бара кралот на спортското коментаторство да го коментира финалето од ЛШ во Кардиф. Финалето на 3 јуни без него нема да биде финале. Кус и убав пресек со гласот на Калински и неколку факти за него.

Почна со натпреварот Тетекс - Дубочица во Тетово во 1977-та, заврши 40 години подоцна со Реал – Атлетико во студиото на МТВ. Тајната во коментирањето на Калински лежи во неговиот магичен глас со кој на ист начин може да ви долови одбојка во школо и финале на Светско првенство во фудбал.

Бардот на македонското спортско новинарство, Златко Калински на вечерашниот дуел меѓу Атлетико Мадрид и Реал, за последен пат беше во коментаторското столче затоа што после 42 години професионална кариера, заминува во пензија. Му посакуваме мирно и ведро пловење во пензионерските денови. Заслужи!

Со породилни маки Арсенал успеа да изедначи против Баерн Минхен, рече Калински за време на осминафиналниот дуел од ЛШ минатата недела. Синоќа ја коментираше Порто - Јувентус со што ја надополни Фејсбук страницата која прави компилација од неговите легендарни коментари.

Откако Португалија и Франција ја спуштија завесата на ЕП 2016, Тони Стојановски му се заблагодари на Златко Калински и му посака пријатни мигови во пензија. Следно големо натпреварување е Мундијалот во Русија 2018, но без гласот на коментаторската легенда која се има инфицирано со овој занает на мечот меѓу Тетекс и Дубочица вo 1977-ма.

Легендарниот коментатор на МТВ уште еднаш ја потврди тезата дека тој е доктор за настапите на Усеин Болт, а неговиот колега Душко Кораќ за оние на Јелена Исинбаева.

Радиофоничниот глас на Калински ќе оди во етер уште две и пол години. Би сакал да коментира со уште тројца вардарови легенди, по дома гледа снукер, а зад себе има и одбојкарска кариера која била пресудна за првиот пренос во кариерата.